هر شئین دئیشمه‌سی بیر اینقیلابا باغلی دیر
هر شئین دئیشمه‌سی بیر اینقیلابا باغلی دیر
 |
میللتچی گورونن دوستلاردان بیری، یازمیش: آزربایجانلی و تورکلرین حتتی چالیشقاتلارین بیل یوزده دوخسان دوققوز آرتی دوخسان دوقوز فاییزی ایرانچی و فارسچی دیرلار.
بو دوستوموز، بو رقمه دایاناراق قئسسا بیر آچیقلاما دا آرتیرمیش دیر.
من یازدیم:
لوطفن علمی و تحقیقی آمارلار اولمادان، بئله تحلیل‌لری
یایمایئن. بیلیرم کی اورگیز یانیر و بیر ایش گورمه‌یه چالئشئرسیز آمما بو یولو دئییل.
نییه؟
چون، بوجو آمارلار و آچیقلامالار، اینسانلاری و بعضی چالیشقانلاری بئله سوست ادر.
بعضی ساده دوستلار دییرلر کی اگر بیز چالیشاق‌دا چالیشماساق‌دا، اگر هئش بیر شئی دئییشمییه‌جک، داها نییه چالیشاق.
یانی، بئله سوزلر، اومودو اولدورر. چالیشمالارا ضرر زییان وورار. اینسانلاری یولدان آزدیرار و دئییشم ایمکانی دوشونجه‌سیندن اوزاقلاندیرار.
عاینی حالدا، دوشمن ده بو تبلیغاتدان بیزیم ضیددیمیزه ایستیفاده ادر.
دوغرو دور. من‌ده ایللر اونجه، گوناز‌تی‌وی دن، بو آجی سوزو دفعه‌لرجه دئمیشم و سونرالاردا یوزلر کره یازمیشام کی ایران آدلی سیاسال وارلیقدا، فارس اولمایان اینسانلارین بئیین‌لری بئش نسل ایچینده و بئش نسلین عومورو بویوندا، یئخامیش‌لار، دئییشدیرمیش‌لر.
بو نسیل‌لرین بئیین‌لری فارس دیلی و دوولتینین ایسته‌دیگی زیر زیبیل ایله دولدورولموش، آزربایجان و تورک ضیدلی بارا گتیریلمیش‌لر.
اونلار، ایندیلیک، آزربایجانین ایستیقلالینا و تورکلرین گوجلنمه‌سی ایله، فارسلارلا یاناشی قارشی دیرلار.
حایئف اولسون کی او گونه‌دک کی بو نسیل‌لر اولوب گئتمزلرسه، آزربایجانین ایستیقلالی قارشیسیندا، دوشمن‌لرین یانیندا، بئین‌لری ییخانمیش و زیر زیبیل ایله دولموش تورکلر و آزربایجانلی‌لاردا واراولابیلرلر.
بو بئیین‌لری یئخانمیش و زیر زیبیل‌له دولموشلارین بیر چوخو، قئرخ
یاشادان اوسته اولان نسیل‌لردیرلر.
بو، او دیمک دئیل کی قئرخ یاشدان آشاغاداکی تورکلر و آزربایجانلیلارین بئین‌لری یئخانمامیش و ایران-فارس زیر زیبیل‌لری ایله دولدورولمامیش دیر.
بلکه ده اونجه‌کی نسیل‌لردن داهادا چوخ یئخانمیشدیر آمما بو نسیل‌لری داها قولای ایرانچیلیقدان و فارسچیلیقدان قوپارئب، چئویریب و میللتچی، ایستیقلالچی و تورکچو اتمک اولار.
چون قئرخ یاشدان آشاغا اولانلارین بیر چوخو، آزربایچانچی و میللتچی دوشونجه‌لری ایله آزدان-چوخدان تانیشدیرلار.
اونلار، میللتچی، میللی، ایستیقلالچی، تورکچو و ... کیمی قاوراملارلا تانیشلار. بو قاوراملارا حسساسیت و آلرژی‌لری یوخ دور.
