آزربایجان میللی فعاللار اوچون ژورنالیسم 16 ب- عملی ژورنالیسم - خبریازاق ...

آزربایجان میللی فعاللار اوچون ژورنالیسم 16

ب- عملی ژورنالیسم - خبریازاق - اوچ خبر



بو عملی درسده، اوچ خبرین اوستونده چالئشماغا جهد اتدیم. بیر اینجی خبری "گوناز تی وی"دن، ایکینجی خبری "یول پرس"دن و اوچونجو خبریسه "دورنا نیوز"دان سئچمیشم. 

برنامه اوزون اولدوغو اوچون، تورکجه خبرین اوستونده آز ایشله دیم آمما گلن درسدن، ایکی خبری، عملی درسده ایشلهمهگه جهد آپاراجاغام تا تورکجه ده خبری یازماغا، داها چوخ واخت قالسین.

بیر اینجی خبر "گوناذ تی وی"دن دیر کی بو لینکی دن گوتوره بیلرسیز:

https://www.gunaz.tv/…/%D9%85%D9%82%D8%A7%DB%8C-%D9%87-%D8%…

خبرین تیتری چوخ علمی شکیلده سئچیلیب و یازئلئب: "مقایسه بحران دو دریاچه اورمیه و قم؛ کوچ آذربایجان!"

تیتریده حرکت، تضاد و آزربایجان میللی منافعی، گوزه چارپئر آمما لید و باشقا پاراقئرافلاردا، خبر، تیتره اویغون داوام اتمیر، بلکه ایران و فارس میدیاسئندان آلئندئغئ اوچون، اونلارئن خبر یازما یونته مین داشئر. 

فارسلارئن خبرلری چوخ "آگهی" یا "رئکلام" اوزرینده قورولوب. اونلارئن خبرلری، مودورلری و آداملارئ، خبرین ایچینده، خبرین ائوزوندن چوخ رئکلام ادیرلر. 

بیز هر نه یی کی خبرین ان اونملی سوزلریندن فاضلادیر، آتمالئیئق و خالیص خبره دوغرو حرکته گیرمه لییک!

ایکینجی خبری "یول پرس"دن آلمئشام کی

http://yolpress.ir/?p=57772

لینکیده گورونور و "نرخ بیکاری هشترود بیش از ۲۴ درصد است" باشلئغئن داشئر. بو خبرده ده، فرماندارئن رئکلام اولماسئ حاقدا دانئشئرام و سونرادا، " %" و " /" ایشارتلرینین یازیلماسی حاقدا آچئقلاما گتیریرم.

اوچونجو خبر "دورنانیوز"دان و بو لینک ده دیر:

http://durnanews.ir/?p=35605

تیتری ایسه "اندیرگان قیزیل معدن‌ایله ایلگیلی بو گون لر تهلیکه لی خبرلر ائشیدیلیر" بئله یازئلمئش، آمما بو تیترین، ادبی و خبر یونتملی یازئلئشئندا و هابئله، "تیتر" قایدالارئندا اولماماسئ حاقدا چوخ سوز وار.

سونرا بیر اینجی (لید یا باشلانقئج) بولومو اوخور و خبر یازماقلا، ادبی تورکجه یازماق جهدینه قالخئرام.

لوطفن ویدیویا باخئن و منی کسرلی اینتیقادلارئزلا یولا گتیرین!

انصافعلی هدایت

تورنتو - کانادا

اونبش فوریه 2018



hedayat222@yahoo.com