میلی دوشونجه، میلی سرمایه، میللی سرمایادار، میللی یاشام
بو گون چالیشدیم؛ میللی دوشونجه‌نی میللی سرمایا، میللیدسرمایادار ین نه اولدوقونو و نه ایشلر گوره‌بیله‌جه‌یینی آچیقلایام.
قونونو آچیقلاماق آماجی ایله، کانادادان، آمریکادان و فارسلاردان بیر نئچه میثال و اورنک گتیردیم تا بو قونودا کی دوشونجهلریمی آچیقلامایا یاردیمجی اولسونلار.
منه گورا، گئچن ایللرده، میللی-مدنی تورک چالیشقانلاری، میللی دوشونجه‌نی، میللتچیلیگی و بو قونولارلا اولان ایلگیلری بحثلری، فیکیرلری و ... و داورانیشلاری قارایاخا کیتله‌میزین ایچینه آپارمیش و چوخدا درده یارایان سونوجلار الده اتمیش‌لر. اونلار باجارمیشلار کی قارایاخالاری میللتچی،آزربایجانچی و تورکچولشدیرسین‌لر.
آمما و تاسسوف ایله، میللی-مدنی چالیشقانلارین دوشونجه‌له‌رینین قوصورونا گورا، باجارمامیشیق میللی، میللتچی، تورک و تورکچو ارزیشلر و ده‌یرلریمیزی، سرمایا و پول-ثروت صاحیبله‌رینین ایچینه آپارالیم.
بیز، هامیلیقجا، بو‌حاقدا، لازیم قدردن چوخ آز ایشله‌میشیک.
اگر ایسترسک، بئش-اون یوخ، بلکه یوزلر دوشونجه یا فیکیر اوداسی یاراداق، اونوموزده ایکی یولوموز وار:
الیف- یا اوچ-دورد-بئش میللی مدنی چالیشقان توپلانیب، بیر قونونو آراشدیرماق و او قونو ساحه ده تئوری و دوشونجه یاراتماقا باشلیالیم.
ب- یادا ثروت و سرمایا صاحیبلرین میللی‌لشدیریب، اونلارین حیمایه‌سی‌ایله میللی دوشونجه یا میللی فیکیر اودالاری یاراتمالی و جور به جور قونولاری، فیکیر اودالارینین دانیشدیق و مطالعه قونوسو اده‌ریک.
البته کی دونیانین هر یئرینه اولماسادا بیر چوخ یئرینده، فیکیر اودالارین، دوولت، مجلیس، تشکیلاتلار، شهر شورالاری و سرمایا صاحیبلری یارادار و یاراتمالی دیرلار. بو اونملی ایش، اونلارین اصلی وظیفه‌لری دیر.
آمما ایندیکی ایران ادلی سومورگه حاکیمیه‌تینده یاشایان آزربایجانلیلارین، قشقاییله‌رین و تورکمن‌لرین میللی حاکیمیت‌لری، میللی دوولت‌لری و میللی شهر شورالاری یوخدور.
اونا گورادا، اونلار، فیکیر اودالارین یاراتمیرلار یادا یارادیرلار امما تورکلرین زیانینا یارادیرلار.
بونا گورا دیر کی فیکیر اوداسینین یاراتماق ایشی و وظیفه‌سی ده تورک میللی-مدنی فیکیرداشلاریمیزین بوینونا دوشور.
بو یولدا، اوچ، بئش، اون و ... تورک میللی- مدنی چالیشقان توپلانیب، بیر قونونو اوزله‌رینین آنا فیکیر قونومونا گه‌تیریب، آراشدیرار، دنیا تجروبه‌لری ایله قارشیلاشدیرار و سونوجدا، بیر تئوری و دوشونجه یا دوشونجه‌لر اورتایا قویار کی تورکلرین قارانلیق یوللارینا، ایشیق ساچار.
انصافعلی هدایت
Comments
Post a Comment