قورخو خایین‌لری ایله جینایت‌کارلاری
قورخو خایین‌لری ایله جینایت‌کارلاری
یازدی:
بوسه مرد تبریزی بر دستان "محمود ذوالفقار زنجانی" که برای بیرون راندن فرقه پیشه‌وری آمده بود.
نوشتم:
تاریخ بوبو، لومپنلر و خایین‌لر، همیشه، گوجلوله‌رین، ایشغالچی‌لارین و میللت‌لرین ایراده‌سی دوشمنلرین اساس گوجله‌رینه چئوریلمیشلر.
یاخین تاریخیمیزده، بو قورخاق دارقاشاگیردلرین ان آدلیمی ایسه "شعبان بی مخ" دور.
هر توپلومدا، بئله لاتلار، دارقاشاگیردلر و شعبان بی مخ‌لار، هر زمان واردیرلار. بولارد فورصتچی و منفعتچی دیرلر و اوز یاللارین و یال قابلارینین ایسین یاخجی بیلرلر.
اونلارین ایسته‌دیگی شرایط موساعید اولارکن، اونلار ظالیم‌له‌رین، جنایتکار و جللادلارین یانیندا اولارلار. جللاد صئنیفی دا بونلاردان اولاشار. جللادلیق ایشی، بونلارین ایشی و قازانج بولو دور.
اونلارین توم داورانیشلاری، شخصی منفعتلری اوچون دور. اونلار، میللی و توپلوم منفعتین دوشونمزلر. هانکی طرفین زورو باسارسا، اونون یانینا صف چئویررلر.
یعنی، اونلار، اوزله‌رین کرایه وئررلر. زورلونون قحبه‌سی اولورلار. اونلاری کیمین کرایه اتمه‌سی، اونلار اوچون اونملی دئییل. کیرایه اولمالاری و قازانجلاری اونلی دیر.
بیر میللت ساواشئب سئنارکن، او میللتین میللی چیخارلاری یولوندا، عاغیللی، جسور و میللی دوشونن اینسانلار ساواشار، اولدورر و شهید اولار.
قالانلار ایسه، قورخویا ته‌پیلرلر. ساواشارکن اولمزلر آمما اولومو، هر گون و هر گون‌ده اونلار دفه یاشارلار.
اولوم قورخوسو، توتوقلانما قورخوسو، ایشکنجه قورخوسو، … قورخوسو قالانلارین یاشاملارین جهنمه چئورر.
قورخاقلار، ایسته‌مزلرسه بئله، او میللتین ایراده‌سینه، اولوسال چیخارلارینا و ایسته‌گینه خیانت ادرلر.
او قورخاقلار، مین‌لر دوغرونو-یالانی بیر بیرینه دوگونلرلر، سویلرلر کی اولمه‌سین‌لر، دیری قالسین‌لار.
قورخاقلار، اولن‌لری و قاچانلاری هر بیر پیسلیک ایله ایتتیهام ادرلر کی اوزله‌رینه یاشام حاقین قازانسینلار.
ظفر قازانان طرف و گوج ایسه، قورخاقلارین قورخو گوجونه دایاناراق، هم توپلومو اداره ادرلر، همده اونلارین الینده اولان اولمایانلاری آلارلار. قورخو گوجو، چوخ زورگو بیر گوج دور. او گوج، هر شئیی آشیرا بیلر بیر گوجده دیر. حتا بیر آزاد توپلومون گوجوندن بئله گوجلو‌دور. چون دیری قالمایا چالئشیر و یاشیر.
قورخاق دیری‌لر، دونیانین ان پیس یالانلارین اولن‌لره و قاچقینلارا یاپیشدیرارلار.
ظفر صاحیبی، او یالانلارین یالانلارینا و حیکایه‌لرینه دایاناراق، لیر قورخو تاریخی، دوشونجه‌سی، اینانجی، مدنییه‌تی، کولتورو، یاشام طرزین و … یادگرادار، هابئله اونلارلا توم کیتابلاری، میدیالاری، مکتبلری، اونیوئرسیته‌لری و … بئیین‌لری دولدورار. اونلارلا، یئنی نسلین یئتیشمه‌له‌رین یئتیشدیرر. نسیللر، قورخاقلیق مدنییتی، کولتورو و تعلیمی ایله آمما دوغال شکیلده یئتیشدیریلیر.
آمما ایش بوردا، یالانلارلا و یئنی نسلین یالانلارلا یئتیشمه‌سینده قالماز بلکه یالانلار، توپلومدا دولاندیقجا، یالانچیلار بئله اوز یالانلارینا اینانارلار و اونو دوغرو گوروب، همن یالانلاری یاشامایا و ایناناراق یایمایا باشلارلار.
عجیبه بو دور کی یالانچیلار، اوزلری یاراتدیقی یالانی، باشقا قورخاقلارین دیلیندن ائشیدندن سونرا، سوزله‌رینین یالان اولمادیقینا بئله اینانارلار. اوزلرین او یالانلاردا حاقلی گوررلر و تصوور ادرلر کی اونلار دئدیکلری یالان دئییلمیش بلکه اونلارین خبری یوخ‌ایمیش.
بئله‌لیک ایله، یالانچی دیری‌لر، اودوزموش و یئنیلمیش توپلومدا یاشام حاقین قازانارلار. اونلار، نه‌قه‌در چوخ یالان دئسه‌لر، اولن‌لرله قاچانلاری پیسله‌سه‌لر، او قه‌درده حاق قازانیب، ظفرچالمیش گوجله‌لره یاخینلاشار، ایش، گوج، ثروت الده اده‌بیل لر.
بو یاخینلیق، ثروت و گوج ده اونلاری داها سئرتیق ادر. اونلار، هر بیر فورصت‌ده، ظفر قازانانلارا اوز وفادارلیقلارین گوسته‌ریب،،ایثبات اتمه‌لی دیرلر.
وفادارلیقین ایثباتی چوخ‌دا قولای دئییل، بلکه بیر چوخ قوربانلیق اتمه‌لی دیر تا ایناندیریجی اولسون. وفادارلیقلارینین اثباتی اوچون، یالان کی هئچ، اوز باجی قارداشلارین، دیلداشلارین، یولداشلارین، بانداشلارین، … بئله چوغوللایئب، توتوقلاندیریب، اولومه گوتورمه‌لی یادا اوز اللری ایله اونلاری اولدورمه‌ای‌لر کی الده اتدیکله‌ری یاشام حاقی اوزه‌رینه داها چوخ حاق قازانسینلار.
ایش اورا گئدیب، چاتار کی بو قورخاقلارین خیانت‌لری، جینایتلری، شقاوت‌لری، پیسلیکلری، ظولوملری و ... طفر قازانمیشلاردان‌دا ایله‌ری گئچیب، چوخ اولار و اونلاردان اونه گئچر.
حورمتله
اینصافعلی هیدایت
Comments
Post a Comment