آزربایجان میللی فعاللار اوچون ژورنالیسم 15 الف- تئوری- آرمانشهرلرین رهبرلری

آزربایجان میللی فعاللار اوچون ژورنالیسم 15

الف- تئوری- آرمانشهرلرین رهبرلری

بو درسده، اسکd دوره لردن بو گونه دک آرزولار شهرلری قوراق و اونلارا دوغرو یوروین اینسانلارین بیر نئچه سین سئرالایئب، اونلارئن ایجتیماعلاردا یئرلری حاقدا دانیشیرام. افلاطون، ارسطو، سیاسی رهبرلر میللی قهرمانلار، تاریخده آد صاحیبلریندن توتموش، دین یارادانلار و رسوللاردان تا مارکس و موعاصیر کومونیست اولکه لرین لیدرلری و اونلارئن آرزو شهرلری حاقدا قئسسادا اولسا، دانئشدیم. (موسی، محمد، و دیگر دین لر، مائو-چینده، هوشی مینه-وییتنامدا، فیدل کاسترو-کوبادا، مارکس و ...)

قصدیم بودور کی اینسانلار، خیال قووه لریندن آگاه اولوب، جسارت ایله خیال قووه لرین ایشه توتوب، میللت، وطن، خالق، دیلداش، وطنداش، دینداشلاری اوچون، ذهنینده ده اولموش اولسا بئله، بیر آرزولار شهری یاراتسین و او شهرلرده یئنی و جسور قانونلار یازماغی ایمتحان اتسین.

تاسسوف ایله، بیزلرین بیر چوخو، قورخویا قاپئلمئشیخ و هئش بیر خییالا بئله جسارت اتمیروخ. سونوندا، بو زیندانلاری سئندیرئب، خیال مملکتلرینه سفر ادیب و آرزو قورماغی و سونرادا بو آرزولاری خالقئمئزا یازمالییق.

طبیعی دیر کی بیز خیاللارئمئزدا چوخلو سهولر و خطالاردا اده جاییق. بو سهولردن و خطالارئن اوز وئرمه سندن قورخماماللئییق. بلکه گرک کی اینسانلارئن راحات یئریمه سی اوچون، بیر چوخ خییاللاری گوجلو اینسانلار، اونده گئدیب، یول و چئغئر آچسینلار تا یولون یورومه سی، یولچولار اوچون داها راحات اولسون.

بیز و یازارلار، خطالاردان قورخساق، خیال قورانمارئق و اگرده خیال قورساق، اونو اینسانلارا تقدیم اتمکدن چکینروخ. بو خطا دیر و خطالارئن ان بویوگو دور.

بیز گرک، هم آرزولار یاراداق و هم بو آرزئلارئمئزی اینسانلار ایله پایلاشاق تا اونلاردا آرزو قوروب، بیزیم آرزولارئمئزی تکمیل اتسین لر.

بو حاقدا تاریخده ده یئرلهری اولان آدلی سانلی اینسانلاردان بیر نئچه سین آد آپارئرام و اونلادن اینسان حیاتئندا اولان یئرین و اونلارئن تکامولون گوسته مه گه جهد ادیرم.

ویدئونو گورمه نیزی خاهیش ادیرم.

لوطفن فیکیرلریزی منیم له پایلاشین!

انصافعلی هدایت

تورنتو - کانادا

اون اوچ فوریه 2018

hedayat222@yahoo.com