ساتقینلار
دئسه لرده دئمه سه لرده
هر کس
اوزونه بیچر قیمیت
هئچ اولمازسا ایچینده وار دوشونجه سی
هر کس بیر گون
بیر نه دنله
ساتار کندنده کی یگانه ساتیماماز سئوگیلیسین
بیر قیمته،
کیمینه باغلی
آز یا چوخلوغو.
بو گون اولور یادا باشقا بیر گون
اون گون چیخار بولودلاریدن آرخاسیندان
گیزلندیگی قارانلیقدان
گلیر او گون کی ساتار
هم اوزون، هم قارداشین
همده آدین قودوغو "وطن"نین.
بو عومرومده
چوخ آما چوخ
ساتقینلار گوردم گوزلریم
لال قالدی دانیشقان دیلیم آغزیمدا
قورخودان.
هه ... ائیه سی وار کی
بیر احسنه
بیر باراک اللها
بیر قوجاقلاشماغا
بیر گ.ل.شه
بیرده آفه رینه
بیلرسه بیلمزسه
ساتار یادا ساتیب.
ائله لریده وار کی
آلئجی آختارار
دولان باجالاری دولانئبان
پول اوچون
اائو اوچون
آرواد اوچون
کیشی اوچون
اوشاقلاری اوچون
بیر ایچیم عاراق اوچون
یوخ مو دور بیر سبب ساتیلماغا؟
ائله سیده وار
یولورار هارایلانماقدان
سایئلمامازلئقدان، گورونمه مزلیکدن
دوزومون الدن وئرر
کوسر
اومود سوز دوشرکن
یولدان یولداشدان
آماجدان ساچماقدان
گوز گوره گوره هر شئیی ساتیبان، دانماقدان
ایصلاحدان، دئییشیمسیزلیکدن
دونوق اینسانلاردان
داش اینسانلاردان
قورقون قالئببیر گونجه سوخار باشئن
ساتقینلار ساتار
ئطنی
قارداشی
یولداشی
یولو یاماجی
دیلین
دینین
قادینین
ساتدیلار ساتقینلار مین ایللر ایچینده
یئخدئلار
تورکلرین گوجونف قودرتین
ایچدن بو ساتقینلار
آزا
چوخا
حتتا یوخا بئله
ساتدیلار ساتقئنلار
بیردن سبب موللالار اولور
بیردن ایسه اوردو عسگری
دوولتی آدینا ساتقینلیقلا چالئشان بیرلری
تاجیر اولور
یوخسا دوشمان عاشیقلری
موللا دئمیشگن
بئزدیردیلر بیزلری
آروادی، اوشاغی، جاهیلی، جاوانی
قئردئلار اورکلرین بندین
گوزلری دین آدیندا قانلی یاشا بوغدولار
اینسانلاری یاشادیقلاری
مین لر ایلین دیندن ایمانئندان بئز دیردیلر
ساتدئلار دینی، پولا، مقاما،
رادیو تیلویزیون اولدوزلوقونا
ساتدئلار دیندن دونن
موللانی
دین بیلن لر
یوخ اولان،
یالان ایمانلارین
الدن وئردیلر
توپراقی دوشمانا
بئزسه هر نه دن
ساتار، ائمورساماز هئش زادی ساتقئنلار
یورقون دوشن اوزون یوللار
یورار یوللار چتین اولسا
بیتمز اولورسا
بیرده یولدا
چییین به چییین یورویون
یولداش آدینا یولداش
قازانئرسا به للی اولماز یئردن
ساتمئشدیر او کندینی حتمن
ساکیت قالمئشسا یولداشلار
ائشیمیرسه قولاقلار
منیم الیم یوخ مو دور؟
دئسه هر کیم
ساتقینلیقا باشلار قاچئش
آماج
کیم چوخا ساتئلماق دیر او زامان
اگر سایماز ایسن
یولو، یولداشی
اگر میللت، وطن آدی آلتئندا
دولدورارسان جیبله ری
اگر هر گون
بانکالاردا صئفئرلار زینجیری اوزانئرسا
ساتقینلارین اونونده گئدن دئمک
بیریله ری سایئلمئرسا
آدی دیله گتیریلمیرسه
اونا لایئق یئر وئریلمیرسه
اولار مومکون ساتقین اولسون
یا بیر خرابه ده
گمیک بوغازدا قان اودسون
بیرده
نه دئمیش
گورموش یاشامئش آتا آنالار
قاپئدان گیریر ایسه یوخسوللوق
چوخ زامان چکمز
هامی
ساتقینلاشمایا اوز دوندورر
قاچار پئنجه ره دن هم دین، ایمان
همده وطن- میللت سئوگیسی
طاماح، گوزلرین آجلیقین،
اوزون اوزون دسته دسته دیلک لر
سایقئسیسزلیق
سایقی یئرین آلئرسا
تانینماقلیقلا موخالیفت سئولیسی
سورر هر کی ساتسین کندینی
ساتقینلار بازاریندا
بیر قیمه ته ساتار
مالئن، دووله تین، میللتین، وطنین ساتقونلار
اونوتما
قورخونو، اولومو، علاجسیز قالان اینسانی
یارادار ساتقن بازارنا مال
وارسا دوشمانا ماراق
دوشمانین بیر طورلو وارلیقنا
وارسا مهر و موحببت
اینسانین کمیک لرین بئله یوموشالدار
ساتیلماقا یئنی بیر یول، قولای
دوشمانین دیلینه، تکنیکینه وورقون
قاشئنا- گوزونه دوشگون
یاواش یاواش
آشار حددین
ساتار وارین یوخون
دردله رینه درمان آختارانلار
ایستکلرینه جاواب آلانمایانلار
قورتولوشو دوشماندا آختارار
گوجله قودرت آختارانلار
آزادجاسئنا نفس چکمک ایسته ین لر
یوکسه لیب مقام عاشیقلری
یول یولاغا اولماز ایسه
ساتابیلر میللتی-وطنی
بیرده ثروت وار
ایشله مه دن،
روشوتدن،
ایختیلاسدان،
اوغورلوقدان،
مافیابازلیقدان
وووو
ثروت قازانانلار
ساتقیئنلئقئن جیزگیسینین فئشدیرئقین بکلر
ساتقینلیق بیر موسابیقه اولور
هر کسین آراسئندا
یایئلار خسته لیک کیمی،
جوزام کیمی، کووید کیمی
ساتقینلیق مودا اولور
هر کسه
نورمال اولور
دئمه ساتماز، ساتمارام من اوزومو
دنئه ده اینانما دا
هه ره یه
بیر زاماندا
بیر مکاندا
بیر آندا
بیر دورمدا
ساتیلماغا تاپیلر بیر فورصت
آدینا چوخ آد قویماق اولور
بیریسی خیدمت دییهر
بیریسی ناراضئلئق
بیریده اینکیشاف
باشقاسی ۀزلدلیق
بیریده ریفاه
بیری کاسیبلیق
بیری دیدن قاچار
بیریسی دیلدن
باهانه تاپماق قولای.
آمما، آمما
هر قاچاندا ساتماز ها
قاچ ایچر باتقاقا باتماز ها
انصافعلی هدایت
19.06.2025
No comments:
Post a Comment