بو، آزربایجان یازارلاری و میللی فعاللار اوچون، ژورنالیستیک درس لرینین اوچونجو درسی اولاجاقی دیر آمما گئچمیش ایکی درس، خوصوصی اولموشدور.
هامی قلمداشلارا یاردیم اولماق آدینا، بو درسلری باشدان باشلادیق.
بو بیر اینجی درس اولدو!
بو درسلر هر سه شنبه و پنج شنبه گونلری، تبریز واختی ایله آخشام ساحات 22:30 دا باشلییه جاق دیر.
توم دوستلارا حوضورو سئویندیریجی دیر!
هامی قلمداشلارا یاردیم اولماق آدینا، بو درسلری باشدان باشلادیق.
بو بیر اینجی درس اولدو!
بو درسلر هر سه شنبه و پنج شنبه گونلری، تبریز واختی ایله آخشام ساحات 22:30 دا باشلییه جاق دیر.
توم دوستلارا حوضورو سئویندیریجی دیر!
بو برنامه ده، آزربایجان میللی فعاللار اوچون؛ ژورنالیسم درسلرینین ایکینجی بولومون گوره جکسینیز.
بو ویدئودادا "تیتر" حاقدا دانیشیب، و بیر تیتری دوستلار ایله بیرلیکده، حاللاجلیق ادیریز!
دوستلارین خبری اولسون کی، تیتر یازماقدا مهارت صاحیبی اولماق اوچون، زامان قویماق و تمرین اتمک لازیم دیر تا داها یاخجی بیر فیکیر و تیتره چاتسینلار!
تیتر، ژورنالیستلرین و میدیالارین ان اونملی وارلیقلاری دیر.
اگر تیتر دوغرو اولمازسا، موخاطبلر یا اوخوجولار، گوندن گونه توکولر و بیز بیلمه ریز کی نیه میدیامیز ضعیف لیر. اصلی سبب، خبرلریمیزین دادی، موشتریلریمیزین داماغینا خوش گلمیر، اولابیلر.
یعنی، آزربایجانین تورک خالقی، بیزیم سایتا نه دن اوتورو گلیرلر؟
آزربایجان حاقدا خبر آلماقدان اوتورو.
ایندی اگر ایسته دیکلری خبرلری بوردا تاپانماسالار، نه یه، بیرده زحمته دوشوب؛ بیزیم وبسایتا گلسین لر؟
موخاطبلریمیز، فارس و ایرانلیلارین خبرین، رسمی میدیادان، فیلترسیز اولاراق و زحمتسیز الده ادیرلر. نیه فیلتر زحمتینه دوشوب، بیزیم میدیایا گلسین آمما ایسته دیگین تاپماسین یا پینتی تاپسین؟
یعنی بیزیم موشتریمیزین لیاقتی یوخ دور شیک و تر تمیز و یوخاری کئیفییتلی بیر ماطاح آلسین؟
یا بیزده بو دوشونجه یوخ دور کی خالقیمیزا دوغرو و دوزگون و حرفه ای بیر ماطاح وئرک؟
بو مرضه، گونئی آزربایجانین یازی میدیاسی و خوصوصیله روزنامه لر و مجلله لری دوشوب لر.
گونئیده کی بوتون مطبوعات، تامام تهرانین خبرلرین فتوکوپی و پئیست ادیرلر. اونون اوچون ده آزربایجان خالقی، آزربایجانی، تبریز، اورمو، اردبیل و زنجان روزنامه لرینده و مطبوعاتلاریندا گورمورلر و تاپمیرلار.
بوندان دولایی دا آزربایجان مطبوعاتینا کی اونلارین باخئشیندا درده دئیمز دیر، پول وئریب، آت-آشغال و چور-چوپ آلمیرلار.
او موخاطبلر، فارس و ایران خبرلرین اوخوماق ایسترسه لر، گئدیب، تهراندا چاپ اولان میدیالاردان آلیرلار یا ایران حاقدا اولان وبسایتلارا گیررلر.
آزربایجان میدیالاریدا فیکیر ادیرلرکی آزربایجان خالقی "یازی اوخوماق" اهلی دئییرلر آمما اگر بو فیکیر دوز دور ایسه، بس نیه تهران روزنامه لرین اونلار بلکه یوزلر قات، آزربایجان مطبوعاتیندان چوخ آلیرلار؟
چون آزربایجان خالقی، چور-چوپه پول وئرمزلر.
اونلار وطن آدی ایله یازیلان آمما ایچی فارسچیلیقلا دولو اولان آلمازلار. او جور مطبوعاتلاری و وبسایتلاری، سوءی ایستیفاده چی و وطنه خیانت بیلیب، آلمازلار!
بیز آزربایجانچی یازارلار، میللتیمیزه و وطنیمیزه خایین دورومونا دوشمه مه لییک! بونون اوچون ده میدیالاریمیزی آزربایجان خبرلری ایله دولدورمالییق! همده کئیفییتلی اولمالی دیرلار.
وبسایتیمیزین یا میدیامیزین خبرلرینین ان آزی 90% آزربایجانا و 10% دیگر یئرلره ایختیصاص تاپمالی دیر.
انصافعلی هدایت
بیست و ششم دسامبر 2017
تورنتو - کانادا
No comments:
Post a Comment