سیاست، قومار دیر: اویون قورانلار و اودوزانلار
بیر گوجلو دوشمن ایله موقابیله اوچون ایکی یول وار:
۱. دوشمن ضعیف‌لر و سن آزاد اولارسان. شوروی بیرلیگیندن آیرئلان ائولکه‌لر کی می
۲. دوشمنین ایچینده‌کی ایکیلیکدن فایدالانار، اونو ضعیف اده‌ر، دوشمنین دوشمنلهریله ال لیر اولوب، دوشمنی دیزه گتیررسن
جنابئزئن ایقتیصادی تحلیلیز، نه‌یه دایانئر؟
ایرانین لیر اوزون زامانلئق، نفتی و گازی وار.
بلکه ایران شوروی بیرلیگی کی می ایقتیصادی دوروما دوشمه‌دی بلکه اینگیلیس دورومونا دوشدو و ایقتیصادینا سیزین ایستعمارئزلا یول آچئب داوام وئردی.
سیزین ایقتیصادی دوشونجه‌نیزله گئتسک، بلکه ایران و فارسلاردا، اینگیلیس کیمی 700 -800 ایل ایستعمارلارئنا داوام وئردیلر.
بو شراییطده، سیز فارسلارئن و ایرانین یئخئلماسی اوچون و موستعمیره میللت‌لرین آزادلئق و ایستیقلالی اوچون، اونلاردان ایسیرسیز تا 700-800 ایل صبر آتشین.لرمی؟
700-800 یوز ایله‌دک، آزربایجان ایستیقلالی و دیلیندن، معدنله‌ریندن و ... نه قالار؟
بیزیم دئولت قورموش آتالارئمئز، تاریخ بویو، صبر ایله دئولت قورمامئش لار. بلکه هر زامان، دوشمن دئولتی ضعیف‌لئییب، اونو ایچه‌ریدن نئچه پارچایا بولوب‌لر.
لیر باشقا طرفدن ایسه، دوشمه‌نین دوشمن‌له‌رینه کومک ادیب، آئوزو ایله بیرلیکده حه‌ره‌که‌ته و دوشمنی یئخماغا قالخئب و سونوندا دئولت قوروبلار.
میثال اوچون: فارسلار موللالاردان ناایراضی دیرلر. لیر عیدده.سی آزادلیق و لیر باشقاسی، دئموقراسی، لیر دسته‌سی‌سه بشر حقوقی، لیر بئولومو ایسه، سئکولاریسم، لیر قوروپو ایسه دین‌سیزلیک و ... ایستیر و مرکه‌زی قودره‌تین قارشئسئندا دورورلار.
عاینی زاماندا تورک‌لر، تورکمن‌لر، قشقایی‌لر، لورلار، عرب‌لر، کوردلر، بلوچ‌لار، و ... بیزیم بئولونموش دوشمه‌نیمیز‌ایله دوشمن‌دیرلر.
ایندی، بیر وار، بیزیم دوشمن کی ایچه‌ریسینده، ایچ بولونمه‌ده و ایچ ساواشدا، بیز و دوشمه‌نیمیزین دوشمن‌له‌ری، ال ال اوسته قویوب، اوتوروب باخاق. بیرده وار کی دوشمه‌نین ایج ایختیلافلارین ده‌رین‌له‌دیب، دوشنبه.نیمیزین موشته‌رک دوشمن‌له‌ری ایله چییین به‌چییین، موشته‌رک دوشمه‌نی یئخماق اوچون، ال بیر و قول بیر اولاق.
سیزین بویوردوغونوز ایستیراتئژی، دوشنبه.نین ائورتدیگی ایستیراتئژی دیر.
دوشمن، بیزله‌ره ایلقا ادیر کی تاریخی فورصت‌لردن ایستیفاده ادیب، منی یئخما. صبر ات. من یئخئلاقاجاغام. او زامان سیز، ایستیقلال یا حوقوق آلارسیز.
بو ایستیراتئژی، عمل‌سیزلیگه، تنبللیگه، چالئشمامازلئغا، دوزومه، تاریخده ال وئرن فورست‌لردن فایدالانماماغا، نئهیلیسمه و پوچلوغا، آزربایجان و تورک میللت‌له‌رینه اینانماماغا ایته‌لیر.
