قورآندا اینقیلابلار و اینقیلابچیلار- 15 اینجی بولوم

محمد ساوادلی دیر و موسلمانلار، محمد حضرتلری زامانی، اون ایل نامازسیز، اوروجسوز، زکاتسیز، جهادسیز، خومسوسوز و ... عالی موسلمان اولوبلار آمما بیز گون سوادسیز موسلمان اولمئییبلر. ساواد، قورآندا ان باشدا گلن واجیبی عیبادت، نه دن ایسه موسلمانلار آراسیندا ترک اولوب دور؟

اینسانلار، دوشونجه لری اساسیندا یاشارلار و ایناندیقلاریآداملارا بنزه مه گه چالیشارلار. اگر او دوشونجه لری و اینانجلاری، بیر اسگیک آداملار یالان یازمیش و یا یالان تبلیغ اتمیش اولسالار، و خالق او یالانلاری دوغرو بیلسه لر و او یالانلار اسایندا یاشاماغا چالیشسالار، دوغرولارا یوخ، یالانلارا اینانمیش و یالان یوللارا گیرمیش اولارلار

فارثلار تاریخی و پئیغمبری یالان یازیب، یالان گوسته ریبلر. بو دا، او دئمک دیرکی بیز موسلمانلار، ایسلاما و محمد حضرتله رینه یوخ، بلکه فارسلار یالاندان یاراتدیقلاری یالانچی ایسلام و یالانچی محمده اینانمیشیق. یعنی بیزلری، دوغرو دینه و دوغرو آداما ایناندیمایئبلار

من، ایللر بویو دور، فیکیر ادیردیم کی نیه ایسلامین اوول 300 ایللرینده، موسلمانلار علم و تکنولوژیلر اونده گئدیردی فیکیر و دین آزادلیقی واری دی؟

 و هر جهتده ایرلی گئدیردیرلر. 

 ...

آمما سونرا موسلمانلارین باشلارینا نه لر گلدی کی دونیانین ان دالی و گئری قالمیش میللت لرینه دونوشدولر؟

بو گئری قالمانین سبب لری نه لر دیر؟

دین و ایسلام گئری قالمانین سببی دیرمی؟ 

یوخسا محمد حضرتلری می؟ 

یوخسا بیزیم باخیشیمیز؟

 یوخسا بیزه تانیتیلمیش دین و محمد باشقا دین و باشقا محمد دیر؟

یوخسا، بیزی 1437 قمری ایل اوولکی محمدی و ایسلام دینی نین یئرینه، باشقا بیر دین و محمد تانیدیبلار؟ 

بو همان آدام و همن دین دئییل کی هم راشیدین خلیفه لری زامانی، هم اوموی خلیفه لیک دوورانی و هم ده عابباسی لر خلیفه لیگی عصیرلرینده جامعه نی، موسلمانلاری، علمی، سیاستی، آزادلیقی، تکنولوژی نی و ... ایرلی سورور دور

نه اولدو دا همن آپاریچی قووه و گوج، نه کی قاباغا آپارا بیلمه دی، گئری ساخلاماغا باشلادی؟

بو سورو، مین لر آدامین باشینا گلیب. آمما هامی میز دینی و محمدی موقصصیر توتموشوخ. نیه کی بو گئری قالمامیزی محمدده و ایسلامدا آختارمیشیق آمما ائوزوموزدن سورمامیشیق کی اگر بو گئریه ساخلایان قووه، ایسلامدیرسا، نیه 300 اوول اینجی ایللرده، طرققیه و تجددوده چکیب آپاریب آمما سونرالار، گئریجی اولوب؟

من بونو آختاردیم و بیر ده فه ده اولاراق اولسون دییه، دینه، فارث و یالانچی موللالار گوزی ایله باخمادیم. هر نه تاریخده یازیب، یایبلار، بوراخدیم و قورآنین اوزونه باخدیم. گوروم بو قوران نه دئییر؟

هامی بیلیر و قبول ادیر کی ایره لیله مه نین موتورو، بیلیم و علیم دیر. بیلیم و علیم، تجروبه و ساواددان آسیلیدیر. اگر بیر دین و او دینین اونده ری، تجروبه و علیم  و ساواد ایله موخالیف اولورسا، او خالقلار و میللت لر گئری قالارلار. اگر او دینین رسولو ساوادسیز و گئری قالمیش بیر شخص ایسه، و خالق اونو اوزونه اولگو و تقلید منبعی بیلیر ایسه، ساوادسیز و علیم سیز و تجروبه دن قاچان اینسانلار اولارلار تا لیدرلرینه بنزه سینلر

