کیشی کیمی کیشیلرین یئری بوش قالماسین!
من ایکی ائل بویو زینداندا قالارکن، "خالطآبادی" آدی ایله تانیدیغیمیز کیشی کیمی کیشی، منیم عاییلهم ایله علاقهده اولموش، چوخلو پول یاردیمی دا اتمیش.
منیم عاییلهمی، او زور گونلهریمده تک قویمامیش، مرده-نامرده، سوء ایستیفادهچیلر ده محتاج بوراخمامیش.
منهله عاییلهمه ده میننت قویمامیش. بیزدن، حتتا قورو تشککور بئله گوزلهمهمیش، بئله بیر کیشی کیمی کیشی کوچدو.
خالطآبادینین بیر خصلتی بو ایمیش کی، چوخ بویوک ایشلر گورورموش آمما هئشکیمدن، ائوزون اوستون و داها موباریزهچی گورمورموش. ایشلرین، هئش بیر کیمسهنین ائوزونه چکمیرمیش. هامینین ایشینه و چالیشقانلیغینین سوییهسینه حورمت و سایقی ایله یاناشیرمیش. ایددیعا اتمهدن، سوز پهلیوانی اولمادان، ایشلیر و گیزلی پهلیوانلیق ادیرمیش.
آلله خالطآبادی جنابلارینین روحون شاد، یئرین جننت ایلهسین! میللتیمیزدن ده باشی ساغ اولسون!
من، دریندن اینانیرام؛ بیر گون، بیزیم میللتیمیز، اونون و اونا تای بیر چوخ کیشی کیمی کیشیلرین آزادلیق، ایستیقلال، گوجلو و بوتوو آزربایجان دوولتی، بیر قودرتلی تورک دونیاسی و تورکلرین یوکسک سوییهلی ریفاهی خیاللارین یاشایاجاق و یاشاداجاق.
بو یول، بیزیم یولوموز. بو یولو داها گوجلو گئتمهلی و کیشی کیمی کیشیلرین یئرین دولدورمالییق.
کیم ائوزونده بو جسارتی بو روحو، بو فداکارلیقی گورور؟
آن بویوک فداکارلیق دا، هر کسین موباریزه یول-یونتهمینه سایقیلی اولماق دیر.
انصافعلی هدایت
No comments:
Post a Comment