منده، سئغمادیقین قه‌در سئویرم سنی
منده، سئغمادیقین قه‌در سئویرم سنی
سنه داریخدیقیم قه‌در سنی سئویرم، سئوگیلیم.
سنله اوپشمک ایسته دیگیم قه‌در،
ایچیمده‌کی گوزومله گوزله‌رینه باخماق ایسته‌دیگیم قه‌در،
الینی الیمده توتماق ایسته‌دیگیم قه‌در
سنی سئوریم سئوگیلیم.
سسیوه حسرت قالدیقیم قه‌در
سنه ...، اورگیم چئرپیندیقی قه‌در
سنی قوجاقلاماق هوه‌سیم قه‌در
سنی یانیمدا گورمک ایسته‌دیگیم قه‌در،
سنی سیویرم سئوگیلیم.
سنی سئویرم، گونون ایستی‌سی قه‌در
سنی سئویرم، اینسانلیقین یاشامی‌قه‌در
سنی سئویرم توم سئوگیله‌رین سئوگیسی قه‌در
سنی سئویرم دنیزلرده‌کی دامجیلار قه‌در
سنی سئویرم قانیمدا آخان سئجاق قانین دولانماسی قه‌در
سنی سئویرم الیمده‌کی آن قه‌در
سنی سئویرم، توم عاشیقله‌رین عشقی قه‌در سئوگیلیم.
سئویرم سنی، توم اولچوله‌رین اولچوسونه سیغمایان قه‌در سئوگیلیم.
سئویرم سنی، سن، منه یوخ، من سنین عشقینه سیغئندیقیم قه‌در سئوگیلیم.
اینصافعلی هیدایت
دسامبر/ ۱۸/۲۰۲۴
Comments
Post a Comment