آزربایجانا "اینقیلاب رهبرلر شوراسی" لازیم دیر!
رهبرلر شوراسئنئن قورولماسی، آزربایجان اوچون، اینقیلابدان اونملی دیر
"گئچیجی اینقیلاب مشورت و قرار شوراسی" اوزون بیر پروسه گورونه بیلیر. بونون اوچون، بو حرکتی حیاتا گئچیرمک آدینا، بیر گئچیجی شورا لازیم دیر. منجه، بو شورا آزربایجان حیزبلری، بشر حاقلاری اورگوتلری و تانئنمیش آزربایجانلی میللی فعاللارین حوضورو ایله قورولابیلر تا بیزی بو چتین شرایئط دن گئچیرسین. عینی حالدا، گئنیش شورالاری قورماغادا، هیممت ایله سین!
نیه کی ایندیلیکده ایراندا جیددی بیر حرکت گئدیر. بو حرکت میللی دیر و خالقا باغلئدیر یا اجنبی لرین بو ایشده اللری وار، اونم داشئمئر. او کی اونملی دیر، بو دور کی ایرندا بیر حرکت وار. بو حرکت هارا گئدیر؟ نه ایستیر؟ اینقیلاب دیر؟ رژیم دن گئچمه دیر؟ یئنی بیر سیاسی رژیم قورما چاباشی دئر؟ و ... هر نه دیر ایسه، بیر شئی گئدیر.
اونملی بو دور کی آزربایجان نه ایستیر؟ ایستک لرینه نئجه ال تاپاجاق؟ بو حادیثه دن هانکی میللی منفعت لری الده اده جک؟ موذاکیره اده جک می؟ یوخسا تک باشئنا گئده جک می؟ موذاکیره ادیرسه، ایرانئن گله جهگینده نئجه شیراکت اده جک؟ موستقیل و تک جانینا یورور ایسه، نئجه بو جریاندا سالیم باش چیغارداجاق؟ یارانان حرکتی، کیم لر آزربایجان منافعی اوچون یوللاندئراجاقلار؟
بو جور سورولار چوخ دور. ایللر دیر، تاریخی فورصت لری الدن وئرمیشیک و بیر سیستیم یاراتمامیشیق کی ائوز آرامئزدا ایش بیرلیک یارانسین و ایشلییه بیلک و هر جور بیر رژیم و سیاسی گئچیشه، حاضیرلئغئمئز ائلسون!
ایندی ایسه اطرافیمیز دئییشیر و بیز بو دئییشیمین اورتاسئندایئق آمما حالا مسئله نین اونمین دوشونموروک!
ایندیکی دورومدا، ایران رئژیمی و سیاسی سیستیمی، ان ضعییف دورومدا دیر. بو دورومدا، آزربایجان نه ایستیر؟ بو ایستک لری نئجه حیاتا گئچیرجک دیر؟ ایش بیلریک اده جک می اتمیه جکمی؟ میللی منافعی نئجه تامین اده جک؟ یوخسا دوروب، گوزلییه جک تا فارس اونا حاق و سهم وئرسین؟
آزربایجان ایسترسه ایستیقلال، ایسترسه فدرال، ایسترسه خودموختارلیق، ایسترسه کنفدرال، ایسترسه آنا دیلی حاققی، ایسترسه بیر ایالت اولماق، ایسترسه نئچه ایالت له ره بولونمک و... قارشئسئندا دیر.
لاکئن، قارا بختلیک بودور کی، بو دورمکلری توتماغا و یئمهگه ایمکانیمیز یوخ کیمی گورونور. ایشین سونون دا، آزربایجانین باشی بورکسوز قالاجاق کیمی گورونور. مشروطه کیمی گورونور. ایللا کی آزربایجان دوشونجه صاحیبلری و سیاستچی لری، ائوز شخصی و حیزبی منفعتلریندن بیر آز گئچیب، آزربایجانین و تورک خالقئمئزین گله جگین دوشونسون لر.
