آزربایجانئن میللت دئولت قوماسی شرط لری
یئنی میللت و قودرت اولماق اوچون، قدیمی فیکیرلر و عمللرله یولا چئخماق اولماز. یئنی گوج اولماق اوچون، یئنی فیکیر و اینسانی لازیم دیر.
آزربایجانئن جوره به جوره سیاسی، ایجتیماعی، دینی، صینفی، علمی، ایقتیصادی، یاشام چئوره سی یا موحیطی، ادبی، ایش و حرفه، و ... حوزه لرده تشکیلاتی اولابیلر آمما بونلار فاس و عیرانچی تشکیلاتلاردان فرقیلی اولمالی دیرلار.
حتتا آدلارئنئن، مرامنامه لرینین، سیاست لرینین، آماج و هدفلرینین فاسلارلا، فرقی اولمالی دیر.
اگر آدلار فرقیلی اولا آمما هدف و آماجلار عیرانچئلار کیمی یا عیران و فاس خیدمتینده اولا، او حالدا، آزربایجان آدیله، آزربایجان دوشمانئنئن خیدمتینده اولار و نهایت ده آزربایجانئن تورک خالقئنا خیانت ادر.
آزربایجان تورک تشکیلاتی نئن بیر آماجی فاسچئلیق و عیرانچئلئقلا موخالیفت اتمک دیر.
بیر داها هدفی، یولو و سیاستینین فارسلارلا فرقیلی اولماسئ دیر.
اگر بیز ایستیریک آزربایجان یئنی بیر قودرته چئوریلسین، سوزله اولماز.
یئنی قودرت و گوج اولماق اوچون، یئنی اینسان و یئنی فیکیر صاحیبی اولماق لازیم دیر.
اگر کوهنه و قدیمی بیین، فیکیرلر و یوللارلا، قدرت صاحیبی اولماق ایمکانی اولسای دی، بیزدن اسکی میللت لر بئله، قودرت و گوج صاحیبی اولاردیرلار.
او شئی کی بیر خالقی دیریل دیر و بیر خالقی اولدورور، او میللتین فیکیرینین تازالئغی و جاوانلئغئ دیر.
اگر بیر میللت اسکی و قدیمی یوللارلا حرکته چئخسا، هئچ بیر تازا یئره چاتماز وهئچ کیمسه تجروبه اولموش بیر فیکیره، اینانماز.
یئنی گوج و قودرت اولماق اوچون، یئنی فیکیر و یئنی فیکیر اوچون، یئنی جسارت لازیم دیر.
قورخماماق، آماجلارا ال چاتماق اوچون، ان لازیم و موهوم شرط دیر.
No comments:
Post a Comment