گوراخ ایسلام و محمد بویله گئری قالمیش، علیم و تجروبه ایله موخالیف بیریسی می دیر؟ 

یوخسا بیزه ترسه تبلیغ اولوب دور؟

من، داها حدیث له ره، تاریخه و هابئله سوننه ته اینانمیرام یا دوغروسو بو اولار کی دئییم: تاریخین، حدیث لرین، سوننه تین بیر چوخونا اینانمیرام

نیه؟

هامی قبول ادیرلر کی بو اوچ اونملی قایناقلارا، مین لر یالانچی حیکایه لر سوخوشدوروبلار. یالانلار ایله دوغرولاری آیئرت اتمک چوخ چوخ چتین دیر و من بونو باجارمیرام و واختیمی دا بونلاری آیئرت اتمه گه صرف اتمیرم

منیم اوچون، آللهین قورآنی ان اونملی و ده ییرلی قایناق دیر. اومود ادیرم کی یالانچیلار، تاریخ بویو، ائوز یالانلارین آلله و محمد آدینا قورانا زورلاشدیرمامیش اولسون لار. بونا اسالاناراق، قروآنا باخیرام

قورانانین بیر اینجی آیتی محمد افدنیمیزی "اقراء باسم ربک الذی خلق" دییه، خیطاب ادیر. محمد افدیمیزدن "اوخو" امری ایله ایستیر، بیر شئیی اوخوسون. اوخومالی نه دیرسه، باشقا مسئله دیر. "اوخو" امری اوردان گلیر کی آلله و جرائیل محمدین ساوادلی اولماسیندان آگاه و خبردار دیرلار. یوخسا محمده نیه "اوخو" امری وئرسین لر؟

آلله و محمد و قورآن، یالانچی دئییرلر. یوخسا آلله جاهیل و آحماق بیر موجود گورونر و من بیر جاهیل آللها نه دن اینانیم؟ او قدر جاهیل کی بیلمیر محمدین ساوادی یوخ دور

  عجبا، "اوخو" سوزو قورآندا بیر کره گلمیش و یانلیش اولموش؟ (کی بیر کره یانلیش  قورآندا اولورسا، قورآن ائوز ائوزونه باطیل اولار. بیر کلمه باطیل و یالان اولورسا، نیه قالانلاری دوغرو اولسون). 

بوندان دولایی قورآنا باخدیم. قوراندا "اوخو" یا "اقرء" سوزو دورد کره تیکرار اولور.

بیز بونادا اینانمالییق کی آللهین بیر اینجی هدفی ائوز رسولو و ایکینجی هدفی ایسه خالق دیر. یعنی، هر آیتین بیر اینجی آماجی محمدین ائوزو دور. ایکینجی آماجی ایسه خالق دیر

من قورانا باخدیم گوروم، بو کیتاب، "کیتابلا" موخالیف دیرمی یوخسا "کیتابلا" موافیق دیر؟

قورآندا، قورآنین ائوزو بیر کیتاب اولاراق قئید الوب دور. قورآندان علاوه، "انجیل"، "تورات"، "زبور"، "صحف ابراهیم" و "صحف موسی" دا کیتابلار (5 کیتابلار) اولاراق، قبول اولموشلار. همده موقددس کیتابلار اولاراق قبول گورونموش دور. یعنی، احتیمال وار دیر کی او زاماندا باشقا کیتابلاردا واریمیش کی قورآن کیتابی اونلاری موقددس اولاراق قلمه آلمامیش دیر.

کیتاب دئمک، یازماق و ساوادلاشماق دئمک دیر. یازماق و ساوادلی اولماق اوچون، آلتلر و ملزه مه لر لازیم دیرلر؟ قورآندا بو ملزه مه لر حاقدا بیر سوزو وارمی دیر؟

قورآندا ایکی (2) کره "قلم" سوزو قئید اولموش. بو قئیید چوخ اونملی دیر. آلله و محمد ائوز کیتابیندا "قلم" سوزونه او قدر اونم وئریر کی اونا (قلمه) "یمین" (آند ایچیر) ادیر. 

