دوغوش، اولوم، زامان، مکان
دوغوش، اولوم، زامان، مکان
سوردو: منده احساس الیرم زمان توهمده سیزین نظریز ندیر؟
جاوابلادیم:
منجه زامان اولمازسا، گرک کی ده‌ده‌نه‌نه‌لریمیزله برابر یاشایاق. نسیل‌لر گئچدیگی ووچون، و بیز گئچمیش آتا آنالاریمیزلا یاشامادیقیمیز اوچون، زامان وار. بیز ایکی وارلیقا غلبه ادیه‌بیلمیریک: زامان و مکان.
اگر بو ایکیسی اولمازسا، ماده‌دن اولوشان هئش بیر وارلیقدا اولماز. منه بئله گلیر.
قورآن‌دا بیر آیت وار، بویورور؛ آگر باسارساز، قاچین او یئره کی اوردا اولوم اولماسین.
منجه، ان اونملی وارلیق، "اولوم" دور. هئش وارلیق بو قدر زامانی یانسیتماز. اولوم اولماسایمیش، زامانین آنلامی یا اولماز دی یا دا او قد اونم داشیماز دی.
اولوم، زامانین وولچوسو دور. تکجه وارلیق کی زامانین وارلیقین بیزیم اوزوموزه چارپیر، اولوم دور.
من اولومو تجروبه اتمیشم و چوخ سئومیشم. توم وارایقلارین ان سون تجروبه‌سی اولوم و اونلار اوچون زامانین یوخلوقو آنلامینا گلیر.
باشقا بوندن باخارساق، نه زامان وار، نه ده مکان وار. بو شرط ایله یوخ دورلار کی وارلیق پالتارینا بورونمه‌میش‌لر. وارلیق پارتارین گییندن سونرا، زامان و مکان یارانیر.
یعنی، من دوغمادن وونجه، منیم اوچون نه زامان وارایمیش، نه‌ده مکان. زامان و مکان من دوغولان آندان وار اولموشلار.
یعنی زامان و مکانین آنلامی دوعوملا اولوم پارانتئزلرینین آراسیندا معنالانیر. بو پارانتئزدن قیراقدا هئش بیر شئی یوخ دور.
بونا گورا دیر کی آداملار فرقیلی دیرلر. چوخ، هر کس،اوز دوردمون، عاییله‌سینین دورومون، ایسته‌یین، آرزئلارین، عاییله‌نین تاریخیندن گلن هر بیر شیئ یاشار. زامان، مکان و دوروم، ایراده‌لره اثر قویار و اونلاری ایسته‌مه‌دیکلری یولا یونته‌مه زورلار. بونلارین بیر چوخو بیزیم ایراده‌میزدن قئراقدا اولان فاکتورلار دیرلار.
انصافعلی هدایت
27 August
Comments
Post a Comment