ایرانین سیاسی و دینی لیدرلری درین قورخودا
گونئی آزربایجاندان باخیش 95 اینجی پروقرامدا، اوغوز تورک ایله انصافعلی هدایت جنابلاری بیر نئچه اونملی قونو حاقلا دیالوق آپاردیلار.
گونون موباحیثه‌سی "بلوچیستاندا گئدن شهر ساواشلاری" ایله باشلاندی. بو ساواشلار، یوز ایل ائونجه و فارس ایشغالی ایله، فارسلار، اونلارین خاریجی و مسیحی حیمایه‌لرینین اللری ایله باشلانمیش.
یوز ایل ائونجه، بلوچ‌لاریندا وطن‌لری فارسلار و اونلارین حامی لرینین اللری ایله ایشغال اولموش.
بلوچلاردا آزربایجان تورکلری، قشقایی تورکلری، تورکمنلر، عربلر و ... تای فارسلارا گئدن ظولوملردن علاوه، باشقا بیر چوخ ظولوم‌لره معروض قالمیشلار.
یعنی، فارسلیق حاکیمیتی، فارسلاری دا آزادلیقدان، حقوقدان، دئموکراسیدن و ... بو میللت‌لره تای و بو میللت‌لرله بیرلیکده محروم قویموش آمما فارسلار او حاقلاردان کی بو میللت‌لر و بلوچلاردا محروم ساخلانیلمیش‌لار، محروم ساخلانیلمامیش‌لار.
میثال اوچون، تورکمن لر و بلوچلار سوننو مذهب دیرلر و ایران-فارس رئژیمی اونلارا مین‌لر تورلو باسقی یاپیر تا سوننو مذهبلی‌لر، یا فارس شیعه‌لیگین قبول اتسین‌لر یادا ان چتین و آغیر شرایئط ده، اولومه محکوم اولماقا ریضایت گوسترسین‌لر یادا وطن‌لریندن کوچسون‌لر، یئر-یوردلارین فارس ایشغالچیلارئنا بوراخسین‌لار.
بیر باشقا حاقلاری او دور کی فارسلار فارسی دیلینده تحصیل آلیر، ایش تاپیر، ایداره‌لرده دیلدن دولایی اسیر یئسیر گونونده تحقیر اولمورلار، آمما بلوچلار، آزربایجان تورکلری، قشقایی تورکلری، تورکمنلر، عربلر و ... اوز وطن‌لرینده، وطن سیز، دیل سیز، اسیر-یئسیر گونونده، ایداره‌لرده، رادیو-تیلویزیونلاردا، مدرسه لرده، دانیشگاهلاردا تحقیر اولورلار.
نییه؟
چون دیل‌لری، فارسلارین دیلین و میللی گوونلرین تهلوکه‌یه سالیر و فارسلیق حاکیمییتی بو میللت‌لرین دیل‌لرین تهلوکه تانیمیش و اونلارا قارشی دوشمنلیک بسلییه‌رک، ساواش آچمیش.
فارسلیق حاکیمییتی، بلوچ‌لاری دا آزربایجان تورکلری، قشقایی تورکلری، تورکمنلر، عربلر و ... تای فارسلارلا عاینی حاقدا و عاینی شراییطده وطنداش تانیمیر.
بو درین ظولوم‌لری و آیری-سئچگیلیک‌لری سایماقلا زور بیتر.
بونلاردان دولایی دیر کی ان سونوندا و یوز ایل جور به چور یوللاری سیناماقدان سونرا، بلوچلار ائوز میللی، اینسانی و اخلاقی، فلسفی حاقلاریندان دولایی، سیلاحلی ساواشی سئچمیشلر.
خبرلره گورا، گئچن گونلرده، بلوچ‌لو جیش العدل سیلاحلی قوروپو، بیر نئچه شهرده، فارسلیقین سیلاحلی قووه‌لرینه آغیر ضربه‌لر ووراراق، اوچ شهرین اونملی یئرلرین آزاد اتمیش لر.
