وطنین آزادلیق و ایستیقلالینا گئدن یول، «خیال قورماق گوجو»ندن گئچر
وطنین آزادلیق و ایستیقلالینا گئدن یول، «خیال قورماق گوجو»ندن گئچر.
من، گوناز‌تی‌وی‌ده، آیلار بؤیو چالیشدیم، دوستلارا ائورگه‌دیم کی خیال قورسونلار. خیال گوجون گوجلندیرسین‌لر.
خیال قورماق، خیاللاریمیزدا سرتیپ، سرلشکر، تیمسار، رئیس جومهور، رهبر ووو اولوب، وطنی و میللتی ایستیقلالا یؤنلندیرمگی باشارسینلار.
هامیلیقجا، خیال قورماقی باشاراق.
دوستوم، دؤولتلر، خیالاردا قورولمازسا، واقعیتده و دئش دونیادا دا قورولماز.
اینسانلار، اومود، خیال، رویا، هوس و مئیل اساسیندا یاشامازلارسا، یا اؤلودورلر یادا اینسانلیقدان چیخیب، اومودسوز یاشارلار و یورور بیر اؤلو اؤلموشلار.
سیزین ذهنیزده، اوشاقلیق‌دان بو گونه اوزانان مدینه فاضیله‌ز، بو وطن و میلله‌ته عاشیق اولمالیقی یارادیب.
عاشق(وورقونلوق)، بیر طرفلی و عاشیقین دوشوندوگو دویغو و داورانیش دیر.
بلکه معشوق، وورقونون عشقین آنلاماز، دوشونمز، حیس اتمز و یاشاماز.
حتتا اولابیلر کی عاشیقین عشقینه، ترس جاواب وئرسین. عاشیقی، عشقینه و سئوگیسینه گورا دانلاسین، سویسون، وورسون، کوسسون و آتسین.
آمما وورقون، معشوقونون عوصیان، نیفرت، سویوش-ساواشینا دؤزر. حتتا شوکر بئله ادر.
بیزده، بو وطنه، بو توپراقا، بو میلله‌ته وورولموشوق. بو میللتین وورغونو و دلیسی‌ییک. بو میللت ، بیزله هر نه‌‌جور داورانیرسا، داورانسین، بیز اؤنا عاشیق و وورغونوق. اؤنو آتانماریق. اؤنا ائوز چئویرنمه‌ریک.
ترسینه، اؤنا داها دریندن وورغونلاشیب، ریفاهی، امنیتی، آزادلیقی، باشی اوجالیقی، ائل حاکیمییه‌تی و ... اوچون، داها چوخ چالیشاریق.
یاشاسین وطن و میللت وورغونلاری، دلی‌لری.
Comments
Post a Comment