گونئی آزربایجاندان باخیش پروقرامی 98 - الف
بو گون، اوغوز بی تورک و انصافعلی بی هدایت "گونئی آزربایجاندان باخیش برنامه‌سین" ایکی بولومه بولدولر. سویله‌شینین اورتاسیندا، برنامه کسیلینجه، ایستر ایسته‌مز، پروقرام ایکی بولومه بولوندو.
بیر اینجی بولومده، بئش خبرین حاققیندا، هر بیری ائوز دوشونجه‌لرین اورتایا قویدولار.
ایکینجی بولومون قونوسو ایسه "ایچه دونوک زوراکیلیق" اولدو. هر ایکی دوشونور، بو قونو حاقدا ائوز دوشونجه‌لرین اورتایا قویدولار. بئله لیک ایله ایکینجی بولوم، "دوشونجه بولومو" آدلاندیریلدی.
بیر اینجی بولومده، ان باشدا، هولیا خانیم ائوزتورک؛ سی‌ان‌ان تورک تیلویزیون کانالینین آدلیم خانیم و گنج ژورنالیستی، ایران-ایسرائیلین ساواشین گوسترمک آماجی ایله گونئی آزربایجانا و ایران آدلی سیاسی وارلیقا گلمه‌سی اولدو.
بو گنج تورکچو خانیمین آزربایجاندا و تورکلرین یانیندا بولونماسی، ایکی اونملی اتکی بوراخمیش. بیر طرفدن آزربایجان و ایران آدلی جعلی سیاسی مملکت‌ده یاشایان تورکلری سئویندیرمیش و آونلارین روحون و دورومون تورکیه و تورک دونیاسینا باغلامیش.
او بیری وردن ایسه ایران-فارس رئزیمینین جانینا ولوله سالمیش. پان آریاچیلار بو گنج ژورنالیستی جاسون و "میت" ایستیخبارات تشکیلاتین جاسوسو آدلاندیریب و اونون توتولماسین ایسته‌میش‌لر. بو قونودا، ایکی آیری و فرقیلی تحلیل اورتایا چیخدی.
ایکینجی خبر ایسه "آزربایجان جومهورلوقونون توپراق بوتونلویو" اولدو. هر ایکی آزربایجانلی دوشونور، بو حاقدا، فیکیرلرین مئیدانا سوردولر.
سونرا، بیر ایرانلی پانفارس و تورک-آزربایجان ضیدلی بیر آدامین یازیسی اله آلیندی. او آدام آدلانان وارلیق و اونون یازیسی اونم داشیمیردی بلکه اونملی اولان، او یازینین ایراندا بیر بویوک قوروپو سیمگه‌له‌مه‌سی ایدی.
بو آدام، آزربایجاندا و تبریزده کی میللتین میللی دوشونجه و روحون گورموش، اونلارین میللی ایستک‌لری ایله تانیش اولموش و اونلارا قارشی دئمیش کی "لازیم اولورسا، تبریزده و باشقا شهرلرده بیر نئچه میلیون تبریزلی و تورکو ... اولدورمک لازیم دیر. نه اولار کی اونلاردان دورد-بئش میلیون اولدورسک؟ هئش بیر حادیثه اوز وئرمز. ان چوخو بودور کی بیرلشمیش میللتلر، بیر یازی یایار و بیزی سوی قئریم ائوچون محکوم ادر. بونون هئش بیر اونمی یوخ دور." دییه یازمیش.
بو قونودا هر ایکی دوشنجه صاحیبی دانیشدیلار. انصافغلی هدایتین دوشونجه سینده، میللی حرکتده بیر اونملی بوشلولوق وار. او بوشلوق بودور کی "آزربایجان تورکلویو حوکوم وئریب، موجازات اتمکدن چگینیر. آزربایجان میللی حرکتینه منصوب اولانلار، بیر قوروم یارادیب، آزربایجان و تورکلره قارشی سیاسی-حوقوقی داورانیشلاری موحاکیمه ادیب، موجازات حوکمو وئرمه لیدیر. بو سیاسی و حوقوقی داورانیش، ایرانین ایچینده کی خائئن لری، ایکی ائوزلولری، آدام ساتانلاری، پولیس‌لری، محکه‌مه قاضی‌لرینین هوشلارین باشلارینا یئغار. هامی بیلمه لی دیر کی آزربایجان میللی حرکتی، بیر دوولت کیمی داورانیر. آزربایجانلی و تورکلره قارشی دوشمنلیگی جاوابسیز بوراخمیر."
بیر اینجی بولومون سونوندا "گئچن ایکی ایلده، سگگیز میلیون جعلی-سیاسی ایران وارلیقینین نوفوسو "فقیرلیک یا کاسیبلیق جئزئقینین آلتینا دوشدولر" خبری اله آلیندی.
دئمک اولار کی ابراندا اورتا طبقه و بولوم آرادان گئدیر و ایراندا یاشایان اینسانلار، یا چوخ پوللو و زنگین یا چون فقیز و کاسیب اولورلار.
بو یاشام دورومو، هر هانکی بیر توپلوم اولور اولسون، "آجلارین عوصیانینا سوروکلر" دئمک دیر.
بوندان سونرا، دوشونجه بولومو باشلادی. او بولومو، سونکو "گونئی آزربایجاندان باخیش 98 - ب" ده گوروب، اوخویابیلرسینیز.
انصافعلی هدایت
No comments:
Post a Comment