گوجلو، حاقی یارادار و قبول ادیرر
گوجلو، حاقی یارادار و قبول ادیرر
دوستوم،
دونیادا، حق، حوقوق، عدالت، دموکراسی و اخلاق دییه قاوراملارین ایچی، بوش کیمی گورونور.
آمریکا و روسیه‌نین گئچن اللی ایلده کی هوجوملاری و روسییه‌نین «پوتین» چاغینداکی هوجوم و ایشغاللاری‌دا، بونو گؤستردی کی اؤ شئی که حققه، حوقوقا، عدالته، دموکراسیایا و ... آنلام وئریر و اؤنلارین ایچه‌ریلیگین آچیقلیر و تعریف ادیر، گوج، زور و گوجون صاحیبی دیر.
گوجسوزلر، بیر حاق یارادیب، تحمیل ده ادنمزلر. یارادیالار‌سا بئله، قبول ادیلمز.
سون زامانلاردا، روسیه، اوکراینا‌نین ایکی ایالتین رسمی اولاراق «جومهوری و موستقیل» اعلان اتدی.
سونرادا، اونلاری، باهانا توتاراق، اوکراینا‌نین ایشغالینا قالخدی. نیه کی گوجو وار و کیمسه یا گوج، گوجلولوک حاققین اؤندان آلاماز. گوجلو اؤلماق، حاق یاراتماق و حاقلاری پؤزماق حاقین یارادار.
سوریه‌ده ساواش سالدیلار. عراقی، لیبی‌نی، افغانستانی و ... خرابه قویوب، ایشغال اتدیلر. میلیونلار اینسانی اؤلدوردولر.
نه اؤلدو؟
هانکی حق، حوقوق، عدالت، دموکراسی، و ... باشقا بیر گوج، اونلاری و اونلارین سوی‌قئریملارین و ایشغاللارین، آرادان قالدیردی؟
ایندی کی زور حاق پؤزار و حاق یارادار، نییه گوجلو تورکییه بو‌حاققا یییه چیخماسین؟
منجه، اگر اولوسلار آراسی شرطلر توپلانسا، تورکییه، وار گوجو‌و و اؤردوسو ایله، عدالتی، حاققی، حوقوقو، دموکراسی‌نی، و ... یئنی‌دن تعریف ادیب، یارادیب، زورلا ایسته‌دیگی کیمی یئرلشدیرمه‌لیدیر.
عجبا تورکیه، آزربایجان و حتتا تورک دونیاسی، گوجو اولورسا، باخیشلار و حوقوقلارین آنلامی دئییشمزمی؟
گوج و گوجلو اؤلماق اونملی دیر و اساس آنلامی داشیر. گوج، یارادیجی دیر. گوجسوز، هئچ بیر شئیه حاقی اؤلماز، اؤلؤمه بئله.
انصافعلی هدایت
تورنتو - کانادا
05.03.2022
Comments
Post a Comment