اونلارین بیر چوخودا ایشسیز دیرلر یادا دوولت ایشینده دئییرلر. بیر چوخو، یاشاملاریندا درین پرابلملری وار و ایران-فارسی قبول اتمیرلر. بیر چوخودا تیراختورچو دورلار.
آمما قیرخ یاشدان یوخاری اینسانلاریمیز، ایستر ایسته‌مز، یاشلی دیرلار.
یاشلیلیق اوزو، موحافیظه‌کارلیقی
حرکتسیزلیگی، دورقونلوقو یانینجا داشیر.
چون، یاشلیلار، عاییله صاحیبی دیرلر. ریسک و جسارت اهلی دئییرلر. ساواش اهلی دئییرلر. اونلارین اوشاقلاری وار. اوشاقلارین، بویا باشا چاتدیرمالیلار. اونلارین آزدان-چوخدان مال-دوولت، پول، ائو-ائشیک، یئر-یورت، باغ-باخچا و … وارلاری دیر. یاشلیلارین بیر چوخو دوولت ایشله رینده یئر سالیب‌لار.
اونلارین وارلیقلاری، ایشله‌ری و بالالاری، یاشلیلاری رادیکاللاشماقدان، دوراقلیقدان چیخماقدان، و موحافیظه کارلیقا یاراشمایان حرکت‌لرله موخالیف اتدیرر و اونلاری ساواشلا قارشی دورمایا زورلار.
البتته اونلارین ایچینده یوزلرمین خالیص یادا یاری یاریمچیق تورکچو، آزربایجانچی، میللتچی، ایستیقلالچی وار.
قئرخ یاشدان آشاغی اولان ایستیقلالچیلار، چالیشیانلار، موباریزه‌چی‌لر، ساواشچیلار، میللتچی‌لر، تورکچولر، وطنپرستلر، آزربایجانچیلار و … قئرخ یاشدان اوسته‌اولانلارین دوشونجه میراتچی و دوشونجه اوشاقلاری دیرلار.
یانی اگر قیرخ یاشدان آشاغی اینسانلاریمیز آزربایجانچیلیقا، میللتچیلی‌یه، تورکچولویه، و … بویلو دورلارسا، قئرخ یاشدان اوسته اولان چالیشیانلار، اونلاری بو دوشونجه‌لره گبه اتمیش‌لر.
گئنه بورادا و بونادا دریندن باخمالییق کی اگر قئرخ یاش آلتی چالیشقانلاریمیز یاواش حرکت ادیرلرسه، فارسلارین ایداره‌لرین، مدرسه‌لرین، اونیوئرسیته‌لرین، کیتابلارین، قازئت‌لرین، کیتاب ائولرین، رادیولارین، تیلویزیالارین، سینامالارین، فیلم‌لرین، آرادان آپارمیرلارسا، فارسلارین ایتقتیصاد و ائکونومیله‌رین تحریم اتمیرلرسه، اونلاری دارما دارغین اتمیرلرسه، فارسلارین شاعیرلری و قهرمانلارینین آدلارین هر یئرده گورور آمما سالیم قالئرلارسا، بو او دئمک دیر کی قئرخ یاشین آلتیندا اولانلار دا موحافیظه‌کارلیقین رنگینه بویانمئشلار.
اگر بویوک نسیل، اوزونون قورخوسون، دورقونلوقون و موحافیظه‌کارلیقین، یئنی نسیل‌لره وئرمه‌سه‌ایدی، ایندی گرک، هئچ اولمازسا، تورکلر اولان کندلرده و شهرلرده، فارسلیقدان هیش بیر آد، ایداره، کیتاب ائوی، تابلو، ایش یئری، دوکان، بازار، خیابان آدی … قالمامیش اولاردی.
ایندی گرک، فارسلیق توم شهرلردن، خیاوانلاردان، کوچه لردن سیلینیب، آتیلمیش اولاردی.
ایندی گرک بیر شهر تاپیلمییایدی کی اورادا فارسلیق آماندا اولایدی.
