گونئی آزربایجان میللی آزادلیق جبههسی سورولاری جاوابلیر - ایکینجی بولو
VIDEO
ایکینجی گون « گونئی آزربایجان میللی آزادلیق جبههسی» ایله یازیلی سورولاردان داها چوخ، آنی ذهنه گلن سورولار ایله گئچدی.
منجه، بو گون ده گئچمیش گونلره تای، بئیینلریمیزده بیر چوخ یئنی سورولار چیچکلندی کی هر بیرینه گئنیش دارتیشمالار و درین آراشدیرمالار لازیم دیر.
بیز اگر بو سورولارلا اوزلشمه زسک، اونلاری آراشدیمازساق، اونلارا جاواب بولماز ایسک، یولوموزو بولماقدا چوخ چتینلیکلرله قارشیلاشاریق.
هابئله اعتیراف اتمه لییم کی منیم ذهنیمده، همده یاواش باواش، گونئی آزربایجان ایچین بیر ایدئولوژی شکیللنمه یه باشلیر.
بونلان بئله، منیم ذهنیمده یارانمایا باشلانان تصویر و شکیلین بیر چوخ یانی بولوتلار آلتیندا و شفّاف دئییل. اونلاری درین، گئنیش و جوربه جور دوشونورلر ایله دانیشماق و هر طرفدن اونلارا باخماق و دوشونمک لازیم دیر.
بو پروقراملار، منی بو یئره و دوشونجه یا گتیریبسه، طبیعی کی آزربایجانین سیاسی تشکیلاتلاریندا یئنی بیر حرکتلنمه یاراداجاق دیر.
سیزین تشکیلات کیملری ، هانکی شرطلر اساسیندا عوضو گوتورور ؟
عوضولرین یوکسلمه سی نئجه و هانکی شرطلره باغلی دیر ؟ عوضولرین تعلیم لری وارمی دیر ؟ هانکی ساحه لرده و قو نولاردا ، عوضولرینیزه تعلیم وئریرسینیز ؟ تعلیم سیستیمینیز ، هانکی زاماندان باشلیر و هانکی مرحله ده دایانیر ؟ سیزین تشکیلاتین ایچینده ، تشویق و جزا سیستیمی نئجه دیر ؟ سیزین تشکیلاتین ایچینده سئچیم وارمی ؟ سیزین تشکیلاتدا اوزمانلیقا یا تخصصوصه نئجه باخیلیر ؟ سیزین تشکیلاتین ایچینده لیاقته نئجه باخیلیر ؟ لیاقتی نئجه اولچورسونوز ؟
رانت ، نه دئمک دیر ؟ سیزین تشکیلاتدا رانتا نئجه باخیلیر ؟ رانتلا لیاقتی نئجه آیئرت ادیرسینیز ؟ رانتدان تعریفینیز و دوشونجه نیز نه دیر ؟ رانت ، هانکی شرایطده و هانکی سیستیمده اورتا چیخار یادا رانت سیستیمینه چئوریله بیلیر ؟ سیزین تشکیلاتین ایچینده لیاقتلری نئجه و هانکی ایستانداردلار ایله ائولچورسونوز ؟ عجبا سیزین تشکیلاتدا ایستانداردلار هامی عوضولر اوچون ایستاندارد دیرمی یوخسا بعضی عوضولره اوستونلوک وئریلیر ؟ عاییله و اقربا عوضولرینین بیر تشکیلاتدا اولماسینی ، رانت سیستیمینه باغلیرسینیز یا یوخ ؟ عجبا سیزین تشکیلات عاییله ، اقربا و فامیللردن قو ر قو لانیب می ؟ کانادا سیستیمینده ، اگر سیزین باقّاللیق دوکانیز وارسا ، لاتاریدا ساتیرسینز ، الینیزده رانت ایمکانی وار . بونون اوچون سیزین اوزونوز و عاییله نیز و یاخین اقربانیز ، سیزدن لاتاری آلامازلار . نییه ؟ چون رانت حساب اولور . سیز بو سیستیمه گورا ، رانتی و اوزللیک له ده سیاسی و ایداری رانتی نئجه دوشونورسونوز ؟ توپلومدا ، گونئی آزربایجان تشکیلاتلارینا « عاییله تشکیلاتی » دییه بیر سوز یایقین دیر و حتتا سیاسی تشکیلات لیدرلرینین بعضی سی ده بو حاقدا سوز آ پار میشلیقلاری وار ، سیز ، سیاسی ، ایداری و ایقتیصادی عاییله تشکیلاتینا نئجه باخیرسینیز ؟ عجبا بیر تشکیلاتدا عاییله عوضولری اولورسا ، رانت اساسلی تشکیلاتا چئوریلر می ؟ عجبا بیر تشکیلاتدا عاییله عوضولری اولورسا ، ایستانداردلار قو رونابیلر می ؟ عجبا بیر تشکیلاتدا عاییله عوضولری اولورسا ، یوکسلمک ایمکانی اونلارلا دیگر اویه لره آراسیندا برابر شانس اولابیلرمی ؟ سیزین تشکیلاتدا اویه لر آراسیندا ، گوون سیستیمی نئجه یارانیب و قو رونور ؟
سیزین تشکیلات هانکی قانونا دایاناراق یارانیب ؟
سیزین تشکیلات هانکی ائولکه قانونو اساسیندا قو رولوب ؟ سیزین تشکیلات هانکی ائولکه قانونلاری اساسیندا چالیشیر ؟ سیزین تشکیلاتین سیاست لری ، هانکی ائولکه و هانکی قانونلارین اساسیندا دئییشه بیلیرمی؟ طبیعی کی اساسنامه نیز حاقدا موباحیثه لر گئده جاق . اونون اوچون ، دوشونجه باغی اوتاقئنا بیر نوسخه لازیم دیر .