بیز اینسانلار، حیاتیمیزدا اولان و یا ایناندیقیمیز ان اونملی بیر ذاتا آند ایچریک. آلله و محمد ایسه، قلمین قیمیتین بیله رک، قلمه یمین ادیرلر. "نون و  القلم و ما یسطرون" قلم دن علاوه، حتتا محمد و اونون آللهی، قلم یازان "سطیرله ره" ده آند ایچیر

بورادان بللی اولور کی محمد و عربلر، کیتاب، قلم، سطیر و یازی پوزو سوزله ری و ایشله ری ایله تانیشیمیش لار. اونون اوچونده، بو سوزلری اشیدرکن، یادیرقامیرلار. سورقو سووال سورمولار کی قلم نه دیر؟ کیتاب نه دیر؟ سطیر نه دیر؟ نیه محمد و آللهی من تانیمادیغیم بیر شئیله ره یمین ادیرلر؟

قورآندا بیر جومله ده ده "قرطاس" سوزو وار. قیرطاس، عربجه ده "کاغاذ" دئمک دیر. بس عربلر هم ده او دورو زامانادا، کاغاذلادا تانیشیقلارمیش.

قورآندا دورد جومله ده ده "لوح" یا "الواح" سوزلری وار. لوح یا الواح، او یازیلارا ایشارت ادیر کی داش اوسته، یا بیشمیش کرپیج یا تاختا و آغاج اوسته قازیلمیش و یادا یازیلمیش اولار. 

باشقا بیر طرفدن ایسه، قورآندا 374 کره "کتاب"، "کتابهم"، "کتابیه"، و"..." کیمی سوزلر گلمیش. بو تیکرار و اودا 374 کره تیکرار، کیتابین و ساوادین، یازمانین، و اوخومانین اونمینین چوخ چوخ اولماسینا دایر بیر فیکیر داشیر.

قورآن بو قدر تیکراری کافی گورمور تا ان باشدا محمدی و سونرادا موسلمانلاری سواوادا، یازییا و کیتاب یازماغا دعوت اتسین بلکه کیتاب سوزوندن آیریلان: یاز، یازین، یازدی، یازدیلار، یازاجاقلار، یازدیقلاری و ... کیمی سوزلریده یئتمیش (70) دن علاوه اولاراق قلمه گتیریر.

اصلینده، قورآن بو قدر تیکرارلاماقلا، الله و محمد، علمین، یازینین، یازماقین، اوخوماقین، واجیب اولماسین اوزه چکیر. 

یعنی، سوادلانماق، یازماق و کیتاب شکلینه گتیرمک، "اوخوماقدان" یوزلر کره اونملی دیر. چون قوراندا دورد کره "اوخو" سوزلری وار آمما یازما سوزو دورد یوز اوتوز دورد کره (434) تیکرارلانیب دیر.

ایندی، محمد ائوزو بو قدر سیفاریشین بیر اینجی موخاطبی اولاراق، آللهینین فرمانینا اینانماز و ساوادسیز قالابیلرمی؟

بونلارا آساسن، من اینانیرام کی آللهین رسولو؛ محمد، هم یازماق و هم ده اوخوماق و هم ده کیتابلاماق صیفتینه مالیکیمیش. 

یعنی اولماز، آلله صلاتا امر اده و محمد قیلمایا

 اولماز، آلله اوروجا امر اتسین و محمد اوروج توتماسین! 

اولماز محمد جهادا دستور آلسین آمما جهاد اتمسین 

اولماز محمد بیر فردی یا جمعی عیباده ته امر اولسون اما ایطاعت اتمه سین و بویورسون، بو عیبادت، منیم اوچون دئییل. بلکه عادی، آشاغالیق موسلمانلار اوچون دور. 

بوندان دولایی، محمدین ساوادی، یازماسی و اوخوماسی اولمالی دیر.

ایسلام تاریخی نین اوول کی 300 ایلینده کی علمین اینکیشافی دا بونا شاهید دیر. موسلمانلار اگر بیلسئیدیرلر و اینانسایدیرلار کی محمد ساوادسیز و کیتابلا موخالیف بیر کیمسه دیر، موطلقا کیتابلا، ساوادلا موخالیفت ادردیرلر و بو آیت لری قورآندان سیلمه گه بئله جهد ادردیرلر. چون بو آیت لر ساوادسیزلیق سوننه تی ایله موخالیف گورونور دورلر.

من اینانیرام کی شعوبیه و فارثلار بو بویوک گوناهی ادیب و "ساوادسیزلیقی" محمده حضرتلرینه یاپیشدیریبلار تا خالق اونو اوسوه و اولگو توتاراق، ساوادلا موخالیف اولوب، اوخوماق و یازماقدا قاچسینلار و بیله لیک له ده، ایره لیله مک یئرینه، گئریله سینلر.

