شهید شیخ محمد خیابانی نین عملی سیاستلری: یاشام طرزی دئییشمه لی دیر

شهید شیخ محمد خیابانی نین عملی سیاستلری- 28 اینجی بولوم، بو جوما گونو (سپتامبرین 23) ده گوناذ تی وی دن جانلی اولاراق یایئلدی. 

بو برنامه ده، اینصافعلی هدایت شئیخ محمد خیابانینین فیکیرلرینه اساسن، قئید اتدی کی حیات و حتتا شخصی حیات دا و یا ایجتیماعی یاشامدا اینقیلاب اتمک لازیم دیر آمما اینقیلابی ساده جه "سیاست" بویوت دا و یونده مولاحیظه اتمک، سهو بیر حرکت و آنلاییش دیر بلکه هر اینقیلاب، یاشام طرزینی دئییشمکله باشلانار. هر کیم، ائوز ایچنده و ائوز ائوینده، اینقیلابی باشلامالی و یاشامین دئییمه لی دیر

هر سیاسی بیر حرکت، ائوز یاشام طرزینی جامیعه یه یئرلشدیرمه لی دیر. یانی، یاشام سیوییه سی دئییشمزسه، فیکیر اینقیلابی ائوز وئرمه میش اولور. فیکیر اینقیلابی ائوز وئریب ایسه، یاشام شیوه سی دئییش مه لی دیر. چون هر اینقیلاب یئنی بیر یاشام طرزینی قورماق آماجی ایله ایددیعالی دیر. یوخسا نیه اینقیلاب اتسین؟

  

شئیخ محمد خیابانی بو ضرورته کامیل حالدا آگاه دیر و چالیشیر عاییله ده، ایجتیماعدا و شخصی یاشام دا، باخیش و رفتاری دئییش دیرمه لی دیر و مودئرن بیر اینسان و جامیعه یاراتمالی دیر

بونون اوچون هر جوره لقبلری "منع" ادیر. داها هئش بیر کیمسه ایشی و موقعییتی ایله آدلانمییاجاق دیر! 

عیران آدلانان یئرلرده، هله 100 ایله سونرا بئله، آداملار، آداملیقلاری ایله یوخ، بلکه ایشله ری ایله تانینیرلار. نیه؟ 

چون، ایشلری ایله چوخ پول قازانیرلار و اونلارا اینسانلیقلاری یوخ بلکه پوللاری شخصییت وئریر. یعنی اونلار ایشله رینه شخصییت وئرمیرلر بلکه ایشلری اونلارا شخصییت وئریر. آدام ائوزون دوکتور، مهندیش تانیتدیریر. آمما فقط بیر نئچه ایش بویله دیر. قالانلارینین گلیرلری آز اولدوقو اوچون، اوزلرین ایشلری ایله تانیتماقدا چکینیرلر. ائوزونه اولان اعتیباری ایشندن آلیر. یانی ایش اونون کیملیگیندن داها اونملی دیر 

بوندان گولونج اودور کی بیر آدام آری، آروادی، یا ده ده - نه نه سی نین ایشی ایله تانینیر و اوزون تانیتماغا جهد ادیر

شئیخ محمد خیابانی بونون اوچون تامام ایش لقب لرین دایاندیریر. تامام کیشیلر، ایشنه باخمادان، کیشی گورونمه لی دیر و بونون اوچون ده، "آغا" لقبی ایله هوییتلنمه لی دیرلر. داها شاه، رهبر، حضرت، آیت الله، حجت الایسلام، دوکتور، مهندیس و ... کیمی لقب لر یوخ دور. چون، هامی ایش صاحیبی دیر اما هامی اوزون، ایشله ری ایله تانیتمیرلار. بونون اوچون ده هامی فقط کیشیلیکلری ایله و آداملیقلاری ایله تانینمالی دیرلار. "آغا" اولمالی دیرلار

ایکینجی ایش کی جامیعه ده و عاییله ده دئییشمه لی دیر، فردلرین حیات سئچیملرینه حورمت قویمالیلیق دیر. هر زمان آداملارین ائولرینه قوناق گئتمک اولماز و اینسانلارین خوصوصی یاشاملارین فلج اتمک دوز دئییل. بو اوزگه اولور اولسون، فامئل اولور اولسون، آتا آنا و اقربا اولور اولسون، فرق اتمز. بیز اینسانلارین خوصوصی ایشله رینه بورنوموزو سوخمامالییق و اونلاری کونترول اتمک، دوز دئییل. ایللا بو کی بیز بیر رفتار ادیریک کی قارشی طرفی بیله رک، اوزاقلادیریق و او اوزاقلانماسین دییه، اونلاری کونترول اتمه گه جهد ادیریک. بوردا دا رفتاریمیزی دئییشمه لییک. آداملاری کونترول و باسقی آلتیندا توتمامالییق

ائوزوموزو گونلوک و تاریخی "تعاروفلاردان" آزاد اتمه لی و بیر تعاروفسوز یاشام یاراتمالییق. بیر آزاد یاشاما صاحیب اولمالی و بو آزادلیقی قورومالییق. یوخسا ، ارگر حیاتدا یاشام آزادلیقیمیزی قورویابیلمیریک سه، ایجتیماعی آزادلیقلاریمیزی نئجه قورویابیله ریک؟

بو برنامه ده دها چوخ موضولار آچیلیر و من سیزلری اونلارا دیققت اتمه گه و اونلارین تنقیدینه دعوت ادیرم