قورآندا اینقیلابلار و اینقیلابچیلار-ین 13اونجو بولومونده آللهین بیر اینقیلابچی اولماسینا گورا دانیشدیم و دئدیم کی آللهین اینقیلابچیلیقی هر گون، هر ساهات و ثانیه دوام ادیر. نیه کی آلله اگرسه بیر ثانیه اینقیلابچیلیقدان و ایختراع دان و خیلقت دن ال چکیرسه، آلله لیقینین اصلی شرطین ایتیرر. بونون اوچون دور کی آللهین اوزو بیر اینقیلابچی دیر و اینقیلابچینی دا سئویر
منه گورا، آلله آدامی خلق ادنده، اونو بیر اینقیلابچی یاراتماق آماج ایله، ائوز اینقیلابی روحوندان آداما وئردی تا آدامدا آللهین بیر پارچاسی کیمی خلق و اینقیلاب گوجونه مالیک اولسون و داییمن یئنیلیک لر اوچون جهد اتسین و دایانماسین
منجه، آللهین اینقیلابلاریندان خلق اولانلار ایکی بولومده دیرلر. او مخلوقلار کی اینقیلاب گوجونه مالیک دئییرلر و "عوبباد" و " زوههاد" یادا "موقللید" دیرلر. مثلن، ملکلرده اینقیلاب و خلق گوجو یوخ دور. ایددیعا اتمک اولار کی ملکلر نیه ملک دیرلر؟ چون ایراده سیز، گوج سوز، تسلیم، موقللید و اینقیلابدان اوزاق دوران موجودلاردیرلار. بیر نوعیله، موحافیظه کارلیقا موبطلادیرلار. دورمو قبوللانیبلار و راضی دیرلر
آلله اونلاردان نه ایستیرسه، شک سیز، شوبهه سیز، عاقیلسیزجا و دوشونمه دن، ایطاعت و موقللید اولاراق یاپیرلار
ملکلرین ایچینده بیریسی وار کی مولا علی بویوردوقونا اساسن 6000 ایل آللهین ان یاخین ملکلریندن اولان "ابلیس" یا "شئیطان" دیر. او بیر قدر ائوز کیملیگینه آگاه و عالیم دیر
او زامان کی آلله تامام ملک له ره امر ادیر تا آدمه سجده اتسین لر، ملکلرین هامیسی آللهین دیگر امیرلرینه تای، بو امرینه ده موقللید اولاراق ایطاعت ادیرلر و باش اگیرلر آمما شئیطان بیردن عاغلین ایشه سالیر و ائوزو ایله آدام آراسیندا اولان فرقیله ری دوشونور و گورور کی اونلار ماهییت اولاراق فرقیلی موجود دورلار. ائوز ائوزوندن سوروشور، من اوددان خالق اولموشام و گویه طرف گئدیرم آمما آدام توپراقدان خلق اولوب و آشاغا طرف گئدیر. نیه من کی اوددانام، توپراقدان اولان بیر موجودا سجده ادیم، دئییر و آللهین امرینه عوصیان و اینقیلاب ادیر
او زامان کی آلله تامام ملک له ره امر ادیر تا آدمه سجده اتسین لر، ملکلرین هامیسی آللهین دیگر امیرلرینه تای، بو امرینه ده موقللید اولاراق ایطاعت ادیرلر و باش اگیرلر آمما شئیطان بیردن عاغلین ایشه سالیر و ائوزو ایله آدام آراسیندا اولان فرقیله ری دوشونور و گورور کی اونلار ماهییت اولاراق فرقیلی موجود دورلار. ائوز ائوزوندن سوروشور، من اوددان خالق اولموشام و گویه طرف گئدیرم آمما آدام توپراقدان خلق اولوب و آشاغا طرف گئدیر. نیه من کی اوددانام، توپراقدان اولان بیر موجودا سجده ادیم، دئییر و آللهین امرینه عوصیان و اینقیلاب ادیر
آلله بونو بیلمه لی دیر کی شئیطان آدمه سجده اتمیه جک دیر آمما بوتون ملک لرین قارشئسیندا سوروشور: نیه قالان ملکلر کیمی منیم امریمه باش اگیب، آدمه سجده اتمه دین؟
شئیطان بارماقین قویور "کیملیک" موضوسونا و دئییر: من، آداملا کیملیگیمده فرقیلی یم. من اوددانام، آدام توپراق دان. من نیه آدام سجده ادیم؟
بو اعتیراض و مین لر ایل شکسیز و شوبهه سیز عیبادت و ایطاعت دن سونرا کی عوصیان، آللهین خوشونا گلیر. اونو میلیونلارجا موقللیدلر ایچینده قویون کیمی ساخلاماقا محکوم اتمیر. اولدورمور، جهننه مه سالمیر، ایشکنجه اتمیر، بلکه اونو آزاد ادیر. نیه؟ چون آللها بنظر بیر عوصیان و اینقیلابچیلیق اورتایا قویور. چون عاقلی ایشلتمک سوییه سینه گلمیش و آللهین قارشیسیندا دورماق گوج و جسارتین تاپمیش و ائوز گیملیگینه آگاه اولموش و مالیک چیخمیش بیر موجود دور
بو دوشونجه لی موجود، آرتیق قانمازلارلا برابر قالمامالی دیر. او جاهیل ملک لرله قالیرسا، ان بویوک موجازاتی چکمیش اولور. آمما آلله عادیل و مهربان اولدوقو اوچون، اونو بوجور بیر ایشکنجه یه معروض قویمور. آزاد دیر و اولومسوزلشدیریر. شئیطانا گوج وئریر تا ائوز کیملیگی یولوندا و دوشمن تانیدیقی آدام کیملیگی ایله ساواشا و موقابیلیه گیرسین
بو دوشونجه لی موجود، آرتیق قانمازلارلا برابر قالمامالی دیر. او جاهیل ملک لرله قالیرسا، ان بویوک موجازاتی چکمیش اولور. آمما آلله عادیل و مهربان اولدوقو اوچون، اونو بوجور بیر ایشکنجه یه معروض قویمور. آزاد دیر و اولومسوزلشدیریر. شئیطانا گوج وئریر تا ائوز کیملیگی یولوندا و دوشمن تانیدیقی آدام کیملیگی ایله ساواشا و موقابیلیه گیرسین
منجه الله بیر اینجی خود آگاه و کیملیگینه عالیم اولان موجود دور و بونو دفعه لرجه قورآن دا فریاد ادیر. کیملیگیندن خبردار اولان ایکینجی عالیم ایسه شئیطان دیر. منجه آدام لا شئیطانین تاریخی و داییمی ساواشئ کیملیکلرینه عالیم اولماقدان قالخیر
هر کیمسه، ائوز کیملیگینه آگاه اولورسا، اوئوزنه حاقلار و حوقوقلار تانیر و ائوزون باشقالاری ایله فرقلن دیرر و بو فرقی لر اساسینا، داییما حرکت ده اولار. آلله بیز آداملاری ائوز کیملیگیمیزه آگاه خلق ادیب و بیزدن اینتیظاری وار بو آگاهلیقدان دولایی، ائوز کیملیگیمیزی، دوشمنلریمیز قارشیسیندا قورویاق
بو بحثی گوناذ تی وی نین سیته سینده، فیس بوکوندا یا دا یوتویوبوندا ایزلییه بیلرسیز. یوخسا اوسته کی لینکده سیزی همن یئره گوتورر
فیکیرلریزله منه یاردیمجی اولون
https://youtu.be/4JOiiFFr6OE
No comments:
Post a Comment