طبیعی کی او وطن بلوچلارین دیر و دوشمن، بو موباریزه‌نی بلوچ‌لارا زورلامیش دیر.
بلوچ دوشمنی، اونلارین میللی وطنین، میللی حاکیمییتین، میللی اکونومیسین، میللی دیلین، میللی تاریخین، میللی حاقلارین، میللی قوروملارین، میللی ... ایشغال اتمه‌سایدی، بلوچلاردا بو تورلو موباریزه‌نی سئچمزلردی.
ایشغالدان آزاد اولمانی، ایشغالدان آزادلیقا یورومک یولون-یونتمین و نئجه لیگین، چاغین و یئرین بلوچلار سئچمیشلر و سئچمک حاقلاری وار.
البتته کی موباریزه‌نین یئری، زامانی، نئجه‌لیگی و …، تک بلوچلارین حاققی دئییل، بلکه توم ایشغالدا اولان میللت‌لرین میللی حاقلاری دیر.
بلوچلار، توم هر جور وارلیقلارین ایشغالدان آزاد اتمک اوچون دوشمنی و ایشغالچینی اولدورمک حاققینا صاحیب دیرلر، آمما ایشغالچینین آدام اولدورمک حاققی یوخ دور.
چون ایشغال و ایشغالچیلیقین ائوزو ده، حاقسیزلیق و توم حاقلارا قارشی دیر.
ایشغالچی، هر بیر آدامی ائولدورور ایسه، بیر جینایت ادیر و جنایتلرینین اوستونه، جنایت قالیر.
بلوچلار ایسه، هر بیر ایشغالچینی اوردوره‌رک، آزادلیقا، ایستیقلالا، میللی حقوقون و میللی حاکیمییتین قورولماسینا بیر ایشغالچی آدام بویو قدر یاخینلاشیر.
ایشغالچی ایله ساواشماق، اونلاری اولدورمک، اونلاری وطندن آتماق، و … یالنیز بلوچلارین حاققی دئییل، بلکه آزربایجان تورک‌لرینین، قشقایی تورک‌لرینین، تورکمن‌لرین، عرب‌لرین، تالیش‌لرین، گیلک‌لرین، لورلارین و بختیاری‌لرین، و ... حاقلاری دیر.
زمان و نئجه‌لیک، بو میللت‌لرده ده موباریزه‌نین نئجه‌لیگین، یول-یونتمین دئییشدیره بیلیر.
بعضی ایشغال اولموش میللت‌لر، بو گونه‌دک، سیلاحسیز موباریزه‌نی سئچمیشلر و بو سئچیم‌لرین یوزلر سببی وار آمما هر گون، بو سئچیم، سیلاحلی ساواشا دونه بیلیر.
طبیعی کی بوندان، ان چوخ ضرر گورن بو میللت لر اولمایاجاق، بلکه فارسلیق توپلولوقلاری ان چوخ ضرری گوره‌جک‌لر.
ایکینجی قونو ایسه ایسرائیلین ایرانین سورییه ده کی بیر کونسولوسلوقونا فوزه (موشک) سالدیریسی اولدو.
خبرلره گورا، بیر نئچه گون ائونجه، ایران-فارسلیق حاکیمییتی، ایسرائیلده بیر شهره سالدیریدا بولونموش.
ایسرائیل، ایرانین سالدیریسینا جاواب اولاراق، بو فوزه سالدیریسی یاپمیش.
ایسرائیل گوج‌لری، کونسولوسلوقون دیبینده‌کی بیر گیزلی توپلانتینی نیشان آلیب، دوغرو زاماندا وورموش، ایرانین ان باشدا گلن یئددی تجروبه‌لی کوماندانلارین اورادا اولدورموش.
