شهید شیخ محمد خیابانی نین عملی سیاستلری نین 25 اینجی بولومون، جوما گونو "سپتامبر"ین ایکی سینده، 2016 جانلی اولاراق گوناذ تی وی دن تقدیم اتدیم.
بو برنامه ده عرض ایله دیم: شیخ بویورور، موجود دورومو و وضعییتی نقد اتمک لازیم دیر و موجود وضعییتی دوشونمک و اونا داها یاخجی بیر حالا گتیرمک اوچون حرکت لازیم دیر.
بو نقدین سایه سینده دیرکی تامام اینسانلاریمیز آزادلیق ایستمک و ایستیقلالچی اولماق روحونا سیلاحلانارلار. او زاماندیر کی تاریخی وطن پرور و میللت یئور قهرمانلار و شهیدلریمیزین فداکارلیقلاری نتیجه سیز قالماز.
شهید شیخیمیزین اعتیقادینا گورا، قورخو، و تبللیق هر جرکتین آفاتی دیر و گره کیر اینسانلارین جسارتی اولسون، جسارتسیز اینسانلار، الدن وئرمه گه . اولومه محکوم دورلار. جسارت دیر کی بیر جامعه نی، چتین گئچیک لردن، گئچیریب، سعادته و ایستیقلالا آپارار. او چتینلیک لردن بیریسی، وطن و میللتین آزادلیقی یولوندا اولمه گه و اولدورمه گه حاضیر اولماق و وطن ائولادلارین، بو حال و روحییه ایله یئتیشدیرمک دیر!
No comments:
Post a Comment