خیلافت یوخ دورسا
بو يئرلر آغلامير، یاشامیر بو یئرلر
بورادا گویلر، بولوتلاردا آغلامير.
بورادا آداملارین گوزلرینده
توفنگ لولهسی، توپ لولهسی
آخانلارسا، گوللهدیر، توسدو دور
بورادا یوخ دور دیریلیق هوسی.
گوزلریندهکی بولوتلاری سیخاندا
بارتلا بومبا دومانی آخیر
قارانلیق كتده، قانلی شهرده
بولاق یوخ، سو یوق
جانلیلار بیر اودوم زهر آختاریر.
قیزارمیش اوزون ساچلی قيزلار،
کوچهلرده قاچان اوغلانلار
الی قابارلی، دابانی یاریق آنالار،
بئلى بوكوک دولانان آتالار
امجهگی قورویان قویونلار
ائله بورونوبلر درده، کدهره
بورادا قوزولاردا آغلامیر
بورادا، گویده دومان، یئرده نم،
دنیزده سو قالمایئب
خلافت اود توتوب یاناندان بری
سلطنت تاختی آشاندان بری
توم شهرلرین کوچهلرینده
توفنگلی پوتونلار دولاشاندان بری
اینسانلیغی، موسلمانلئغی
توم دونیانی اودا چکدیلر،
عوثمانلنی یئخاندان بری.
یئتیم دوشدو
موسلمانلار، ائولکهلر
یئرسیز - یوواسیز قالدی
قوشلار، کولگهلر
اوچامازلار، قانادسیز قالدیلار،
تلییه دوشدولر، اسیر اولدولار
هرکیم اونلاری آولیهبیلر،
یئرسیز، یارسیز قالدیلار.
ایللر دیر موسلمان آو اولوب،
آوچیلارینا
هر گون، قوربان گون دور
بواؤلکهلرده
مکهده، مدینهده، لیبیده،
شامدا، عراقدا
موسلمان شرقده قان آخیر،
او كوندن برى
موسلمان شرقده
قان آغلیر پیغمبرین گوزلری.
بیرداها خیلافت قورولمادیقجا
توفنگلر دوغرانیب کسیلمییهجک،
آلوودا گوزرمیش یانان آداملار
بیر داها یاشاما دونوب سئوینمییهجک
اوغلانلار، قیزلار، دلی کوچهلرده
باخیشلارین دویونلهیئب
حارامجاسینا اوپوشمییهجک
موسلوم اولان هر بیر کیشی،
توپراغین درینلکلرینه کوچهجک،
سولار قئپ قئرمئزی قانا دونهجک
زینجیرلهنیب داردا دیر
وطنله باجی قارداشلار
یئخئلیب ائولر، یوردلار
قبریستانا دونهجک.
شرقده، توی ائولرینده
یاس توتوبان قارا گئیر گلینلر
گوللهلر، دولوکیمی یاغیر
چتیرسیز باشلارا
توفنگین سسی سئوینجک
شارشار گولور
الی بوش، سیلاحسیز
اولن لرین گولن دیشلهرینه
گولهشی اونوتموش
دوداقلار، بورادا
"آي ... واي!" سسى
دولاشير قاپی قاپی
افغان چكير یاشایئش،
آج-سوسوز داغلاردا
آغاجلار قورویوب-یانیب،
میشهلر قوملوغا دونوب.
سیفرادا چورک یوخ، چای یوخ
یئمهگه اتک اتک بومبا، مینالار،
پارتلامیش باشماقلار
دیریلیک سیفراسینین دوورونده
جوت جوت، گوز تیکیب
قورو، جامسیز، سئنیخ گوزلوگه باخیر.
دیوارلاردا داش، آدملاردا باش
قالمایئب، دوشوب،
شرق اینسانیندا
باشسیز دولانیر اؤلولر
دیلسیز دولانیر دیریلر
شرقین مودرن احوالیندا.
چمنلرین دوشلرینده
ياشیللیقلا سو
گلمیر یانیانا
دوداقلاری پارتلامیش
سوسوزلوقدان
بومبا ایله باریت ایسی
چمنلری سرمست اتمیش
یوخودا، گوللو بهارین گلمهسین گوزلور.
بومبانی باسیر قوینونا
ساری قئرمئزی گول یئرینه
گویر دیر تانگلا بومبا،
تیکان دیر دییه.
هر یئری توتدو دمیر لالهلر
داغلار یئخیلیر، هر یئر دوزهلیر
بئجهردیر پاسلانمیش لالهلر، گوللر
آداملار قبیرستاندا گئجهلیر
دهمیرلر، بومبالار شهرده یاشایر
سون اویغالیق دئمک بو اویموش؟
آداملیق بوردان نه واخت کوچموش؟
آخان گوز یاشی فاجیعه آیناسی
گیزلینده گویهرير قاچاق اینسانلار،
قاچاق وطنده یاشاییر،
قانونسوز حوقوقسوز اولن اینسانلار.
علی 23 آپریل 2026
No comments:
Post a Comment