کیتاب اوخویاق: دوشمنله ساواشدا ایستیرتئژی‌لر - ایگیرمی‌ایکی
بوگون، ایراندا فاشیست‌لرین حوضورو، ایشله‌لری، دوشمنچیلیک‌لری، سوی‌قئریم و ... حاقدا دانیشدیقدان سونرا، «هنر جنگ» کیتابیندان 99، 100 و 101 اینجی صحیفه‌لری اوخودوق.
بو بؤلوم، پیسیکولوژیک یا روحسال ساواش حاقدا یازیلمیش.
بیر - فرمانده یا کوماندانین میللت، وطن یا حکومه‌تینه «ایمانی» (اینانجی) اولمالی دیر.
ایکی - اینانج، نظمی، شجاعت و قورخونون اؤلچوسو دور. اینانج، نظمی، جسارتی چوخالدار، قورخونو و داغینیقلیقی آزالدار.
اؤچ - ساواشچی اینسان، ساواشین ان باشیندا، دوشمه‌نین روحیه‌سین آرادان آپارار. سونرا اؤنو یئنر و ظفری قازانار.
دؤرد - ساواشچی اینسان، اوراجان کی ال وئریشلی دیر (ممکن)، دوشمه‌نین روحیه‌سین سیندیراندان سونرا، اؤنا هوجوم ادر.
بئش - روحسال ساواشدا، دوشمه‌نین ایمان و اینانجین الیندن آلماق لازیم تا ساواش اؤچون نقشه چکه‌بیلمه‌سین.
آلتی - دوشمن، گئجه یاتمیش اؤلورسا، صاباح روحیه‌سی یاجی‌دیر.
یئددی - روحیه‌سی یاخجی اؤلان دوشمنه هوجوم اتمزلر.
سگگیز - اؤردو و عسگرلر اؤچون، گون اوزون و یوروجو اؤلار. یورقون اوردویا هوجوم اتمک اؤلار.
دوققوز - گئجه چاغی، اینسانلار، وطن، ائو، اهل، عیال، عشق و معشوق فیکرینه جومارلار. بو زامان دوشمنه هوجوم ائتمه‌لی‌دیر.
اؤن - اؤستکی سادیلادیقلاریمیز، «روحسال عامیللری الده توتماق»ین آنلامیندا دیر.
اؤن‌بیر - «عقل عامیلین الده توتماق»ینین‌ده آنلامی بو دور کی سیز، اوردنو کامیل نظم و اینتیظامدا توتوب، دوشمه‌نین قارما قاریشیق اؤلماسین گوزلییه‌سیز.
اؤن‌ایکی - «ماددی دورومو الده توتماق»ین آنلامی بودور کی ساواشین ایاق سسی گلنده، ساواشا حاضیر اؤلوب، اؤردنو نیظامدا توتوب، توخ توتاسیز. سونرا، یؤرقون آرقین، آج، یوخوسوز دوشمه‌نی بکلییه‌سیز یا اؤنا هوجوم اده سیز.
اؤن‌اؤچ - «موقعیت و فورصت عامیلین الده توتماق» بو آنلامدا دیر کی اگر دوشمن، کامیل حاضیر، تشکیلاتلی و نظم و نیظاملا گلیر، اؤ دوشمنه هوجوم اتمزلر.
اؤن.دؤرد - اگر دوشمن یوکسکلیکلری الده اتمیشسه، اونلا اؤزلشمه.
اؤن‌بئش - اؤ زامان کی دوشمن چاچیرمیش کیمی گوسته ریر، اؤنا هوجوم اتمزلر و تورونا دوشمزلر.
اؤن آلتی - دوشمه‌نین سئچیلمیش گوجله‌رینه هوجوم ادیلمز.
اؤن‌یئددی - حئرسلا، دوشمن آتدیقی دورمکلری (یئمکلری) اودمایئن. سوداکی بالیقی توتماق اؤچون، دمیر قیناقین باشین یئمکله بزرلر و بالیقین گؤزوندن ایراق توتارلار.
No comments:
Post a Comment