آلله، شئیطان و آدام اینقیلابچی، ملکلر ایسه تقلیدچی دیرلر

آلله دونیانین خلقی اوچون 6 گون ایشلیرسه، بیز موسلمان اینسانلاردا ایشله مه لییک

سیپتامبرین 2 و 2016 جوما گونو گوناذ تی وی نین جانلی برنامه سی ینین اوچونجو بولومو "قورآندا اینقیلابلار و اینقیلابچیلارین12" اینیجی بولومو ای دیر. بوردا "هر کس آلله دیر و آللهین روحون داشیر". هر بیر اینسان، آللهین روحون داشیدیقی اوچون، آللها تای اینقیلابچی و خالیق اولمالی و موجود دوروم دان راضی اولمامالی دیر.

او "آنا" یا "زامانا" دک کی آلله خیلقه ته باشلامامیش، هئچ بیر ایش گورمور، آلله نه خالیق دیر و نه ده اینقیلابچی دیر. بیر موحافیضه کار و موجود دورومدان راضی دیر آمما او زامانکی موجود دورومدان راضی اولمور و خیلقه ته باشلیر، بیر اینقیلاب ادیر و یئنی بیر نظم و نیظام بر پا ادیر. بو آندان، آلله بیر اینقیلابچی دیر. بیر آللهین بیر پارچاسی اولاراق، بو حالی روحا مالیکوخ و گره کیر کی آللها تای، موجود دورومدان راضی اولمایئب، حرکه ته فالخاق و اینقیلاب ادیب، دونیامیزی و خالقیمیزی داها یاخجی بیر دوروما آپاراق. یوخسا، بیز، بیر تنبل موجوددان عیبارت اولاریق کی آللهین روحونا خیانت ادیریک.

آلله خیلقتینده، میلیونلار جوره علم و تکنولوژینین قاپیلارین آچمیش و قورآن، مین لر تئوری ایله دولودور کی بیر مومون و موسلمان اونلاری علمی بیر شکیلده، خلق اتمه لی و عالیم و خالیق اولمالی دیر. نیه کی آللهیمیز عالیم و خالیق دیر. عالیم و خالیق اولماق بودور کی بیز هر جور تعصصوبو آتمالی و بیر خالیص و موخلیص علم و تکنولوژی دالیسیجا اولمالییق.

قورآنی کریم بونا گورا دئییل کی بو کیتابی قبیریستانا گوتوروب، اولوله ره اوخویاق. حتتا ثواب قازانماق کیتابیدا دئییل. بیله اولسایدیر، محمد افن دیمیز، کیتابی و قورآنی اولولر اوچون اوخور دور و او قدر چتینلیک لر چکمز دیر. بلکه قورآن دیریلر اوچون گلمیش بیر کیتاب دیر تا اونلارین حیاتلارینا بیر اینقیلابی رنگ قاتسین. اونلاری تنبللیکدان اوزاقلاتسین و حرکه ته گتیرسین.

آلله قورآنی گوندرمئییب کی اینسانلار اونو عیبادت کیتابی بیلسین لر. بلکه قورآنی گونه ریب و اورا مین لر "آیت" دن سوز گتیریب تا اسنیانلاری، فیکیره سالسین و دونیانین و موجودلارین ائوزلرینه مجهول قالان قاپیلاری آچسینلار.

قورآندا 49 ده فه "عقل" سوزون ایشله دیب. بو جومله لرده، اونلار ده فه سوروشور، "نیه عقلیری ایشه توتمورسوز؟"

همن قورآندا 500 دن چوخ ده فه "علم" سوزلری ایشله نیب دیر. و اینسانلاردان سوروشور کی نیه علم دالیسیجان گئتمیرسیز؟

ريالوراندا سگگیز کره "برهان" سوزو گلیب و ایستئییب کی سیز و من "برهان" و منطیقله دونیایا باخاق. تعصصوبو آتاق و یئنی آما برهان اسایندا بیر دونیا یاراداق. چون قورآنی گونده رن آللهف دونیانی منطیق و برهان اساسیندا یاراتمیش دیر. اگر آللهین ایشله ری منطیق سیز و برهان سیز اولسای دیر، اوندا بیزدن ایسته مزدیر کی برهان و منطیقه یوللاناق. اگر آلله وجودو منطق و برهان اسایندا حلق ادیب دیرسه، سیزه و منه بو برهانی دوشونمک و آچاماق گرکیر. بودا علم و تکنولوژی یه صاحیب اولماغا گئده ر.