منیم تئوریم ایسه، عمله، جهده، آزربایجان و تورک میللت‌له‌رینه اینانماغا، نئهیلیسم و پوشلوقدان اوزاقلاشماغا، فورصت‌لردن فایدالانماغا، دوشمنین ضعفیندن منافع الده ائتمه‌گه، دعوت ادیر. هم دوشمه‌نین دوشمنلهریله بیرله‌شیب، هم دوشمه‌نین ایچ گوجون، بولوم بولوم، بولورکن، یئخئلماسئنا سبب اولور و زور وئریرسن.
سن لیر میللت اولاراق، دوشمه‌نین ضعیفلیگیندن فایدالانمازسان ایسه، دوشمن، ائوز ضعیفلیگیندن خبردار اولوب، زامان ایچینده، اونلاردان درس آلاراق، ضعفین قودره‌ته چئویرر.
بیز کورد دئییلیز. گوردون گئچن مین ایلده دئوله‌تی اولمئییب، بیر گوجو یوخ، سایی، سیاسی، نظامی، ایقتیصادی گوجو بیز قه‌در دئییل. بولگه ده هئش لیر کورد دئوله‌تی یوخ دور.
بیزیم، ایستیراتئژیک دوروموموز، کوردلرله موقاییسه اولماز. فیلله تولکونو موقاییسه ادیب، تولکو سه‌وییه‌سینه ایندیرمییه‌لیم ائوزوموزو.
بیر وار، اویونو، لیر میللت قورا و آماجلاری اوچون، هر میلله‌تین گوجوندن فایدالانا.
لیر وار، لیر میللت اویون قورماقدان قورا. اویون قورمایا. هئش بیر اویوندا دا ابشتیراک ائتمه‌یه. بو میللت اوتوروب، دوشمه‌نین اولومون گوزلور. ایندی یا دوشمن تئز اوله‌ر، یادا ائو میللت.
بیرده وار کی بیر میللت اویون قورماز. قورخار. بوجاغا سئخئلار، گئچمیش شیکست‌لردن آیاغا قالخماق اوچون درس آلماز. بلکه درس آلار کی قورخودا، صبر ادیب، تسلیم اولسون.
بو میللت اویون قورماز. ظفر و باشاری الده اتمز. بلکه اویون قوران میللت‌لر و دئولت‌له‌رین، اویونونا گلر.
نییه؟
چون اویون قورولمادان، سییاست یورودولمز.
یا بیر میللت اویون قورماغا جسارت ادر. یا بیر باشقا میللتین اویونوندا اوینار.
روانی و روحو تسلیم اولان میللت، اویون قورانماز. تسلیملیک رولوندا، باشقالارئن قورقوسوندا، اویونلاردا اوینادئلار.
اویون و قورقو قوران میللت، فورصت‌لردن، فایدالانار، او بیری میللت‌لرین ضعف و قودرت‌له‌ریندن فایدالانار و ائوز اویون و قورقوسوندا، باشقالاری اوینادار.
سییاست، قومارادا بنزر. قوماردا اوتورانلار، اودوزارلار. قومارخانانی قوران آدام، داییما آپاران اولار. هر قومار میزینده، بیر نئچه نفر اودوزار. بیر ایکیسی اودار. هم اودانلار همده اودوزانلار، قومارخانانی قورانئن سهمین وئریب، گئدرلر. آمما قوماری قورانلار، قاللرقی و داییما آپاران دیرلار.
بیز تورک میللتی سییاسه‌تین قومار ماساسئندان قورخمامالییق. بلکه، قومار و قوماربازلیق وار ایسه، قومار اویونون یورمالییق. هامی بیزیم اوچون، قومار اوینامالی. هره، آزدان، چوخدان، پای آپارسئن تا بیز داها چوخ پای آپارالئم.
دوشمه‌نیمیزده پای آپارار دییه، اویون قورمازساق، دوشمن اویون قورار و داییما ان چوخ پایی و حققی دوشمه‌نیمیز آپارار.
من چتلئشدئم، ایستیراتئژی‌له‌ری بیر نئچه سیناریو و میثاللا و ساده دیلله، اورتایا قویام.
ده‌ده بابالارئمئزین دئولت قورما تجروبه‌له‌رینه دیققت اتمه‌لیییک. یوخسا، سییاست قورماریندا، داییما اودوزان اولارئق.
انصافعلی هدایت
تورنتو - کانادا
دوازدهم (12) ژانویه 2020
hedayat222@yahoo.com
Comments
Post a Comment