دوشونجه لر مئیدانئنئن دورداینجی سایئ
آپاریجی: انصاف علی هدایت
چیخیشچی: دوکتور ضیاء صدرالاشرافی
گوناز تی وی
بیست و یکم بهمن ۱۳۹۶
Düşüncələr Meydanı: İranda "Pan" və "Panizm" Nədir?
Aparıcı: İnsafəli Hidayət
Qonaq: Dr. Zia Sədrüləşrafi
GünazTV
Feb.09.2018
اگر "پان" میللت، وطن، وطنداش، قانداش، دیلداش و دینداشلارا سئوگی و عشق دیر ایسه، محکوم اتمه لی بیر دوشونجه و زیندانا سالئنمالی بیر عمل دئییل آمما ایران آدلانان ائولکه ده، تورکلر، عربلر، بلوچلار، تورکمن لر، و ... بو سئوگییه گورا توتولوب، حبسه آتئلئرلار.
نیه؟
موضوع نه دیر؟
"پان" نه دئمک دیر؟
کیم "پان" دیر؟
بیر پانی نئجه تانئماق اولار؟
ایراندا، پان کیم یا کیملر دیر؟
ایراندا، فارس آدلی بیر "میللت" وارمی دیر؟ یوخ مو دور؟
دوکتور ضیاء صدرالاشرافی جنابلاری، "دوشونجه مئیدانلارئ"نئن قوناغی دیر. پان ندیر؟ سوروسونون جاوابئندا، صدرالاشرافی جنابلاری، "پانئ" بیر خسته لیک کیمی گورور کی چوخ دا تهلوکه لی و "ناسیونالیسمه" تای دیر.
دوکتورون فیکرینه اساسن،"پان"ئن ایکی عومومی و کوللی خیصلتی وار: 1. خاریجی توسعه طلبلیک و باشقالارئن توپراقلارئنا گوز تیکمک 2. ایچه ریده، دیل و قان خالیص لیگی.
آلمانلی "ایکینجی ویلهلم"، "پان ژئرمنیسمی" و روسلو "ایکینجی نیکولای"دا "پان ایسلاویسمی" همن بو این خاصییته دایاناراق یاراتدئلار.
سئیید جمال الدین اسدآبادی ده "پان ایسلامیسمی" تبلیغ ادیردی و بو اساسدادا قاجارلی ناصیرالدین شاهئن ترورونا سبب اولدو تا بلکه قاجار ممالیکی محروسه سی عوثمانلیلا بیرله شه.
خومئینی ده "پان شیعه"لیگین رهبری دیر. همن دئوراندا، "پان تورکیسم"ده اینکیشاف اتدی آمما آتاتورکون حرکتی، پان تورکیسمه سون قویدو.
ریضاشاه دا 1924 ده تورک جومهورییه تینه سفر ادیب و مملکته قایئداندان سونرا، "پانفارسیسم" و "پان ایرانیسمی" بینالادی.
پانفارس نه دیر؟ نه جور فیکیر ادیر؟ نه ایستیر؟
دوکتور ضیاء-نئن جاوابی بئله دیر: پانفارسئن ایستگی، فارسلاری بیرلشدیرمک دیر. بعضی جمعییت لرین آدیندا "پان" سوزو اولار آمما بیر چوخ حیزب و جمعییت عینی حالداکی پان اولارلار، لاکئن ادلارئندا "پان" سوزو اولماز. بونلان بئیله، اونلارئن فیکیرلری و دوشونجه لری و داورانئشلاری "پان" دیر.
هانگئ ایستانداردلار ایله بیر حیزبین یا بیر آدامئن "پان" اولوب، اولماماسئن تانئرئق؟
دوشونجه لر مئیدانی نئن قوناغی بویورور: پانئن الینده، بیر نئچه شئی اولور ایسه، او پان دیر آمما اونلار اولماز ایسه، پان دئییل بلکه آزادلئق، برابرلیک، دموکراسی و حوقوق مودافیعه چی سی دیر.
دوکتورون فیکرینجه؛ پانئن الینده دوولت (ایجرائییه قووه سی)، عدلییه (محکمه قووه سی)، موقننه نه (قانون یازان قووه)، سیلاحلئ قووه لر و زیندانلار، گئنیش و عومومی میدیا اورگانلاری و تشکیلاتلارئنئن اینحیصاری و هابئله تعلیم و تربیت سیستیمی او پانئن ایختییارئندا اولورسا و او ائوز ایستهدیگین، دوشونجه سین ائوزوندن غئیریلره زورلا تحمیل ادیرسه،او بیر پان دیر
دوقتور ضیائ نئن فرماییشینه اساسن، هر بیر پان سیستیمده، ایکی روانی و روحی خیصلت ده اولمالی دئر: 1. ائوزون چوخ سئور و باشقالاردان درین نیفرتی اولار 2. اوتانماز و وقیح دیر و هر یالانئ دئییب و همن یالانلارئن ایثباتئندا چالئشار و ائوزوندن باشقالارئن حاقلارئن و وارلئقلارئن اینکار ادر.
او، فرانسه نئن گئچکیش باشباکانئنئن سوزلرینه ایشارت ادیب، دئییر؛ "پاترییوتیزم"، وطن پرستلیک و طبیعی دیر آمما "ناسیونالیزم" ایفراطی وطنپرستلیکدن عیبارت دیر کی ائوزگه لره حیات حاققئ تانئماز ایللا اونون سولطه و کولگه سینده!
ایراندا "فارس" آدلئ بیر میللت وارمئ دیر؟ یوخ مودور؟ سوروسونا جاواب قئسسا دیر: هر بیر پان و حاکیم قووه، ائوزون و کیملیگین تعریف اتمز تا هامئنئ ائوز ایچینه آلسئن. بودا پانئن سیاسی علامتلریندن بیری دیر.
پانیسم ایراندا جینایت ادیب دیر می؟
بونا تای سورولارئن جاوابلارئن، و داها باشقا درین بحثی لری بو ویدئودا تاپئب و بیزیم دوشونجه لریمیزی تنقید اده بیلرسیز.
انصافعلی هدایت
تورنتو - کانادا
اون(10) فوریه 2018
hedayat222@yahoo.com
No comments:
Post a Comment