ENSAF

دوشونجه‌نین شرطلری بورادا، "دوشونجه"، "فیکیر" یا "فلسفه"نین شرایطی حاقدا دانیشدیم. نورمال، گونده لیک فیکیرلشمه ایله فلسفی یا «درین دوشونجه» آراسینداکی فرقلری اورتایا قویدوم. منجه، درین دوشنجه‌نین بیر سئرا شرطلری وار کی دوشونجه‌نین نه اولدوقو آنلانسین. یوخسا گونده‌لیک یاشامین دایاز و عادته دونموش دوشونجه‌لرینه، دوشونجه دئمزلر. بیر - دوشونجه، درین اولمالی دیر. دایاز، قئسّا دوشونمک و تئز سونوجا چاتماق دوشونمک دئییل. ایکی - درین دوشونن بیرئی گرک کی اله آلدیقی قونونو، هر طرفلی سالیب چیخسین. حتتا اگر قونونون بیر طرفلری وار کی گورونمور و اینسانلار تاریخ بویو، اونو گورمه‌میشلر یا گورسه‌لرده بیزیم خبریمیز اولمامیش، او بولوملری داها درین دوشونمک و کشف اتمک لازیم دیر. اوچ - دوشونجه حالیندا، دوشونورون، هئش بیر زاددان و شئیدن قوروخوسو و چکینمه‌سی الومامالی دیر. اگر دوشونور، دوشونرکن، بیر شئیدن قورخورسا، فیکیری دونار، دایانار و دوشونه‌بیلمز. قورخو، فیکیرلشمه‌نین و دوشونجه‌نین قتدار دوشمنی دیر. دُورد- دوشونجه آزاد دیر. دوشونو ایله دوشونجه، هر قئید بندیدن آزاد بیر دوروم...

دوشونجه باغی و دوشونجه نین شرطلری دوشونجه‌نین اوزللیک‌لری، «دوشونجه‌ باغی» اوتاقینین قونوسو، قوناقلاری و ایش قوراللاری   بو جانلی یایئندا، ایکی اونملی قونو حاقدا، اوزون اوزون دانیشمیشام. ان باشدا "دوشونجه باغی" اوتاقین یارانماسی و سون دورومو حاقدا گئنیش بیر راپور وئرمیشم. راپورو آشاغادا اوخویابیلرسینیز: دوشونجه باغی اوتاقینین ایش قورالی عزیز و حورمتلی گونئی آزربایجان سیاسی تشکیلاتلار منصوبلاری سالاملار و سایقیلار گونئی آزربایجان «دوشونجه باغی» اوتاقینا خوش گلمیسینیز دوشونجه باغی-نین ایش قوراللاری: الیف - انصافعلی هدایت، طرفسیز اولاراق، بو اوتاقی ایداره اده‌جک ب - سیزلردن سورولاری انصافعلی هدایت سوراجاق ت - سیزلر، انصافعلی هدایت-دن سورو سورامازسینیز ث - اگر وطنداشلاردان، قونو حاقدا، سورقولار گلیرسه، آدی بلی اولان وطنداشلار سورو سورابیلر و هدایت او سورولاری سیزلره یونلتیر پ - هر کس، تشکیلاتیندا اولان یئر یا منصوبیتی و سوی آدی ایله خیطاب اولاجاق ح - هر سیاسی تشکیلاتین واختی، او تشکیلاتین سورولارا جاواب وئردیگی قدر دیر. مومکون دور اوتورم بیر ساحات یادا بئش ساحات سورسون خ -...

  گونیی آزربایجان سیاسی تشکیلاتلارین لیدر/سوزچولری "دوشونجه باغی" آدلی اوتاقدا، سیاستلرین، مرامنامه‌لرین و ایستیراتئژی‌لرین آچیقلایاجاقلار. Clubhouse: @Ensafali Hedayat/دوشونجه باغی Instagram/ @hedayat_tebrizim/Ensafali Hedayat Tiktok: @ensafalihedayat7 Facebook: Ensafali Hedayat

  پان تورکچولوک، تورک دونیاسینین دوشونجه، اینکیشاف و بیرلیک ایدئولوژیسی دیر

  دقیقا، گوزل آنلامیسیز.  بیز گوجسوزوق.  گوجسوز اولدوقومور اوچونده حاقیمیز یوخ دور.  حاقلی اولماق اوچون، گوجلو و حتتا ان گوجلو اولمالییق. تا کی حقی نه دیر و بیزیم لاییق اولدوقوموز حاق نه‌دیر، اوزوموز تعریف ادیب، ییرینه اوتورداق. انصافعلی هدایت 