ایندی گرک بیر ییر اولمایایدی که فارسلیق و فارسلار تورکله‌رین دوشمنلیگی ایله قارشیلاشمامیشدیرلار.
هر حالدا، عجله ایله هئچ ایش و حرکت اولماز و بویا باشا چاتماز.
اینسانین عومورو آز دیر و داریخان دیر. ایستیر تئز سونوجا چاتسین آمما هر بیر حرکتین، بیر سئرا گئتمه‌لی و تجروبه ایله قازانمالی یول یونتم‌لری وار.
اگر بیر حرکتی تئز یوروتمه‌یه چالیشسانیز، او حرکت، اوزونون دوغال دورموندا دوغماز.
هر بیر حرکت، اوشاق کیمی دیر و اوشاقا تای دا گیچیتلری وار.
نئجه، آنا قارنیندا اولان بیر اوشاقی، دوققوز آیدان تئز دوغوزدورمایا چالئشسانیز، او اوشاق یاریمچیق دوغار. او اوشاقین اوئلمک اولاسیقی یوخاری اولار.
اوشاقا تایدا، بیر توپلومسار و اولوس‌سال بیر حرکتی ده اگر واختیندان تیز نتیجه‌یه چاتدیرماق ایسته‌رسه‌نیز، او حرکت یار-یاریمچیق دوغولار و آرادان گئتمه‌یه محکوم قالار.
مثلن، آزربایجان دیموکرات فیرقه حرکاتی؛ "میللی دوولت" یا شیخ محمد خیابانی؛ "آزادیستان دوولتی" یاریمچیق دوشدو و اولدورولدو.
بو سوزلرین یانیندا، اوسته خاطئرلادیقیم دوشونجه، بو آنلامدا دئییل کی اگر ایران آدلی سیاسال وارلیقدا، هابئله بولگه‌ده و دونیا گوجلری آراسیندا و اونلارین الی ایله بیر فوری و آنی دوروم یارانیرسا کی بیزی ایستیقلالا گوتوره‌بیلر، او اله دوشن فورصتی دالییه ایته‌لییک و دییک کی هله بیزیم میللت ایرانچیلیقدان و فارسچیلیقدان قورتارمامیشیق. اوندان دولایی‌دا ایستیقلالا حاضیر دئییلیک.
بلکه توم ترسینه، هر که‌سین الی ایله اولور اولسون، اگر بیله بیر اولاناق اوز وئریر ایسه، بیز تورکلر و آزربایجانلیلار، هئچ بیر شرطده، او فورصتی الدن وئرمه‌مه‌لیییک. او فورصتی چوخ سیخی توتمالییق. فورصتدن، موستقیل دوولتیمیزی یاراتمالی و قازانمالییق.
چون، اگر دوولت قورولورسا و توم قوروملار و تشکیلاتلار بیز تورکلرین الی ایله و بیزیم ایسته‌دیگیمیز یولدا وار اولارسا، ایرانچی و فارسچی اینسانلار دا هئزلا یون و یول لارین دئییشدیریب، قورولان دوولت و قوروملارا دساک چیخاراق، اونلاری فارس-ایرانچیلیقا قارشی ساووناجاقلار.
چون، ایران-فارسین یوز ایللیک سوی قئرئمی اتکیسیندن قورتاراجاقلار، فارسلار و ایرانیت وارلیقی، گوجو و یاراتدیقی قورخو، منفعت، ایداره‌لر، قانونلار، موجازاتلار و دستک‌لر گئچرلی اولمایاجاق.
اوندان دولایی، میللی و موستقیل تورک دوولتینین بیر امری ایله توم اینسانلار، یولا دوشر و حتتی دوولت گوسته‌رن یولدا جاندان باشدا گیچرلر. یئنی و میللی- سیاسال وفادارلیق یارانار.
بو، هر میللی حرکتده، اولوسودا گئدن و گئتمیش سیاسال، توپلومسال، هابئله دوشونجه‌سل و بیرئی‌سل داورانیشلارین دئییشیمیم گئدیشاتی یاساسی و دوغوسو دور.
