بیز، آغاجلارلادا قول بویون اولوب آغلاریق
بیز، آغاجلارلادا قول بویون اولوب آغلاریق
بیز آغاجلارلادا قوجاقلاشیب، عاییله کیمی اولاریق.
دویغولاریمیز، بیر بیرینه سارمالاشار
بیر آغاجین قول قانادلاری تک.
بیز آغاجلارلادا دردله‌شیر، دانیشیر
اورک وئره‌ریز اونلارا
قولاق آساریق سحر، ناهار، آخشام سسله‌رینه
امه‌ریک دوشله‌ریندن آنامیزین آغ سودون
ایناناریق اونلارین‌دوغرولارینا، یالانلاری اولماز آغاجلارین
اوتانمازلار، وارلاریندان یوخلاریندان
اولانلارین ال آچیقجا، میننت‌سیز
سه‌ررلر اونونه.
بوینوندان هئش سالماز
یورولماز، اوسانماز،
خیانتله‌ریمیزه گوز یومار
او وطن دیر، وطن دن بیر پارچا
آتماز بیزی، بیز ایسه آتساق اونو
اونوتماز بیزی، کوسمه‌ز، بیز
اگرسه ترک اتسک اونو.
ائولونجه دونمک ایسته‌سک
جسدیمیزی ساختار قوجاغیندا،
لای لای چالار، نه‌نه‌مین لای لای لارین
و ابدییته اونلا قوشولاریق، وطنده
بیزده بیر آغاجیق قوربیتده دوشموشوک
وطن دیر کوکوموز اوردا
کسیبلر ناکیشیلر آیاقلاریمیزی وطندن
دارا آسیبلار، ائوز اکدیگیمیز آغاجلاردان
گوز یاشلاری اله‌نیر آغاجلارین بو ظولمه، بو عوصیانا
هامیمیز، وطنله بیرلیکده
حبسی یاشیریق یا وطنده یا وطن آرزئسیندا
گولوموزله، آغاجلاریمیرلا، قوشلاریمیز، بولوتلاریمیزلا
بایاتی دئییب، عاشیق سازیله آغلاشیریق آلین یازیمیزا
نه چوخ دوزم وار بیزده ظولمه
نه چوخ گوز یاشی
نه چوخ حسرت
حایئف اولسون آزادلیغا آغاجلارین چریدکی قدر یوخ هوه‌سیمیز.
کاشگه بیز آرمید آغاجی اولوب، وطنده بیتئیدیم
بیر کوتوله اوسایدیمدا وطنده اولایدیم
کشگه آزادلیغا گئدن یولا گولگه سایدیم
بلکه محبوسلار منیم کولگه‌مده
یئنیدن گوج آلیب، قالخاردیلار
بلکه من اونلارین الینده
بیر چلیک، بیر سلاح اولاردیم
سلاح اولاردیم آوزگولویه،
کئشگه کئشگه گوزوم آچیب، یوزلر ایلین یوخوسوندان دورسایدیم
بار وئرسئیدیم گئشگه
بیر آرمود آخاجی اولسایدیم وطنده، دوروب قالسایدیم
بیزه، قوربتده، وطنده آغاج اولماقدا یاساقلانمیش
بو حبسی، بو یاساقلاری کیم سیندیرار؟
کیم الیمیزه دولاشان ایپله‌ری دوغرار؟
کیم بیزله‌ری آزادلیغا
بیرده اکر وطنده؟
انصافعلی هدایت
No comments:
Post a Comment