  حق آدلی بیر وارلیق یوخدور ایللا کی گوجلو اولوب، حاقی تعریف ادیب، گوجسوزله‌ره قبول اتدیره‌سیز بو دانیشیق‌دا، فیکیریمی گیزلتمه‌دن، پولیتیک اولمادان، آیدین آشکارا دوشونجه‌می اورتایا قویدوم. منیم "حاق" قاورامی حاقدا دوشونجه م، اوز تجروبه‌مه دایاناراق اورتایا چیشخمیش. حاق سوزو و دوشونجه‌سی دین‌لرده، دوشونجه لرده، فلسفه‌لرده، و ... سیاستده بئله اونملی یئر آلمیش. هر بیر دین، مذهب، مرام، ایدئولوژی، سیاستچی، حاکیمیت، دوولت، میللت، بیرئی، جینایتکار بئله، اوغرو، روشوتچی‌لر و ... اوزون حاقلی بیلیر. نییه؟ چون، هر بیر اینسان وارلیقی، حاق قاورامینا، ائوز چیخاری گوزوندن باخیر. حاقی اوز گوزوندن گورور و آنلیر و آنلاتیر. من بورادا، فلسفه‌لرده، دین‌لره، مذهب‌لرده، سیاستلرده، مملکت‌لرده و ... حاقی نئجه تعریف ادیب، آنلادیبلارا باخمادان، "حاق نه دیر؟" قونوسونا گئچیم: منجه، حاق گوجلو اینسانلارین، توپلوملارین، لیدرلرین، پوللولارین یاراتدیقی بیر سیاسی دوشونجه و قاورام دیر. گوجلولر حاق قاورامئندان بیر سیلاح کیمی ائوز چیخارلاری یولوندا فایدا گوتورورلر. اصلینده، حاق قاورامی، گوجسوزلری، ضعیف...

 گونئی آزربایجاندان باخیش پروقرامینین 98 - ب گونئی آزربایجاندان باخیش پروقرامینین 98 - ب - سی‌نین قونوسو خبر دئییل بلکه دوشونجه اورتمک و توپلومدا یئری بوش گورونن بوشلوقو دولدورماقا بیر چابا دیر. دوشونجه‌نین آنلامی، همن فلسفه، همن فیکیر دیر. آمما گونده‌لیک فیکیر و دوشونجه‌دن بو فرقی وار کی بیر پارا قونولاری درین دوشونمه‌لی و هر طرفلی باخمالی دیر.  دوشونجه بولومونون بو هفته کی قونوسو  "ایچه دونوک زوراکیلیق" اولدو. اوغوز بی تورک، قونونون دیبینه جومدو و تاریخیسل اولاراق اله آلدی. او دئدی کی اینسانین ذاتی حیئوانلاردان داها یئرتئجی دیر، دییه، بو حاقدا سوزه باشلادی. سونرا سوزو اورا گتیردی کی اینسانلار توپلوم و توپلولوق قورما دورومونا گلندن سونرا، مجبور قالدیلار، ائوز حاقلارین قئسئتلایئب، و بیر سئرا یئرتیجی حاقلارین ان زورلو توپلومون لیدئرینه کی دوولت آدلاندی وئرسین لر. بئله‌لیک ایله موقاویله یا قرارداد حاقلاری چاغیندا یاشاسینلار. بو زاماندان سونرا، ایشغال اولموش اینسانلار، ایچلرینده کی او زوراکیلیقی، عوصیانی، یئرتئجیلیقی دوشمنه قارشی، ایشغالچییه قارشی یوخ، ائوز ایشغال اولموش ت...

گونئی آزربایجاندان باخیش پروقرامی 98 - الف بو گون، اوغوز بی تورک و انصافعلی بی هدایت "گونئی آزربایجاندان باخیش برنامه‌سین" ایکی بولومه بولدولر. سویله‌شینین اورتاسیندا، برنامه کسیلینجه، ایستر ایسته‌مز، پروقرام ایکی بولومه بولوندو. بیر اینجی بولومده، بئش خبرین حاققیندا، هر بیری ائوز دوشونجه‌لرین اورتایا قویدولار. ایکینجی بولومون قونوسو ایسه "ایچه دونوک زوراکیلیق" اولدو. هر ایکی دوشونور، بو قونو حاقدا ائوز دوشونجه‌لرین اورتایا قویدولار. بئله لیک ایله ایکینجی بولوم، "دوشونجه بولومو" آدلاندیریلدی. بیر اینجی بولومده، ان باشدا، هولیا خانیم ائوزتورک؛ سی‌ان‌ان تورک تیلویزیون کانالینین آدلیم خانیم و گنج ژورنالیستی، ایران-ایسرائیلین ساواشین گوسترمک آماجی ایله گونئی آزربایجانا و ایران آدلی سیاسی وارلیقا گلمه‌سی اولدو. بو گنج تورکچو خانیمین آزربایجاندا و تورکلرین یانیندا بولونماسی، ایکی اونملی اتکی بوراخمیش. بیر طرفدن آزربایجان و ایران آدلی جعلی سیاسی مملکت‌ده یاشایان تورکلری سئویندیرمیش و آونلارین روحون و دورومون تورکیه و تورک دونیاسینا باغلامیش. او بیری وردن ایسه ...