منجه، پئیغمبرین ساوادسیز گوسترمه سینه، بو شعوبیه کیمی قوروپلار طرفیندن، داها بیر دلیل وار.

اونلار بو دلیلله، بیز موسلمانلاری، اصیل عیبادت دن: یازماق و اوخوماقدان اوزاقلاشدیریبلار. اونلار فیکیر ادیبلر، گلین محمدی ساوادسیز دییک تا محمدی، "یهودلاردان، و مسیحی لردن گوتوروب" ایتتتیهاملاریندان آریدالیم. بوندان دولایی "امی" سوزونون آرخاسیندا گیزلنیب لر.

 بو  سبب، دوغرو اولابیلمز. چون، قورآن او موقددس کیتابلاری سادیلاماقلا و اونلارا اوستون و موقددس یئر وئرمکله، محمدین اونلاردان خبردار اولماسین تصدیق ادیر. اگر (من، او کیتابلاردا تحریف اولما سوزون قورآندا تحقیق اتمه دیگیم اوچون، حتم ایله ایددیعا اده بیلمیرم) اونلاردا تحریفین اولماسینا، قوراندا ایشارت وارسا، بودا بیر سبب دیر کی محمد او کیتابلارین جور به جور میتن لری ایله تانی ایمیش. اونلاری دیققتلی اوخودوقو اوچون، اونلاردا تحریفین اولوب اولماماسیندان خبرداریمیش. یوخسا ساوادلی آداملار، هاردان بیلرلر کی تحریف اولوب یا یوخ؟ ایللاکی تامام متین لری اوخوموش و اونلاری بیر بیرلری ایله توتوشدورموش اولموش اولا. 

بیر باشقا طرفدن ایسه، یهودی و مسیحی عالیم لر، تحریف اولان حیسسه لردن خبردار اولسالار بئله، کیمسه له ره دئمه مه لیدیرلر. لیذا، قوراندا همن بئش موقددس کیتابلارین تحریفینه ایشارت اولموش اولورسا، اوندا بو تانیشلیق، محمده بو ایمکانی وئریرمیش تا اونلارین تحریف اولوب، اولماماسی حاقدا سوزلر بویورسون.

بو برهانلاردان دولایی، محمده و آللها اینان هر بیر خانیم و ارکک موسلمانا، یازماق و اوخوماق، نامازدان داها واجیب دیر. 

چون "کتاب" سوزو، "یازماقا" ایشارت دیر و بودا، علمین ان یوکیک سوییه سی دیر.

بو، ان بویوک تحریف دیر کی ایسلامدا و موسلمانلار آراسیندا اوز وئریب. 

بوردان سونوج، بو چیخار کی بیز تانیدیقیمیز و یولون توتوب، گئری گئریه گئتدیگیمیز قورآن و محمد، همن قوران و محمد دئییل کی اولمالی دیر. 

بیز آینادیقیمیز محمد، شعوبیه نین گئری قالمیش آللهی نین گئری قالمیشلیق رسولو دور آمما "لا اله ال آلله" دئدیگیمیز آلله گوندرمیش و ایسلامی گتیرمیش محمد، اوخو، یاز، کیتاب و قلم و سطیر لری موقددس ادن بیر شخص دیر کی یالانلار پرده سین ده، اونوتولموش کیمسه دیر.

 بیز موسلمانلارا ساوادلی محمدی و اونون آللهین یئنی دن تانیماق، لازیم لرین لازیمی و واجیب لرین، ان واجیبی دیر.

بیلیریک کی ایسلامین اووللرینده اروج، صلاه، زکاه، خومس، جهاد و ... کیمی واجیب عیبادت لر(فردی اولسون یا جمعی) بیر اوزون ایللر یوخوموش و موسلمانلار اوجور عیبادتلردن آزادیمیش لار.

آمما ان بیر اینجی آیت؛ "اوخو" امری و "کیتاب" سوزلری، ساوادلانماق و ساوادلاندیرماق، صلاه دان، حجج دن، اروجدان، جهاددان، خومسدان، و ... ایرلیمیش و داها چوخ واجیبیمیش. 

سورو بو دور: ان اونملی عیبادت: یازماق، اوخوماق و ساوادلانماق، نه دن ترک اولونوب دور؟

داها چوخ سوزلر اوچون گوناذ تی وی نین یوتویوبونا اوسته کی لینک ایله گئده بیلرسینیز!