حایئف کی پانفارس و ایرانچیلیق دیلی ایله دانیشیریق
حایئف کی پانفارس و ایرانچیلیق دیلی ایله دانیشیریق
یازدی: آمریکا دولارلاری ایله، ... آزربایجان آدینا ژنراللار ...، آمریکا خیابانلاریندا دولاشیب ...، آزربایجانی مستقیل ادنلر ....
سوراراق، یازدیم:
مثلن، کیملر آمریکادان پول آلیر؟
آمریکادان و آمریکا دولاریندن مقصدیز نه دیر؟
کیملر پول آلیر، آزربابجانی موستقیل اتسین؟
من (انصافعلی هدایت) بیر اُرنک اولاراق، 2008-دن، "رادیو فردا"دا (فارسچی رادیودا) ایشله‌سئیدیم، آیدا سگگیز مین دولار آلاردیم.
آمما پانفارسچیلیقلا و ائرقچیلیقلا موخالیف اولاراق، اورادا ایشله‌مه‌دیم. ائوزوموزه چالیشان گون آز‌تی‌وی ده، یئری گلدی، آیدا بئله بیر مین دولارا چالیشدیم. یئری گلدی، موفته بئله چالیشدیم. تیرئلی سوردوم آمما چالئشدیم، یازدیم. دانئشدیم. اُلوم آیاغینا گئتدیم آمما یازدیم. چالیشدیم. یازیرامدا. میننتی ده یوخ دور.
آمریکادا، اوروپادا، تورکییه ده و آزربایجان جومهورییتینده یاشایان و چالیشان آزرایجانلی سیاسی فعاللارین یوزده دوخسانی، مندن داها آغیر ایشلر ایله مشغول دورلار. یاشاملاری دا چوخ چوخ آغیر گئچیر.
مع‌الاسف، فارس دوشونجه‌سی و سیاسی ادبیاتی ایله ایتتیهانلاماق، بیزیم حتتا دوشونجه‌لی، سیاسی، مدنی و حوقوقی فعاللاریمیزین آراسیندا بئله، یایقین دیر.
اونلان بئله کی، ایران و فارسلا دوشمن اولان هر بیر کس، پارتی و سیستیم ایله امکداشلیق، فخر وئریجی دیر.
سورورام: تورکون و آزربایجانین دوشمنی اولان فارسچیلیق حاکیمییتین یئخماق ائوچون، کیلملر ایله امکداشلیق گره‌کیر؟
بو یولدا، هر بیر گوج‌له امکداشلیق موباح و حلال دئییل می؟
سیاست تاریخنده، هانکی بیر میللیت، خاریجی گوجلرله برابر چالیشمادان، ایستیقلال آلابیلیب کی بیزده ایکینجیسی اولاق؟
اُ حالداکی آزربایجان و تورکییه جومهورییتلری، خاریجی و اجنبی گوجل دئییل‌لر بلکه ائوز دوغما باجی قارداشلاریمیز و دُولتیمیز دیرلر. بیر گون گلر کی اونلار، بیزیم آرخامیزدا دورارلار. بیزیم دوشمنیمیزی قیرماقدا، بیزی قوروماقدا، بیزیم یانیمیزدا دورارلار.
بیزیم حاققیمیز یوخ دور، غوربتده یاشایان، ایکی جوت بیر تک میللتچی و زحمت چکن‌لریمیزی، فارس سومورگه‌چی دیلی، سیاسی ادبییاتی و سیستیمی ایله کوسدورک، قئراغا آتاق.
بو کیمه یارار؟ کیمین ایسته‌گیدیر؟ کیمه ضرر وئرر؟
میللتچی لریمیزی، (ایچه‌ریده یا ائشیکده اولان‌لاری) ایتتیهاملاماق، ایران-فارس دیلی، دوشونجه و میدیالاریندان آلینان سیاسی دوشونجه و ادبییات دیر.
بیر بیریمیزی ایتتیهاملاماق، میللی دوشونجه‌‌نین وئردیگی دیل و سُوز دئییل. میللی دیل آلتیندا، میللتچیلیک‌له، دوشمنچیلیک دیر. دوشمنه، سیاسی و تبلیغاتی کومکچیلیک دیر.
البتته کی فارس ایشغالی آلتیندا یاشایان توتقونلارین بو حاققی وار کی جانلارین ایشکنجه‌لردن و یا اوزون حبسلردن قورتارماق آماجی ایله، سورقو و سووال زامانی، خاریجده‌کی فعاللاری، قیناسینلار. منیم حاققیمدا اولورسا، حالال دیر.
آمما بودا، اُ آنلامدا دیییل کی هر کیم، جیددی تهدید اولمادان، یا سورقو سووالا معروض قالمادان، ائوینده اوتوروب، قلمی ایله یا سوشیال شبکه‌لرده، دیلی ایله، خاریجده کی پارتیلری، چالیشقانلاری، یازارلاری، دوشونورلری، زحمت‌چکن‌لری و ... قارالاسین. ایتتیهاملاسین. زحمتلرین داش‌قالاق اتسین.
بو بئینی یئخانمیشلار، میللی چالیشقانلاریمیزی، فارس دوشونجه‌سی ایله، دیله و قلمه آلیرلار. حتتا اولارا، توهین ادیرلر.
بو یول- یُنتم، پانفارسلارین و پان‌ایرانیست‌لرین دیلی دیر. بیز تورکلر، میللتچی‌لر، فعاللار، دوشونورلر و ... بو دیلدن اوزاق دورمالییق.
اونا گورادا، میللت و وطن اوغوروندا جهاد ادنلریمیز، بو ایتتیهاملایجی داورانیشلار ایله، کوسمز و میدانی پانفارس و پان‌ایرانیستلره بوش بوراخمازلار.
هئچ اولمازسا، میللی فعاللاریمیز، ایران-فارس میدیاسینین ایتتیهاملایجی دیله و ادبییاتی ایله داورانمامالی دیرلار. ترسینه، آزربایجانچی و میللتچی سیاسی ادبییاتا و دیله ساریلمالی دیرلار یادا بو دیلی یاراتمالی دیرلار.
سایقیلاریملا
انصافعلی هدایت
Comments
Post a Comment