فارثلارا خیدمت موسابیقه سینده کیم چوخ خیدمت اده بیلر؟: کوردلر می؟ تورک لر می؟

تورک و کورد میللت لری، دوشمن لرینه (فارث لارا) اودوزورلارمی؟

من فیکیر ادیرم؛ فارث حاکیمییتی درین و نئجه ایچلی بیر حیله قوروب.

مثلن بیر طرفدن تورک لر ایله کوردلر آراسین، هر گون داها چوخ، بیر بیرینه وورورلار. او حالدا کی بیز هر ایکیمیزده، فارث استعماری و ظولمو آلتین داییق. حاقلاریمیز و وارلیغیمیز دانیلیر.

بیر آیری طرف دن ایسه، کوردلره آز اولسادا، آنا دیلده تحصیل حاققی وئریرلر تا کوردلری داها چوخ راضی ساخلاییب، عراق، سورییه و تورکیه کوردلریندن اوزاق توتسونلار.

او بیری طرف دن، تورکلرین توپراقلارین کوردله ره وعده وئریب و هیبه ادیرلر.

باشقا بیر یوندن، گوردلره، عراق و تورکییه دن قاچاق ایمکانی یارادیرلار. حتتا سیپاهین و ایططیلاعاتین چینس لرین نین قاچاغی کوردلرین بویوندا دیر.

قاچاق یولیلادا کوردلر، احمدی نژاد دئولتی دئورانیندا میلیاردر و ثروتلی اولدو لار.

ثروتلی کوردلر داغلیق دا و ایمکانسیز یئرلرده نییه قالسین لار؟ نیه ریفاهلی و ایمکانلی یئرله ره کوچمه سین لر؟

بو دا سبب اولدو، قاچاقدان ثروتلی اولان کوردلر، آزربایجان توپراقلارینا کوچسون لر.

کوردلرین عراق و تورکیه سرحدلریندن کوچورتمه برنامه سی ریضا، محممدریضا ، خومینی و خامنه ای دئورانلارینین درین مسئه له سی دیر آمما مووففق اولابیلمه میش دیرلر.

نیه؟

چون، کاسیب و فقیر، ایش سیز و دیلسیز کورد، داغلاردان هارا گوچه بیلردی؟ گوچسئی دی بئله، نه لر الده اده بیلردی؟

بو سیاست لر، فارسلار ایسته دیگی سونوجلاری وئریر:

دوخسان (90) ایلدن چوخ دور کی فارث استعمار سیستیمی، کوردلری مرزلردن اوزاقلاشدیرماق ایستیردی تا اونلارلا تورکیه، عراق و سورییه کوردلرین، بیر بیرلریندن آیئرسین لار.

عیران مرزلرین کوردلردن بوشالتسین لار تا فارثا و عیرانا وفالی اولان قووه لر و اینسانلار، چوخ راحاتجاسینا و موفته جه سینه، سرحدلری دولدورسونلار و بیر آغیر کورد تهلوکه سین، عیران مملکتینین قولاغینین دیبیندن اوزاقلاشدیرسین لار.

بئله لیک له ده، تورکیه یا عراق ایلیه بیلمزلر، کوردلردن ائوز نفعی لرینه فایدالانالار.

بو آرادا، کوردله تورک لری بیر بیری نین جانینا سالیب، باش لارین ائوزلرینه مشغول ادیرلر تا فارث استعماری نین ظولمو و خیانتی، اونودولسونو فارث لا دوشمنلیک یئرینه، ایچی بوش بیر داوایا گیرسین لر.

بو ایکی میللت سوروشمور، فارثلار بو نقشه لرین آرخاسیندا نه لر گیزله دیب لر؟

داها درین سوز بودور کی هم کوردلر هم تورکلر، فارثلارین یالان و ظاهیری اویونلارینا اینانیب و فارثلار ایسته دیک لری کیمین اوینورلار. اصلینده فارث لار چالیرلار، بون لار اوینورلار.

فارثلار اورتادا ایختیلاف سالیب لار آمما باشاریب لار بو ایختیلاف دان ان چوخ منفعتی گوتورسون لر. سورماق لازیم دیر کی کوردلرین و تورک لرین منفعت لری، نه لر دیرلر؟

بیله کی گورونور، فارث لارین نقشه لری اساسینا بو ایکی میللتین آراسیندا فارثلارا وفادارلیق موسابیقه سی یولا سالینیب.

