یئنی تورکیه، 13 ایل بوندان قاباخکی تورکییه دئییل

قبول ادک یا قبول اتمییک، آمریکا ایشارتی ایله یا موستقیل، عاغیل اوزیله یا یانلیشلیقلا، روس ساواش طییاره سی دوشرکن، تورک خالقیندا، حتتا من ده بیله، بیر درین غورور یاراندی. سئودیم. بونلان بیله کی بیلدیم حتمن ضرر ده آلاجاییق. بو همان میللی غورور دور.

ایکی فوتبال تیمی موسابیقه سینه گئدیرسن. پول وئریرسن، بیر گون واختیوی هدر ادیرسن. سئودیگین تیم اودور، سن سئوینیرسن. اودوزوسا،سن راحاتسیز اولورسان.

نیه؟

بو روانی و روحی بیر موضو دور.

سنه نه وار او تیمین اودوب اودوزمادیغیندان؟

بیلمیرم آمما روانشوناسلار بونو، بیر روانی عامیل و فاکت اولاراق قبول ادیب لر.

سن ائوزووو اونلارین یئرینه قویورسان و کئیف ادیر یا ناراحات اولورسان.

هه! او زامانکی بیر رهبر گوردو، میللتین ماددی منفعت لرین (بیر درین دوشمانلیقدان سونرا) داها جیددی توتمالی و تامین اتمه لی دیر، جسارتلی اولوب و هنری کیسینجر کیمی دوشمانین یانینا گئتمه گی ده بیله جک.

تورک دئولتی بونودا بیلدی و باشاردی.

من تورکییه نین حاکیمییه تین دن مودافیعه اتمیرم آمما اتمک ایسترسم، دییرم:

باخین گورون، رجب طیب اردوغان ایش اوسته گلندن، خالقین گلیری نه قدر چوخالیب!

نه قدر ایش یارانیب!

تورکییه خالقینین ریفاهی قاباخلارلا موقاییسه اتمه لی دئییل!

تورکیه هر ساحه ده تازالاشیب.

شهرلر 13 ایل بوندان قاباقلا قابیلی موقاییسه دئییل.

حتتا کوردلره نه قدر حاقلار وئریلیب کی بیز اونلارا دایاناراق، عیران و فارث لاری تنقید ادیریک

دانیشگاهلار نه قدر چوخالیب.

صادیرات و تکنولوژی نه قدر اینکیشاف ادیب!

توریسم نه قدر چوخالیب و مال و ثروت گتیریب! بوندان بیله کی آددا بیر ایسلامچی دئولت دیر.

مالتی کاچیرالیزیم و تولورانس دا خالق آراسیندا درینله شیب.

هه! بونلارین و یوزلر بونلارا تای موضولارین کناریندا، دینچیلیک ده چوخالیب. بونا اینتیقاد اولابیلر آمما گورک بو گون بو دینچیلیک، دین سیزلر و سئکولارلار ضیددینه حرکت ادیر؟بلکه او طرفه گئدر.

آمما بو بیر عیب یا نقد، دیکر مسئله لری تخریب ادیب و اینکارا گتیرمز.

واقعییت اودور کی گورورسن. پولیس همان دئییل کی بیر زامان روشوت پولیسی آدلانمیش دی. بونو نئجه دانماق اولار!

من بو تورکیه وطن داشلیغین کانادا وطنداشلیغیندان داها اوستون گورورم. من کانادادا بیر غریب و وطنسیز بیر اینسانام. کیملیگیم گئت گئده محو اولاجاق آمما تورکیه، منه جان و آزربایجانسیزلیغیمدا، منه وطن دیر، اینانیرام