ایران-فارسلیق حاکیمییتی گئچمیش قئرخ دورد ایلده، اونلار کره، ایراندا و خاریجه‌ده، باشقا ائولکه‌لرین سفیرلیکلرینه و کونسولوسلوقلارینا هوجوم اتمیش. اونلاری ایشغال اتمیش. آمما ایسرائیلین بو ایشی، بیر اینجی کره دیر.
بو هوجومون سیاسال، یاسال و اوردوسال آنلامی بودور کی ایسرائیل رسمن، ایرانین توپراقلارینا گیرمیش و ایرانا قارشی ساواش آچمیش. بلکه ده ایرانی رسمی بیچیمده، ساواشا دعوت اتمیش دیر.
ایران ایسه، قئرخ دورد ایل، ایسرائیله هده‌حربه گلمیش و اونو یئر کوره‌سیندن سیلمه‌نی ائوزونه سیاسی و ان ایستیراتئژیک بیر آماجا چئویرمیش. ایرانین ان اونملی ایستیراتئژیسی ایسرائیلین محوی اوزرینه قورولموش.
ایسرائیلین ساواش دعوتییه‌سینه دایاناراق، ایران نه ایشلر گوره بیلیر؟
ایران یا گرک، ایسرائیلین شرط‌لرین قبول اتسین و دالی اوتوراراق، تسلیم اولسون یادا کیچیک‌ده اولسا جاواب وئرسین.
اگر ایران جاواب وئریرسه و ایسرائیلده قارشی جاواب وئریب، ایرانین ایچینده بیر نئچه هدفی بومبالارسا، ایران نه‌اتمه‌لی دیر؟
عجبا ایران ساواشیدان گئری دورمالی و قئرخ دورد ایل یالان ساتدیم دئمه‌لی دیر یوخسا بیر بللی اولمایان ساواشا گیرمه‌لی دیر کی بیلمیر ساواشین سونو هارا گئده جک؟
طبیعی کی بوجور بیر ساواش باشلارسا، هر ایکی طرف اوندان، سیاسال چیخار گوتورمه‌یه چالیشاجاقلار آمما و عجبا ایرانین ساواش گوجو وارمی؟
ایران، ایچینده کی سیاسال، ایش‌سل توپلومسال قونولاری و دوروملاری چوزموش مو و ایچیندن آرخایین دورومدا دیر می؟
ایران، ایچینده‌کی بلوچلار، آزربایجان تورکلری، قشقایی تورکلری، تورکمن‌لری، عرب‌لری، طالیش‌لری، مازنی‌لری، لور و بختیاری‌لری، کوردلری، گیلک‌لری و ... کیمی فارسلیق حاکیمییتیندن راضی اولمایان میللت لر ایله نئجه قاتلایاجاق؟
بو میللت لر فورصتدن فایدالانیب، آیاقلانارلارسا، ایران و فارسلارین اللریندن نه گله‌بیلر؟
طبیعی کی بو جور بیر ساواش، میللی حاکیمییت و ایستیقلالییت آختاران میللت‌لره بیر بویوک فورصت اولابیلیر و بو جور فورصتدن فایدالانمالی و میللی حاکیمییتلرین قورمالی لار.
اوچونجو قونو، ایرانین بعضی سیاسی آداملارینین، ایسرائیلی یوخ، آزربایجان جومهورلوقون هدف تاختاسینا قویمالاری دیر.
نه دن و هانکی عاغیللا آزربایجان جومهورلوقون هدف اولاراق سئچیب و اورادا ایسرائیلین سفیرلیین ووراجاقمیشلار؟ چوخ عجیبه سیاسال سوزلردن دیر.
اگر بو سوز، میدیایا چیخمیش ایسه، ان باشدان، یوکسک مقاملارین بوندان خبرلری اولمالی. هابئله، اونو اورتایا آتمانین بیر آماجلاریدا اولمالی دیر.
آماجلاردان بیریسی بو اولار کی تورک‌لر و اوزللیک ایله ده گونئی آزربایجان تورکلری آیاقلانسین‌لار.
