1.
هر ایشین بیر یونیفورمو یا گئییمی وار. مولالارین دا یونیفورمو "عمامه دن، عبادان" عیبارت دیر. بو پالتار، اونو گیین آدامی موقددس اتمز
اگر دوکتورلرین آق یونیفورمو موقددس دئییل، اگر فهله لرین گئییمی موقددس دئییل، اگر فابریکا و کرخانا ایشچیلرینین گوی یونیفورمو و گئییمی موقددس دئییل، اگر بلدییه چیلرین ناریجی گئییمی موقددس دئییل و ایش گئییمی دیرسه، و اگر ... اوندا نییه موللا گئییمی موقددس اولمامالی دیر؟
چون هر بیر آدام، موللالیق مدرسه سینه گئدیب، درس اوخورسا، بیر یئره چاتارکن، او گئییمی گییه بیلر. بو گئییم، اونون ایش (هردن ده) تخصصوص گئییمی اولابیلر. بو گئییم اونو، بیر آدام بالاسی اولاراق، موقددس اتمز. اونون سوزلری ده موقددس اولماز. چون او بیر آدام دیر و آدامین دئدیکلری موقددس اولماز
فارس کیملیگینده و ساسانی دوورونده، فارثلار، دین آداملارین و دین آدینا گئییلن گئییمی موقددس اتمیش لر. تاریخ گئچیب، دین دئییشیب آمما فارثلار همن باخیشی ایندی کی فارث دین موللالارینا دا گئییندیرمیش و اونلاری موقددس اتمیشلر. نیه موقددس اولسونلار؟
2.
فارثلار بیر تاریخی یالان دوزلدیبلر و ایددیعا ادیرلر کی علی حضرتلری سحر تئزدن، صاباح صلاتی اوچون یوللانارکن، قازلار اونون اتگین توتارلار و چرکرلر کی "یا علی گئتمه، گئدرسن، ابنی مولجم سنی قتله یئتیرر!" بو سوز اصلینده علی علیهو السسالاما توهین و تحقیر دیر. فارثلار بیر طرفدن ایددیعا ادیرلر کی ایماملار غئیبی بیلرلر و گله جکه تانیشدیرلار. بیر طرفدن ایسه بئله بیر یالانلار ایجاد ادیب، ایما ادیرلر کی علی-نین (استغفروالله) قاز قوشو بینی قد،ر بینی یوخ دور و دوشونمور و گله جگی گورمور
بو علی علیوالسسالاما توهین دئییل می؟
اوندان سونرا کی بیلیریک، قازلار صاباح صلاتی اوچون اویانمازلاز. نه دن، فارثلار، صلاتین مرتبه سین حئیوان مرتبسینه دوشورورلر؟
اوچونجو، مککه یا مدینه قاز یئری دئییل؟ اورا قاز گوچن بیر جوغرافیا دیر؟ قاز اولمایان بیر یئرده، نیه گرک قازلار علینین اتگین توتسونلار؟
3.
بیر باشقا ویدئونو گوسترمک ایله، هدایت چالیشدی فارسلارین بیر باشقا یالانلارینین دا اوستون آچسین و خورافه لرین گوسترسین. بو ویدئودا، بیر موللا ایددیعا ادیر کی یئددی اینجی شیعه ایمامی، بیر چولده بیر شئره راستلاشیر. شئرله دانیشیر. سونرا یانیندان قاچمیش آداملارا ایضاح ادیر. او شئرین آروادی حامیله ایمیش و شئر آروادینین راحاتجا دوغماسی اوچون ایمامدان کومک ایسته میش دیر
ناغیل اوزون دور اما بو حیکایه ده، فارثلار، ایمامی بیر آحماق گوستریرلر. نهایت، او عجیبه و اینسانلیغا سیخمایان بیر موجود دور. یعنی، ان آزئ، ایمام، اینسان دئییل. اگر اینسان دئییلسه، بیز اونون یولون گئده بیلمه ریک کی. بویله ایسه، اوندا، آلله بیزی ایماملا فرقیلی خلق ادیب دیر. بو. بو ایختیلافا گورادا، بیز ایماملارین یولچوسو اولانماریق. یولارین یولو بیزله فرقیلی اولمالی دیر. چون هامی بیلیر کی بیز آداملار شئر دیلی بیلمه ریک، شئرلر ایله دانیشا بیلمه ریک، شئرلر بیزدن آروادلارینین دوغومونا کومک ایسته مز. ایمام بوردا داها چوخ بیز دوکتور یا بیر دوعاچی گورونور. دوعا یازان کیمی بیر موجود اولور
4.
هدایت، سونرا بارماق قویور ایره لی گلن "محررم" آیئنا و دئییر: ایستر ایسته مز، محررم آیی گلیر. بو آیدا، بیزیم موسلمانلاریمیز، میلیاردلار دولار پول خرج اده جک لر تا ائوز حورمتلرین ایمام حوسین علیهو السسالاما گوسترسینلر
نیه آزربایجا میللی حرکتی بو فورصتی الدن قاچیرسین؟
نیه خالقی توپلایئب، فارثلار کیرلدن ایمام حوسئینی، یئنی دن خالقا تانیتماسین؟
نیه فارسلارین یالانلارینین اوستون آچماسین؟
نیه نذیرلرین یونون آزربایجان میللی حرکت یونونه چئویرمه سین؟
مثلن، اولارین کی نذیرلری وار، اونون پولو ایله تورک دیلینده کیتابلاری آلیب، خالقین آراسیندا یایسینلار. خالقا آغیللاریندان ایستیفاده اتمک یوللارین گوسترسین لر؟
خالقا دئسین لر کی آیمام حوسین، نیه قیمتلی دیر؟
یولو و فیکیرلری نه دیر؟
اگر ایمام حوسئین بو گون یاشاسایدی، بیز تورکلرین کناریندا دورار دی؟ یوخسا فارث ایستعمارچیلارینین یانیندا دورار دی؟
ایستعمار قاباغیندا باش اییردی یوخسا اینقیلاب ادر دی؟
آنا دیلین ایستردی یوخسا طالیم لرین دیللرینه باش قویاردی؟
اورمو گولونون دولدورولماسینا جهد ادردی یوخسا فارثلارین آزربایجانی محو اتمک سیاستینه ایناناردی؟
بو برنامه نی گوناذ تی وی نین یوتویوبوندا گوره بیلرسیز کی سیزی اوسته کی لینک اورا آپارار