گئچمش تاریخ‌لر بونا شاهید دیر کی بیله بیر دورومدا، اللی یاشدان اوسته اولانلار، یئنی اورتایا چیخان وارلیقی و حقیقتی گوروب، اونا تسلیم اولاجاقلار.
بو دورومو، ایران آدلانان سیاسال وارلئقدا، اللی یئددی اینقیلابیندان همن سونرا توم بیرئی‌لر و توپلوملار، یاشادیلار و یاشادیق.
اینقیلابدان بیر نیچه گون اونجه، میللتلرین و لیرئی‌لرین یوزده دوخسان دوققوزونون خومئینی‌دن، اینقیلابدان، شاها قارشی هر بیر حرکتدن و ... خبرلری یوخ ایدی.
حتتا احتیمال وئرمیرلردی کی شاهین رئژیمی داغیلسین آمما پهلوی شاهلیقی داغئلان کیمی، توم میللت‌لر و بیرئی‌لرین چوخونلوقو، همده بیر گیجه‌ده، شاه‌چیلیقدان دونوب، خومینی‌چی اولدولار. حتتا خومئینی‌نی تانیمایان کیمسه‌لر بئله اونو آیدا دا گوردولر.
بیر گونده، تک شاه دئییشمه‌دی. بلکه هر شئی و هر دوشونجه، اینقیلابی شکیلده دئییشدی.
منجه، خومئینی‌یه باغلانان حرکات، اینقیلاب دئییلدی.
خومینی باتیلی مسیحی دونیاسینین دیزاینی و موهندیسلی‌گی ایدی.
ممجه، اینقیلاب، میللتین ایچینده‌کی گئنیش، فوری و آنی دئییشیم ایدی. هر شئی آلت اوست اولدو.
منجه، توپلوملاردا و ووپلولوقلاردا دوشونجه، باخیش و اینسانلارداکی سوزجوک داغارجیقی دئییشیمی اصیل اینقیلاب و دئوریم ایدی.
بیر گونده، میللتین دیلینده اولان و دولانان گونده‌لیک سوزجوکلر بئله دئییشیلدی.
بو تکجه اینقیلابین اینقیلابچی گوجونده، دئییشیمین زورونلوقوندا، گه‌له‌جه‌گین به‌لیرسیزلیگیندن، اینسانلارین و توپلوملارین یئنی دوروملارلا موطابیق قالیب، رنگداش اولماسیندا، ایتقیلاب سویو و سئلینین آخاری ایله گئتمه‌سینده، هابئله اوزونو قانونسوزلوق چاغلاردا و دوروملاردا قوروماقدان گلیر.
بیر نئچه گون ایچینده، پهلوی شاهلیق زامانی یارانان، ساوادلی، شه‌هرلی و آیدین طبقه‌سینین نیشانی گوردنن یایقین اولان گونده‌لیک سوزجوکلر بئله یوخ اولدو گئتدی.
میلیارلار بودجا قویدوقلاری، یاراتدیقلاری سوزجوکلرین یئرینه، یئنی و حتتا سبکه‌ده، یوزلر ایل ایشلنمه‌میش سوزجوکلر، دوشونجه‌لر، یول یونتم‌لر اورتایا چیخدی.
اینقیلاب و دئییشیمده، تکجه دوولت دئییشمزمیش، بلکه توم بیرئی‌لر و توپلوملارلا بیرگه توپلولوقلار بئله دئییشرمیش. بو دئییشیم بیر زورونلوقموش، بیر ابدی و دوغال یاسا ایمیش.
ایراندا، دئوریمه یئر یوخ کن، دئوریم یاراتدیلار و هر کس بو دئوریمین ایسته دیگی دئییشیم‌لره تسلیم اولدو و اونون سئلی ایله آخمایا باشلادی.
منجه اصیل اینقیلاب بودور و اینقیلابین بویله بیر گوجو و زورونلوقو وار.
اینصافعلی هیدایت
29/September/2024
Comments
Post a Comment