فارس ادبیاتی عربجه سیز، بیر جومله قورماغا قادیرمی دیر؟

انصافعلی هدایت

بیست و هشتم آگوست 2017

تورنتو - کانادا

جناب عباسی جاوان بیر چوخ قیسسا اما درین بیر سورو سوروبلار: "فاصجا: 1. لهجه دیر" 2. دیل دیر؟"

من: انصافعلی هدایت، بیر قیسسا جاواب یازماغا جهد اتدیم آمما گئنه ده اوزان دی. یازدیم:

بو سورو دیلچیله ره یانسار و من دیلچیلیکدن ژنتیک قه در آنلارام. ژنتیک نه دیر؟ سوسالار، بلمم.

آمما اگر

1. بیر دیلین سوزلرینین یوزده اللیدن چوخو (بعضا 85% اددیعا اولونور) عربجه

دیر،

2. اگر او دیلین، گرامری (صرف و نحوی) عربجه دیر،

3. اگر همن دیلین، ریاضی یاتی یوخدور و اگر وارسا عربجه دیر،

4. اگر بیر دیلین هندسه سی یوخ دور و اولورسادا عربجه دیر،

5. اگر بیر دیلین شعر علمی یوخ دور و اولورسا بئله عربجه دیر،

6. اگر بیر دیلین زامانی یوخ دور و اگر سوزلرینده زامان قوللانیرسا، عربجه دیر،

7. اگر بیر دیلین ان اونملی و اصیل موضوسو،" دین" دیر و اونون اوزونه عایید دینی یوخ دور و اولان دینی عرب دینی دیر،

8. اگر بیر خالق، بیر آللاها اینانیرسا آمما اوزونون موستقیل بیر الاهی یوخ دورسا و عرب آللهئنا اینانیرسا،

9. اگر بیر دیلین، دین ادبیاتی و شرعییاتی عربجه دیر آمما اوزون فارسجا تانیدیر و بو شرعیات اونون گونه ده لیک سیاسی، ایقتیصادی، ایجتیماعی، اخلاقی، حقوقی، فیکری، هونری، ائولنمک، اولمک، دوغماق، آل-وئرین، و حیاتین الینده توتوب سا، او دیل فارسجا اولابیلمز.

10. اگر بیر دیلین اصلی شعرییاتی و ادبی، دینی-تاریخی حادیثه لرله ایلگیلی دیر و اونلاری شعره چکیر و اونون، عاشوراسی وار، محرمی وار، صفری وار، رمضانی وار، حججی وار، فاطمیه سی وار، مچیدی وار، منبری وار، نوجه سی وار، و ... وار اما فارسجایا تعللوقو یوخ دور، سورمالی دیر بونلار، هارانین، یادا هانکی دیلین دیر؟

عربلرین و عرب دیلینین دیر.

11. اگر بیر دیلین و اونا عایید اولا ایددیعالی بیر میللتین تاریخی-معماری اثرلری یوخ دور یا یوخ سایئلابیلر، حتی اگر وارسا، ایسلاما و دینینه باغلی تاریخی بینالار و اثرلر دیر.

اونلاردان سایارساق؛ کورپولر، بازارلار، کاروانسارالار، مچیدلر، موقددس یئرلر و بینالار، سو آنبارلاری، حاماملار، و موستراح، هونری اثرلر، قیبلا، ... هامیسی عربجه و ایسلامدان آسئلی دیرلار و فارسلارا عایید بیر شوی یوخ دور.

12. اگر بیر دیلین ایددیعاسی وار کی 2500 ایللیک بیر میللت و ایمپیراطورلوق صاحیبی دیر و قبول ادیر کی گئچمیش 1400 ایلده نه دیلی رسمی دیل اولوب، نه تاریخی، نه ادبیاتی، نه معماری سی، نه دئولتی اولوب، نه ده توپراقی اولوب و اونون سیاسی و سرحد وارلیغی 96 ایل دئییل، بونون هانکی تاریخی و هانکی ادبیاتی و هانکی موسیقی سی و هانکی دیلی و هانکی .... اولابیلر؟

13. بیر خالقین یازارلاری وارسا . اونلار فارسجا یوخ عربجه و هردن بیرده فارسجا یازیبلارسا، اوندان موستقیل دیلی اولابیلرمی؟

14. اگر بیر میللتین ایستیقلالی اولسایدی، اونون یازارلاری ائوز دیلینده یازاردی یا بیگانه (عرب یا تورک) دیلینده؟

15. فارسجا یازارلارین نئچه سی اصیل فارس دیر و نئچه سی فارس کوکنلی دئییل؟

16. اگر بیر میللتین درین بیر دیلی وارسا، نه دن دیلین ائوز صاحیب لری او دیلده آز یازیبلار؟

17. نه دن او دیلین اصیللی لری عربجه ده اوزلرین ایفاده ادیب لر؟

18. ایندی کی 96 ایل دیر، تامام میللتلرین دیل و هوییتین دئییشدیرمک اوچون جهد ادیب و تامام اینسانلاری قانع ادیرلر کی بیر دیل وار و آدی فارسجا دیر و بو فارسجا اوچون اونلار سوز یاراتما و سوز سیلمه مرکزی فععال دی، نه دن حالا او دیلین یوزه 50 دن فاضلاسی عربجه و یوزده 15-20 سی ده تورکجه دیر؟

19. بو سورولاری و موقدده مه لری داها داوام اتمک اولار آمما بورادا سورماق اولار، بیله بیر وارلیق، "لهجه" دبر یا "دیل" دیر؟

20. آن سون بو دور کی، فارس ادبیاتی عربجه سیز بیر جومله قورماغا قادیرمی دیر؟

سیز نه دوشونورسوز؟

حورمتله