نئجه؟

بئله: ایللر دیر هم کوردلر، هم ده تورکلر، عیران سئچگیلرین تحریم ادیردیرلر و هر سئچگی ده خالقین سئچگی لری تحریم اتمه سایئسی داها دا چوخالیر.

مثلن تبریزده، سون سئچگی لرده 1.700.000 آزربایجانلی نین رای وئرمک حاققی اولان اینسانلاردان، 1.100.000 رای وئرمئییب و سئچگینی تحریم ادیب لر. فقط 600.000 تبریزلی رای وئریب.

عینی بو حادیثه کورد ماحاللاریندا دا ائوز وئریردی و تحریم ادن لرین، فارثلاردان و عیرانچیلیق دان ائوز چئویرن لرین سایی دا گئت گئده چوخالیر دی.

فارثلار کورد و تورک آراسیندا، او ایختیلافلاری سالماقلا، بو ایکی میللت لری اویونا گتیردی لر.

کورد و تورک مسئله سین گوندم ده ساخلا دی لار. بو ایکی قونشو ایختیلافی قازانی نین آلتیندا، اود قالادی لار.

بو ایختیلافی کورکله مک، او حالدا داوام ادیر دیر کی بیر جیددی و فوری تهلوکیه، نه کورد طرفیندن و نه ده تورک طرفیندن گورسنمئیب دیر.

بو ایکی قونشونون بیر بیرلریندن قورخولاری سبب اولوب کی هم توکلر هم ده کوردلر، فارث لارا سیغین سین لار. سئچگی لرده، کورد ایله تورک، بیر بیرلرین رقیب گوروب، بیر بیرلریندن داها چوخ رای وئریب و اکثرییتی الده اتمک اوچون، رای وئرمک موسابیقه سینه گیرسین لر.

بو دا جومهوری ایسلامیه قووت و مشروعییت قازاندیریب و قازاندیرماقدا دیر.

کوردلر و آزربایجان تورک لری، هر ایکی قونشو میللت، اورتادا، فارثلارا اودوزوبلار.

نیه؟

چون، هئچ بیریسی فارثلاردان، دوغرو دوزگون حاق و حوقوق المئیب کی او بیری رقیب سای دیغی آلمیش اولا بلکه هره نین الینه بیر "بوشلوق" و "هئشلیق" کی ساواش توته گی دئییلسه، دوغرو اولار، وئریب لر.

بو "بوشون" و "هئچین" قارشیسیندا (کورد-تورک ساواشی دوهولون چالماق)، فارث بو ایکی میللت آراسیندا کی فارثا وفادارلیق موسابیقه سیندن، داخیلی و بین المیللی مشروعیت قازانیب دیر. بودا ان بویوک منفعت دیر کی فارث رژیمی نین بو زامانلاردا، اونا احتییاجی وار.

ایندی ایسه، کورد و تورک میللت لری، روحانی دن "پئشواز اتمک" موسابیقه سی قویوبلار.

ایله گورونور کی هرکیم و هانکی میللت، داها چوخ روحانی نین پئشوازینا چیخارسا، روحانی نین حیمایه سین چوخ قازاناجاق و روحانی او میللته دا چوخ ایلتیفات دا دوراجاخ دیر. اونون حاقلارین وئرجک دیر و اوبیری رقیب، دالی و حاقسیز قالاجاق دیر.

فارث سیاستچی لری، کورد-تورک آراسیندا بیر صوننی و یالان ، ایچی بوش بیر داوا سالیبلار: نیه او شهر یوخ بو شهر؟ نیه او آدام پئشوار مسئولو اولمئییب، بو آدام اولوب؟

یانی کوردلرین و تورک لرین ذهن لری اصلی موضولاردان چیخیب و اوزاقلاشیب کی روحانی دن نه ایستییه جک لر؟ روحانی نیه وعده لرینه عمل اتمئییب؟ نیه بو میللت لرین حاقلارین وئرمیرلر؟ نیه بو میللت لرین وارلیغین دانیرلار؟ و ...

کورد لر و تورک لر، بو نون اوستونده تمرکوز ادیب لر کی روحانیه کیم داها چوخ خیدمت اده بیلر کی قارشی طرف، اونا، او فورصتی وئرمیر.

ایکی قونشو میللتی، بیر دوشمن قبیله سی، "جنگ زرگری" سیاستی ایله، بیر بیرینین جانلارینا سالیب تا عیرانا، روحانی یه، خامنه ای یه، ولایت موطلقی فقیه، و فارث سیاسی دزگاهینا مشروعییت وئرسین لر.

سیز نئجه دوشونورسوز؟