پان تورکچولوک درین دوشونجه و عمل دیر
حورمتلی دوستوم،
سئویندیم، منه، فارسجا یوخ، تورکجه یازیب‌سیز. چوخ سئویندیم تورکچوسوز، آزربلیجانچی‌سیز، میللتچی‌سیز.
آمما نییه "پان" دان قورخورسوز؟
نییه ایجازه وئرمیرسیز، بیریلری سیزی "پان" تانیسین؟
آخی، وطن و میللت سئوگیسینین بیر آدی دا "پان" دیر؟
نییه فارسلار، عربلر، آمریکالی‌لار، روسلار، کانادالی‌لار، اینگیلیس‌لر و ... "پان" اولوبلار، پان یاشایابیلیرلر، آمما بیز تورکلر پان‌تورک اولماقدان، پان‌تورک کیمی یاشاماقدان و پان‌تورک تانینماقدان قورخوروق؟
نه‌دن بئله دیر؟
چون فارسلار، ایسته‌میرلر، سیزه تای تورکلر، پان تورک اولوب، بیرله‌شیب، دوولت قورسونلار.
نییه؟
چون فارسلار، پانفارس و پان‌ایرانیسم دوشونجه‌سی آلتیندا بیر قورندارما مملکت یاراداراق، ایداره ادیرلر.
اگر سیزلر پان تورک اولسانیز، میللی روحوز یوکسه‌لیر، شوجاعت صاحیبی اولور، ریسک ادر، بیرله‌شیب، ائوزوزون تورک دوولتینیزی قورارسینیز.
بوجور پان تورکچولوک، فارسلارین بویوک منفعت‌لرینه، باشدان دیبه ضرر دیر.
بوندان دولایی، فارسلار، پان‌تورکلویو، ایتتیهام، جورم و چاغ دئشی کیمی گوسته‌ریب، آداملاری پان‌تورک اولماقدان قورخودورلار.
قورخاق اینسانلار، قورخدوقلاریندان و قورخودولدوقلاریندان قاچار و اوزاق دوشرلر.
میثال ائوچون: عجبا، تیراختورچولارین شجاعتی، میللتچی‌لرین بیر چوخوندا وارمی؟
تیراختورچولار، هئش قورخمادان، فخر ایله، هر یئرده، هر زامان، تیراختورون بایراغین داشیر، اونون ائوچون درین دویغولار بسلیر، شوعارلار سسلندیریرلر. اوزون یوللارا موسافیرت ادیر، آغیر پوللار خرجلیرلر و ...
بوندان بئله کی تیراختورچولوق دا بیر ""پان" دیر آمما اونون اساس آماجی سیاست، وطن ایستیقلالی، میللی حاکیمییت قورماق و میللی حاقلاری قوروماق دئییل.
بوندان دولایی‌دا، تیراختورچولوق، پان، ایتتیهام، جورم گورونه‌رک، فارسلارین حاکیمییه‌تینه تهلوکه حساب اولمور.
چون تیراختورو سئومک، سیاسی، سیاست، سیاستچیلیک، ایستیقلالچیلیق، وطنین
ایستیقلالین الده اتمک، دوولت قورماق، فارسلارین بویوک منفعتلرین خطره سالماق، فارسلارین موستعمیره‌سین اللریندن آلماق، و ... کیمی قونولاری ابچینه آلمیر.
آمما پان‌تورکچولوک بو حاقلاری مودافعه ادیر. فارسلارین دوشمنچیلیک تاوئرلارینا قارشی عاینی دویغولاری بسلیر، ایستیقلال و میللی حاقلار ائوچون موجادیله آپاریر.
یعنی "پان" سوزو، بیر سیاسی فلسفه‌نی ایچینده داشیر کی میللتچیلیکدن بئله فرقیلی و درین دیر.
هه، فارسلار، فارس حاکیمییتی، فارس مافیالاری، پانفارسیسمین ضیددی بشر فلسفه‌سین، دویغولارین، سیاستلرین، ایشلرین، تعلیم و تربیه‌سین و ... یاشیرلار و یاشادیرلار آمما عاینی زاماندا پانلیغادا هوجوم ادیرلر.
بیز تورکلر، پانچیلیغل گورا هانکی یولو توتمالییق؟
انصافعلی هدایت
No comments:
Post a Comment