او زامان، فارسلارین سیلاحلی گوج‌لری، آزربایجان تورک‌لرین باسدیرماقا چالیشسینلار.
بو دوروم، فارسلیق حاکیمییتینه بو فورصتی وئرر تا ایران-ایسرائیل قونوسون باش آردی اتسین و ایچه ریده داها اونملی مسئله وار دییه، ایسرائیله جاواب وئرمه‌سین.
آزربایجان جومهورلوقونا هده-حربه گلمک او زاماندا ائوز وئریر کی ایران دوولتی چالیشیر آزربایجان ایله سیاسال علاقه لری یئنیدن قورسون.
آزربایجانا هده-حربه گلمک اونو گوسته‌ریر کی ایران-فارس حاکیمییتینده بیر قول وار کی ایسته‌میر ایکی طرفلی ایران-آزربلیجان علاقه‌لری قورولسون.
بلکه ده ایستیرلر، ایرانی ایکی جبهه‌ده ساواشا زورلاسینلار تا ایران-فارس حاکیمییتین دگیرمانین ایکی آغیر داشی آراسیندا ازسین‌لر.
یعنی، ایران، بیر طرفدن ایسرائیل و اونون یار یاورلری، ایکینجی طرفدن ایسه آزربایجان و تورکیه جومهورلوقلاری آراسیندا قالسیب ازیلسین.
نییه کی بیلیرلر یادا بیلمه‌لیدیرلر کی آزربایجانلا تورکیه جومهورلوقلاری ایکی طرفلی موقاویله‌لر اساسینا ایکی میللت، ایکی دوولت دئییرلر بلکه بیر میللت ایکی دوولت دیرلر و آزربایجاندا هر بیر یئره سیلاحلی سالدیری، تورکییه‌یه سیلاحلی سالدیری حساب اولور.
البتته بئله بیر جبهه‌نین آچیلماسی روسییه و پوتینین‌ده خوشونا گله‌ر.
نییه کی باتی دونیاسی، ایسرائیلدن حیمایت ائوچون، اوکراین قونوسون گوز آردی اده بیلر و روس‌دا، ایرانی ساواشا تشویق ادیب، دستکلییه‌رک، ساواشین یوکون ایرانین باشینا سالابیلیر. بودا روسییه‌نین چتین دورومون، قولایلادار.
بو حالدا علی خامنه‌ای توم سیاسال گوج‌لر ایله، بیر ایفتار یئمه‌یی دوزنله میش.
خامنه‌ای، بو ایفتار قوناقلیقیندا، هر قونو حاقدا دا دانیشمیش اولسادا، "قودس گونو" دئدیکلری اونملی قونونو اونوتموش.
قودس گونونده، گئچن قئرخ دورد ایلده، ایسرائیلین محوی حاقدا شوعارلار سسلندریرلر.
حاکیمییتین دئش (خاریجی) سیاسال ایستیرتتئژی‌لری قودس گونو و ایسرائیل‌له ساواش اوزرینه قورقولانمیش.
خامنه ای قودس گونو یئرینه، "حیجاب" و قادینلارین "اورتوسون" گونده مه گتیرمیش و اونو، ان اونملی قونو اولاراق وورقولامیش.
سورمالی دیر، نه‌دن ایسرائیل سنین توپراقینا سیلاحلی سالدیریدا بولنموش و سنین یئددی اونملی کوماندانلارینی قتله یئتیرمیش آمما سنه اونملی اولان حیجاب دیر؟
بو، او حالدا دیر کی حیجاب نه ایسلامین، نه ده فارسلیق حیکیمییتینین اونملی قونوسو دور.
بو، او دئمک دیر کی ایران حاکیمییتی ان باشدان چالیشیر، ایسرائیل قونوسون اورت-باس ادیب، ایتیرسین و ان سونوندا دا بیر ایکی فوزه آتماقلا، قونونون باشین باغلاسین.
انصافعلی هدایت
.png){kind=link}
No comments:
Post a Comment