سیزین تشکیلاتین یازیلی مرامنامه سی وارمی ؟ یول خریطه نیز وارمی دیر ؟ سیزین تشکیلاتین مرامنامه سی میللتیمیزین اوخوماسینا آچیق می دیر ؟ دوشونجه اولاراق ، هانکی دوشونجه و فلسفه نی و ایدئولوژینی منیمسه میسینیز ؟ سیزین تشکیلاتین فلسفه سی نه دیر ؟ مرامنامه نیزین ان اونملی اون قو نوسون بویورارمیسینیز ؟ سیزین تشکیلاتین یول خریطه سینده کی آماجلاری نه لر دیر ؟
سیزین تشکیلات ، وطنی نئجه تانیملیر ؟ وطنین آنلامی و اونمی سیزین تشکیلات و اویه لر ائوچون نه دیر ؟ سیزین تشکیلات وطن سرحدلرین نئجه تعیین ادیر ؟ سیزین تشکیلات وطنی قو رومانی نئجه دوشونور ؟ وطن اوچون ساواشا گیررمیسینیز ؟
سیزین تشکیلاتین تعریفی میللت دن ، هانکی ائوزللیک لری ایچینه آلیر ؟ سیزین تشکیلاتدا کیم لره « میللت » دئییلیر ؟ سیزین تشکیلاتین دوشونجه سی « قو م » سوزوندن ، نه دیر ؟ سیزین تشکیلاتین سیاسی و ایدئولوژیک دوشونجه لرینده « قو م » سوزو کیملره دئییلیر ؟ سیزین تشکیلاتدا ، میللت لر ایله قو م لاری ، هانکی معیارلار و ائولچولره اساسن بیربیریندن آیئرت ادیلیر ؟ سیز آزربایجانلیلاری ، قشقایی لری ، تورکمن لری ، عربلری ، بلوچ لاری و ... قو م حساب ادیرسینیز یوخسا میللت ؟ سیز فارسلاری میللت گورورسونوز یوخسا قو م ، یوخسا فارسلارین و فارسلیقین باشقا بیر آنلامی وار سیزین ایچین ؟ فارسلارین وطنی وارمی دیر ؟ سیزجه ، آزربایجانلیلار ، قشقایی لر و تورکمن لر ، تورک دورلر یوخسا باشقا کیملیکلری واردیر ؟
میللی قاورامی نه دئمک دیر ؟ میللی منافع و چیخارلاری نئجه تعریف ادیرسینیز ؟ میللی چیخارلار یا میللی منافع نه لر دیر ؟ میللی چیخارلاردان واز گئچرمی سینیز ؟ میللی چیخارلاردان هانکی دورملاردا و هانکی شرطلرده واز گئچرسینیز ؟ نه لر میللی منافع دئییل ؟ عجبا میللی منافع اولمایان قو نولاردان واز گئچمه یه حاضیرسینیز می ؟ سیزین تشکیلات ، میللی منافعی هانکی سیاستلر ایله و نئجه تامین اتمه نی دوشونور ؟ میللی چیخارلار یولوندا ساواشا گیررمیسینیز ؟ میللی منفعدن بیر نئچه میثال ووروب ، سیاستلرینیزی اونلارین حاقین دا آچیقلارمیسینیز ؟
ایستیقلالی نئجه دوشونورسونوز ؟ ایستیقلالدان تعریفینیز نه دیر ؟ ایستیقلالی ، هانکی ساحه لرده گورور ، دوشونورسونوز ؟ موطلق ایستیقلالا اینانیرمیسینیز ؟ سیزین تشکیلاتین یول خریطه سی ، گونئی آزربایجانین ایستیقلالینا یورومه نی نئجه ترسیم ادیب ؟ ایستیقلال ائوچون ساواشا گیررمی سینیز ؟ سیزین اوچون ایستیقلال اونملی دیر یوخسا ریفاه ؟ ایستیقلالی الده اتمک ائوچون ان اونملی و لازیم ایشلر نه لر دیر ؟ نه دن و هانکی سببله ره گورا ، تورکلرین یا آزربایجانلیلارین ایستیلقالی یوخ دور ؟ ایستیقلالا ، آلتیرناتیو تانیرمی سینیز ؟ ایستیقلال مومکون اولمازسا ، فئدرا لیزمه نئجه یاناشیرسینیز ؟ چوخ آز بیر احتیمال اوزره ، فئدرا ل ایرانی قبول اده رمیسینیز ؟ سیزین تشکیلات ایرانداکی توم تورکلرین ایستیقلالین دوشونور مو ؟ یوخسا تکجه گونئی آزربایجانین ایستیقلالین آماج سئچمیش می ؟ ایستیقلال ال وئریشلی می دیر ؟ هانکی دوشونجه لر و گوجلر ، ایراندا محکومل وقلا یاشایان م یللت لرین ایستی ق لالی ایله مو خ ال یف لر ؟ هانکی دوشونجه لر ، هانکی سببلردن ، میللت لرین ایستیقلالی ایله موخالایف لر ؟ ا گر بیر میللت یا میللت لر ، ایستیقلال ایستیرلرسه و ایستیقلال ائوچون ایراده ادرلرسه ، کیملر و نه دن او میللت لرین ایستیقلالی ایله موخالیف اولابیلرلر ؟ ایستیقلال ایراده سی ، ایستیقلالی الده اتمک بیر اولوسلار آراسی ، اخلاقی ، سیاسی حاق می دیر ؟ ایستیقلالا ایراده دادن میللت اوچون ، موخالیفتلرین اونمی نه دیر
سایقیلارلا
دوشونجه باغی
انصافعلی هدایت
