کیتاب اوخومالییق: سومورگه‌چی و سومورگه‌لشتیریلن‌لر - 34
کیتاب اوخومالییق: سومورگه‌چی و سومورگه‌لشتیریلن‌لر - 34
یازار : آلبرت مئمی
یازارین بوگونکو بحثینده، سومورگه‌چی نئجه و هانکی یول یونتیملرله بیرئیلرین، توپلوملارین داورانیشلارین، هابئله اونلارین گورونوشون دئییشدیرر و کندینه بنزه‌‌ده بیله‌جگی حاقدا دانیشیر.
یازارا گورا، سومورگه‌چی، ادبیات، کیتابلار، قازئتلر، رادیولار، تیلویزیونلار، فیلیملر، دیزیلر کیمی آراجلارلا، سومورگه ارده کی، ها بئله ائورنسل بیرئیلری و توپلوملاری باسقی آلتئندا توتار.
سومورگه‌چی، اونلارا تکجه سئچیم حاققی اولاراق، بیر دوشونجه و اونا باغلی یاشام طرزین گوسته‌ریر.
سومورگه‌چی، باسقی باساراق، بیرئیلری و توپلوملاری دا او یاشاما و دوشونجه‌یه یونلتیر.
اگر سومورگه اهالیسی (بیرئیسل یادا توپلومسال اولاراق) سومورگه‌چی دوشونجه‌سینه و یاشامینا عوصیان ادرلرسه، چوخ آغیر هزینه وئرمه لی دیرلر. بو هیزینه نی وئرمک‌ده، هر بیرئیین و توپلومون ایشی دئییل.
بیرئیلر و توپلوملار، چوخونلوقلا، باسقییه و سومورگه‌چییه بنزه مگه، تسلیم اولوب، ساده جه دیری قالمانی سئچرلر.
اونلار ائوچون، یاشامین نئجه لیگی و کئیفییتی اونم داشئماز. ائولمه‌سین، دیری قالسین، یئتر.
یاشامدان آنلایئشلاری عیبارت دیر بوندان کی؛ ایشله‌سین، چورک قازانسین، بیری ایله سکس اتسین یئتر.
بو یاشام و دوشونجه بیر "ایتیلئکتوئل" یا آکادئمیک موباحیثه دئییل.
بلکه بیر یاشام سئچیمی دیر کی سومورگه چیلرین باسقیسی و روحسال زوراکیلیق‌لاری آلتیندا یارانیر، بیرئیلره و توپلوملارا دا تلقین و تحمیل اولونور.
سومورگه بیرئیلرینین و توپلوملارینئن، باشقا بیر سئچیملری و سئچمک قایناقلاری یوخ دور و سومورگه‌چی کیمی یاشاماغی و دوشونمه‌نی سئچمک زوروندا دیرلار.
انصافعلی هدایت
15.06.2023
https://www.instagram.com/tv/Ce1qeKOF2nF/?igshid=YmMyMTA2M2Y=
Comments
Post a Comment