قورآن ترجومه‌سینه فرقیلی یاخیش
قورآن ترجومه‌سی
ظاهیرن، من بو گون، گئجه‌بارئسی (گون تازا باشلارکن)، ساحات ۱۲:۲۰ جیوارلاریندا، سایین دوکتور عبد الغفار بدیع جنابلارینین سکسن‌بئش‌اینجی قورانین تورکجه ترجومه درسله‌ری ایله اوزلشدیم. اونو اوخورکن، بغضی فیکیرلر عاغلیما گلدی و یازماغا باشلادیم.
ان باشدا، ساده جه معنا اوزرینده دوروردوم. آمما گئتدیکجه باخیشیمی گئنیش یازمایا چالیشدیم.
اومارام سونراکی درسلریده گوروب، اوخویام و دوشونجه‌لریم اواورسا یازام.
آللهین آدی ایله.
سالاملار
نه‌دن انه هو یندئ و یعید آیتینده "یبدئ و یعید" سوزلرینی "باشلایان و قایتاران" یادا "باشلادان و قایتاردان" معنا اتمه‌میش‌سینیز بلکه "یوخدان وار ائدن" معنا اده‌رک، "یوخدان" سوزونو اورایا یئرلشدیرمیسینیز؟
عجبا آیتی معنا ادرکن، تفسیرلرده کی آچیقلامالاری و ناغیللاری گوز اونونده توتموشسونوز مو؟
عجبا عرش المجید صفت و موصوف دئیرلرمی؟ نه دن اونلارا ایکی آیری معنا وئرمیشسینیز؟ یعنی عجبا عرش همان مجید دئییل می؟
هل آتا حدیث الجنود آیتینده، "اتاک" سوزونو مجهول معنا اتمیش‌سینیز؟
بل الذین کفروا فی تکذیب آیتینده، تکذیبین ایچینده کافیر اولموشدورلار دئمک اولار می؟ یعنی باشقا بیر آنلام آلاماق اولماز می؟ باشقا بیر طرفدن آیتده "خئییر!" سوزونه یئر یوخ دور. منه بئله گلیر کی آیت، هر کس اوخورسا، اونا خیطاب ادیر. یعنی قوران، اوخوجونو خیطاب آلیرسا، باشقا معنا چیخار. و آللاهین موخاطبی ساده رسول حضرتلری یوخ، اوخوجولار اولار. هر کس، اوزو وحیین موخاطبی یادا ان آزی، کیتابین موخاطبی اولار. اورتادا واسیطه قالماز. قوران، محمد (ص) یوخ بلکه اوخوجو ایله قونوشار. فعل، فاعیل و مفعول و فعال و منفعل و ... دئییشیر.
بل هو قرآن مجید آیتینده ده عاینی مسئله‌نی گورورم. بیرده، عجبا بوراسا قورآن سوزو، بو کیتانین ادینا ایشارت ادیر یوخسا "اوخوجو" آنلامینا گلیر؟ یعنی بو سورودا اورتایا چیخیر کی عجبا قورآن" کلمه‌سی محمد حضرتلری وار ایکن بو آیتلرین توپلانتیسینین آدی ایمیش یوخسا سونرالار بو آدی بو آیتلر توپلوسونا وئرمیشلر؟ عجبا قرء یقرء فعلیتدن دیرمی؟ عجبا اوخوجو همده کیتاب اوخوجوسو آنلامیندا دیر می؟
"فی لوح محفوظ" آیتینده، محفوظ گیزلنمیش یا گیزله‌دیلمیش آنلامینا گلیرمی؟ یعنی یئر اوزونده گیزله‌ندیریلمیش اولورسا، اینسانین وظیفه‌سی آختاریب بولماق دئییل می؟
یئنه‌ده سالاملار و سایقیلارلا. منیم عربجم چوخ صغیف دیر. آمما قورآنا فرقیلی و دونیوی گوزو ایله باخما طرفداری‌یم.
سیزین ترجومه‌نیزدن اوخودوغوم بیراینجی بولوم دور. ایسته میردیم سیزین محضرینیزه جسارت ادیب، اسائه ادب اولسون.
ولاکن سیزین گوزل و چوخ فایدالی و هابئله منیم دوشونجه‌مه و آنلایئشیما اویقون چئویرمه‌نیز، منی روحلاندیردی. سئویندیم و شوقا گلدیم. عفوینیزه سیغیناراق، محضرینیزده جسارته ال قویدوم. اومارام منیم بارماق قویدوقوم قونولاری، واخت ادیب، منه ایضاح ادرسینیز. چوخ سئوینه‌رم.
اومارام بو درسلرین موداویمی اولارام.
بلکه کندیمه جاهیل جساراتی وئریب، آیتلرین چئویرمه‌سی حاقدا منده دوشونجه‌لریمی یازارام.
محضرینیزدن خئییر دوواسی ایسته‌رم.
انصافعلی هدایت
25 August 2024
08 Sep 2024
Comments
Post a Comment