  میلی دوشونجه، میلی سرمایه، میللی سرمایادار، میللی یاشام بو گون چالیشدیم‌؛ میللی دوشونجه‌نی میللی سرمایا، میللیدسرمایادار ین نه اولدوقونو و نه ایشلر گوره‌بیله‌جه‌یینی آچیقلایام. قونونو آچیقلاماق آماجی ایله، کانادادان، آمریکادان و فارسلاردان بیر نئچه میثال و اورنک‌ گتیردیم تا بو قونودا کی دوشونجه‌‌لریمی آچیقلامایا یاردیمجی اولسونلار. منه گورا، گئچن ایللرده، میللی-مدنی تورک چالیشقانلاری، میللی دوشونجه‌نی، میللتچیلیگی‌ و بو قونولارلا اولان ایلگیلری بحثلری، فیکیرلری و ..‌. و داورانیشلاری قارایاخا‌ کیتله‌میزین ایچینه آپارمیش و چوخدا درده یارایان سونوجلار الده اتمیش‌لر. اونلار باجارمیشلار کی قارایاخالاری میللتچی،آزربایجانچی و تورکچولشدیرسین‌لر.  آمما و تاسسوف ایله، میللی-مدنی چالیشقانلارین دوشونجه‌له‌رینین  قوصورونا گورا، باجارمامیشیق میللی، میللتچی، تورک و تورکچو   ارزیشلر و ده‌یرلریمیزی‌، سرمایا و پول-ثروت صاحیبله‌رینین ایچینه آپارالیم. بیز، هامیلیقجا، بو‌حاقدا، لازیم قدردن چوخ آز ایشله‌میشیک. اگر ایسترسک، بئش-اون یوخ، بلکه یوزلر دوشونجه یا فیکیر اوداسی یاراد...

  ایستیقلال ایراده‌سین، هیئش بیر شخص، گوج و دولت سوال ایشارتی آلتینا آپارابیلمز. اگر بیر شخص، گوج یا دولت، بیر میللتین ایستقلالینا شرط قویورسا، او میللت و دولت سومورگه ملاتی و دولتی دیر. ایستیقلال ایسه‌ین میللت ایسه سومورگه اولموش بیر میللت دیر. بو‌میللتین حاقی، سورقوسوز سووالسیز ایستیقلال دیر و ایستیقلالا هر بیر شرط قویولماز. قویولسا دا قبول اولماز. بو‌ویدئودا چوخلو موضوعلار حاقدا سوز آچیب، دانیشدیق. منیم ائوزومه بئله تازا دوشونجه‌لر گلدی و یاراندی. انصافعلی هدایت

  مرام‌نامه ئه‌دیر؟ انصافعلی هدایت-ین مرام‌نامه‌سی وارمی؟  (Cod of Conduct) ی ا مرامنامه؛ بیر فردین (بیرئیین) پارتینین، تشکیلاتین، اورگوتون، شیرکتین و ایداره‌نین رسمی سندی دیر کی اوندا اوبیرئیین، تشکیلاتین، پارتینین، باخیشین، استکلرین، وظیفه لرین، مسئولیت‌لرین و اونلارا نئجه یئتیشمه‌سینین یول خریطه‌سین، چوخ آیدین بیر یول یونتم ایله گوسترگه‌سی دیر. منجه، بو تعریفدن گورونن کیمی، هر بیر آدامین بئله ائوز ایشی-گوجو، فعالیتی ایله آماجلاری ائوزره مرام‌نامه‌سی اولابیلیر آمما ایشله و کوتله ایله ایلگیله‌نن حوقوقسال قوروملارین "مرام‌نامه‌سی" اولمالی و اولماق زورونلوقون دادیر.  آمما و عجبا، چون مرام‌نامه حوقوقسال قورومالارین ایشی دیر، بیرئیسل آداملار، (منه تای) حاقلاری یوخ دور، مرام‌نامه یازسینلار؟ منجه بو سورویا منفی جاواب وئرمک، یانلیش دیر. هر بیر اینسان کی توپلوما بیر خیدمت یا سئرویس وئریر یا توپلومو- توپلولوقلاری ایندی کی دورومون یادا گله‌جه‌یین آماج آلمیش و اونلار ائوچون چالیشیر، اوزونون، او ساحه‌ده مرام‌نامه‌سین و خریطه سین اورتایا قویا بیلیر. مرام‌نامه ایله اساسنامه‌نین نه فر...