حق نه‌دیر؟ حقیقت نه‌دیر؟
فیلیسطین‌لیلرین ایسرائیله هوجوملاری، جعلی ایراندا اسارتده اولان تورکلر آراسیندا چوخلو دوشونجه موباحیثه‌لرینه ندن اولدو. بونلاردان بیری، منله، بیر چوخ حُرمتلی دوستوم آراسیندا گئچدی.
او موباحیثه نی بوردا گتیریرم. دوستوم ایسرائیلی محکوم و فیلیسطین‌لیلری تایید ادیردی. من ایسه اُنون ترسینه.
یازدیم: مسئله، اسرائیل و فلسطین دئییل. مسئله دوست و متحد دیر. بیز، هر کیم بیزیم یانیمیزدا اولورسا و بیزیم حاقلی داوامیزدا بیزله حرکت ادرسه، بیزده اونو، تاییداتمه‌لیییک.
فیلیسطین‌لیلر، ارمنیستاندان حیمایت و آزربایجانلا دوشمنلیک اتمیشلر. بیزیم حاققیمیز یوخ، آزربایجانین دوشمه‌نیندن حیمایت ادک.
یازدی: بس نیه ارمنستان اسرائیل دن حمایت ائدیر؟
یازدیم: چون، دونیا و خصوصیله آمریکا، فرانسه و ... اسرائیلدن حمایت ادیرلر.
یازدی: پس حق و حقیقت نه اولور بو آرا دا؟
یازدیم:
حق و حقیقتین معیاری نه دیر کی؟
"گوج" و "منفعت"، حق و حقیقت دیر. گوجلو اولورسان، حاق سنین دیر. گوجسوز اولورسانسا، حاقسیزسان.
گوجلولر، حاقی، حقیقتی و حقوقو تعریف ادرلر. گوجسوزلرسه، اونلاری قبول ادیب، یاشاماغا چالیشارلار. میثاللارین، اوجو بوجاغی یوخ دور.
یازدی: هن، اوندا فرقیمیز وار. من گوجلونون یانیندا دوروب گوجسوزو ازمه‌یی شرفسیزلیک بیلمیشم حیاتیم بویو. اونا گورا دا اوتوز ایل قاراباغین طرفینده دوردوم. الیمدن بیر ایش گلمه‌سه ده وجدانیم اوردان دیدرگین دوشن گوجسوز انسانلارین یانیندا ایدی.
یازدیم: آمما بو یئترلی دئییل. قره باغی گوجلو اولارکن آلابیلدیک. گوجسوزکن، الدن وئرمیشدیک.
بو سوزلر ایله ائوزوموزو تاولامییک. بو دشونجه شعوبیه شیعه‌سی دوشونجه‌سی و بیر جوره تسلیم اولماق دیر. (گوجلونون حاق اولدوغون قبول اتمک و یاشاماق دیر.)
بیزیم ائوچون؛ ایراندا یاشایان تورکلر، عربلر، بلوچلار، کوردلر، و ... حقیقت نه دیر؟ کیم تعریف ادیر؟ کیم ایسه یاشیر؟
ذهنیمیزده، قبول اتمه‌سکده، گوجلونون حاقدان و حقیقتدن اولان ایراده‌سین و تعریفین یاشیریق.
گئنه یازدیم: سیزله منیم دوشونجه‌مین فرقی، جنابیزین ذهنی، منیم ایسه عملی (پراتیک) باخیشیمیز دیر. من ذهنی باخیشی، بیر جور اعتیاد و تسلیمیت بیلیرم.
منیم باخیشیمدا، سیز حاقلی اولماق ائوچون، حاققیزی آلماق ائوچون، حاققیزی دوشمن‌لره قبول اتدیرمک ائوچون، گوجلو اُلمانیز گرکیر. بودا، سیاسی، ایقتیصادی، تکنولوژیکی، تعلیم، تربیت، رفاه و ... دا ائوزون گوسته‌ریر.
دوستوم یازمادی. بیر ائورک قویدو.
حُرمتله
انصافعلی هدایت
No comments:
Post a Comment