قیامت، بیزده تیکرار اولاجاق
بو نه‌یین اینتیقامی دیر آلیرسیز
بو توپراقدان، بو گولدن، سودان
بو ائل‌دن، اوبادان بو میللتدن؟
نه کین دیر قوسورسوز
بیزم وطنه، توپراغا، سویا
زهر قاتیرسیز یاشاما، دیله، دویغویا
هاوایا، دینه، گومانا؟
نه دن قودورموسوز
قورودورسوز بیزیم گولو
دونن، هر یئرده، اوجا سسله
موقددس دئمیردیز بو گوله؟
زرتشتون یویوندوغو گول دئمیردیز بونا؟
دوغمامیش پیغمبریز بو سویا، بو توپراغا؟
«آتش پرستلیگین» بئشیی دئمیردیز بورا؟
نه‌دن سیلدینیز موقددسلری
زرتوشتو، پیغمبری، یازدیقیز ورقلری
چاغئنیز باشلاماق ایسته‌ییرسه اگر
سیلینمک، دئییشمک، دیییشدیرمک گرک
ائولدورون بیزی، دیلی، گولو
یئخین ائویمیزی.
گول قورور، ائولور، کوچور توم جانلیلار
کولوندن دوغار بیرده بو دییار
آتلاری یه‌هرلر، نال چالار، کولدن دوغانلار
ائولومدن، قیامته
گئدیرسه یول اگر
قیامتده قالخار دوغموش بالالار
دوغار کولوندن، دوغموشلار ائولومدن.
بو دوشمانلیق؛
دنیزیندن یئتیم بوراخدیز بیزی
یئتیملر، دوزوملو اولار
اومودون کسر باشقالاردان
گون گلر،
دنیزلر دولار،
ائل، آیئلار،
یئتیملر دورار.
نه‌دن ائلوم قوسور نفسیز
کسیر دیللری سسیز
سیلیر توم گئچمیشی
یاندیریر آزربایجانی دوشمنلیک هوسیز.
دنیزده، وطنده، دیلده، میللت ده
بیرداها دوغاجاق، یئنی قیامتده
چالارکن زورنالار، آشیقلار
قیامت، بیزده تیکرار اولاجاق
بو میللت محشر کوبرا قوراجاق
صیراطی موستقیم بیزدن اولاجاق
بیزیم کوپرودن گئچن،
یاشاما بیر یول اولاجاق.
تورکون هئنجی، ایتیقامی آغیر اولاجاق.
انصافعلی هدایت
تورنتو - کانادا
04.07.2022
No comments:
Post a Comment