دیلنچیلیک روحو - دیلنچی میللتلر
دیلنچیلیک روحو - دیلنچی میللتلر
دوستلاردان بیری، دیلنچیلیک حاقدا، «اینستاقیرام»دا بیر یازی یازمیش و اینسانلارین دیلنچیلیگه آلیشماسیندان خبر وئرمیش.
من اونا بئله بیر جاواب یازدیم.
منده، دیلینچیلیک روحو و آلیشقانلیقی حاقدا چوخ یازمیشام، همده دانیشمیشام. «گوناز‌تی‌وی» ده بئله، بو حاقدا، جانلی برنامه‌لر آپارمیشام.
میللی دیلنچیلیک روحو، ان باشدا، عسگری «شیکست» یا اودوزما روحوندان و اونون کولگه‌سینده دوغان قورخو روحوندان دوغار.
یعنی؛ ایشغال و سوی‌قیریم قورخوسو، بیر میللتی دیلنچیلیگه آلیشدیرا بیلر.
سونراسی‌سا، هر ساحه‌ده، دیلنچیلیک بیر آلیشقانلیغا دونوشر.
بونلارا علاوه اولاراق، ایرانداکی میللتلر، روشوت میللتی اولموشوق.
فارس دوولتی، گئچن یوز ایلده، هر ساحه‌ده، میللتلره روشوت وئره‌رک، میللتلری، دوولتدن دیلنمه‌یه آلیشدیریب.
بئله‌لیکله، دیلنچی، قورخاق و ایشغال اولموش میللتلر اولموشوق.
بئیین‌لریمیز یئخاندیقیندان دولایی، همده دیلنچیلیگه، قورخویا، ایشغالا آلیشدیغیمیزدان دولایی، دورومو دوغال گوره‌رک، اونوتموشوق و دیلینچیلیگه دورد اللی یاپیشمیشیق.
بونون ائوچون دور کی بیز، ایشله‌مک، تشکیلاتلاشماق، خیال و ایراده اتمک یئرینه، فارسلاردان و فارس فاشیستلردن، دیل حاقی، اورمو گولو حاقی، چیوره حاقی، سیاسال حاقلار، حیزب حاقی، اکونومی حاقی، یونه‌تیم حاقی و ... دیله‌نیریک.
Comments
Post a Comment