بیر باشقا طرفدن ایسه، آلله اونلاری کی اینقیلابچی دیرلار و عوصیان اتمک جسارتینه مالیک دیرلر، موجازات اتمیر. بلکه موکافاتلاندیریر.

آدام، آلله روحونو داشیدیقی اوچون و اینقیلابچی اولدوغو اوچون، ملاکه لر ایله فرقیلی دیر. ملائیکه لرین هامیسی "موقللید" دیرلرو اوزلریندن بیر ایراده لری یوخ دور. بیر ماشین کیمی دیرلر. هر نه یازیلیب و امیر وئریلیب، اونو ایجرا و تقلید ادیرلر آمما بوردا ایکی ایستیثنا وار. اکی اینقیلابچب وار کی آللهدان تقلید ضیددینه عوصیان ادیرلر و بو عوصیان اوچون ده جسارت ادیرلر:

بیر اینجی موجود کی قورآن بویورور، آللهین ضیددینه و فرمانینا موخالیف و اینقیلابچی اولور، "ایبلیس" یا "شئیطان" دیر. آلله اونا امر ادیر کی آداما سجده اتسین! قبول اتمیر. موخالیف اولور. عوصیان ادیر. عوصیانا بئله جسارت ادیر. قالان ملائیکه و موجودلار آللها تقلید اولاراق عیبادت ادیرلر.

آلله شئیطانی، همن توتوب حبس اتمیر. همن، موجازات اتمیر. همن، جهننهمه سالیب، آرادان آپارمیر. بلکه سئوینیر. شئیطانی، اوزون و قیامه ته قدر عومورله موکافاتلاندیریر. حتتا ایکینجی بیر ادول و میدال دا وئریر. شئیطانا گوج وئریر تا آدامی تاولاسین. اوچ اونجو ایمکان، بوندان عیبارت دیر کی شئیطانا ایذین و ایجازه وئریر کی آدامی تاولاماق اوچون هر یولا ال قویسون.

شئیطانین ایشی نه اولمالی دیر. عجبا شئیطان چالیشیر، آدام آللها ناماز قیلماسین؟ یوخسا نامازلا هئش موشکولو یوخ دور بلکه ایسته میر آدام آلله کیمی گوجهف علمه، حرکته، خیلقه ته، تکنولوژی یه مالیک اولسون. شئطلان عیبادت ایله موشکولده اولسادی دیر، آدام دان علاوه، ملائیکه لرله موشکولو اولار دیر کی هامیسی موقللی دیرلر آمما موقللیدلرله ایشی یوخ دور بلکه او آداملارلا موشکولو وار کی آلله دیرلار. خالیق دیرلر. عالیم دیر لر و حاهیل دئییرلر.

ایکینجیسی آدام دیر کی آللهین امری و قانونلارین ازیر کئچیر. تقلید، بند و سد لرین سیندیریر. تقلیدین ضیددینه عوصیان ادیرو موجود نظم و نیظامی قبول اتمیر. ملائیکه کیمی یاشاماقدا قاچیر و ایستیر بیر اینقیلابچی اولسون. هر شئیی، هر دورومو، هر فیکیری، هر علمی، هر صنعتی، هر تکنولوژی نی، هر دینی، هر عیبادتی و هر جوره تقلیدی دئییش سین.

آلله آدامی موجارات اتمیر. اونو همن، زیندانا، ایشکنجه یه، اعداما، اودا و یانماقا محکوم اتمیر. بلکه آدامی، "تقلید" و موقللیدلر جننه تیندن و بهشتیندن "تبعید" ادیر. هارا؟ عقیل، تجروبه، علم، حرکت، یارادیجیلیق و دوگونلرین و باغلی قاپیلارین آچیلماقینا زحمت چکمک دیارینا "تبعید" ادیر.

نیه؟

آلله موقرر ادیبر کی اینسان آلله یارادان نظمی و نیظامی تانییب، آچسین و اورگنسین. سورا آلله کمی اولدوقو اوچون، آلله کیمی نظم و نیظام قوروب، قانونلار یاراتسین. یعنی آلله کیمی هر بیر آن بیر اینقیلاب و بیر خیلقت ده اولسون.