ههله لیک، ایراندا گئدن حرکتلرده تاثیریمیزی بوراخماق، اوندا رول اویناماق، یئر و سهم آلماق دوشونجه سی بیزده حاکیم دئییل. یعنی سیاسی باخئشیمیز، صئفئر (0) دیر. هئش بیلینمیر کی آزربایجانین سسی کیم یدر؟ سس واریسه، هاردان گلیر؟ آزربایجان نه یا نه لر ایستیر؟ هر کیم، بیر گوشه ده، (تانئنان، تانئنمایان) آزربایجان آدینا سوز اورتایا آتیر. چوخ زامان گورونور کی میللی منافعی و اوزون زامانلی دوشونولمور. نیه بو آداملار، قیسسا زامانلی منفعت لری دوشونور؟ یوخسا هامئ ایران و ایططیلاعاتا باغلئ دیر؟
هئش کیمی ایتتیهاملاماق اولماز و دوز ده دئییل. ایتتیهاملاماق گرکیر ایسه، آزربایجانین حیزبلری و حیزبلرینین لیدرلری اتتیهاملانمالی دیرلار.اونلار، بیر بویوک ایددیعا اوچون، مئیدانا گلمیش لر. بو عظیم ایددیعانین، واجیب اولان و گورونمه لی یول و یونتملری وار و اولمالی دیر. اگرده یوخیسه، یارادیلمالی دیر و بو او پارتیلرین ان واجیب ایشلری دیر. بونلار گلجگی (کی بو گون دور) گئچمیش ده گورمهلی دیرلر و بو گون اوچون، حاضیرلیق آپارمالی دیرلر.
ایندی زامان گلیب چاتیب. ایتتیهاملاما و داوا واختی دئییل. آلده اولان آمما آز فورصتلری الدن وئرمهمک گرکیر.
منجه، تبعیدده پارلیمان یاراتماق دان داها اوزاق دایئق. داها قئسسا بیر زاماندا، کیچیک بیچیمده "سیاسی قرار مرکزی" یارادیلمالی دیر تا آزربایجانا بیر یئردن امیر گلسین و خالق و سیاسی و فعال دوشونجه صاحیب لری، اورانی آزربایجانین یئنی سیاسی قیبلاسی کیمی تقدیم ادیب و قبول اتسین لر. یوخسا، اودوزمامئزا، شک اتمئیین!
منیم اونریم بیر "سیاسی قرار شورا" سیستیمی دیر. من بو شورانی ایکی سویه ده گورورم:
1. خاریجی قول یا تبعید شوراسی
2. ایچ قوللار و عمل-مشورت شوراسی
بو ایکی قولو بو جهت دن واجیب گورورم کی ایچه ری قول، ائوز ائوزه موجود رژیم یا گلن رژیم ایله دورمالی و عئضئلری تانئناجاق. اونلاری تهلوکیه سالماماق گرکیر آمما اونلاردا گرک لازیم شهامتلری اولسون و "آزربایجان ایچ قرار شوراسی" آدینا دانیشیب و ایش لری ایرلی آپارسین لار. یعنی، بیر آز یوموشاق و داها پولوتیک اولابیلرلر کی بونا "سافت لیدرلیک" دئمک اولور.
خاریج و تبعید قولو داها "هارد" و "سرت" اولابیلمک مجبورییتینده دیر. چون، ایران و رژیم ضیدلی قرارلار وئرمک دوروموندا دیر. داها جیددی آدلیملار آتماغا مجبور دور. سیاسی اویونلارلا بیرلیم اتمک و اونلاردان آیرئلماق و یئنی سیاسی قرارلارا یورومک مجبورییتینده دیر.
ایج قولدا، ان اونملیسی، ایران بویوتوندا بیر "بویوک مشورت و قرار شوراسی" یارانماسی دیر آمما عینی حالدا بو شورا، شهرلر و کیچیک شورالارین یارانماسی ایله موخالیف دئییل. گرک هر شهرده (کیچیک یا بویوک شهرلر فرق اتمز) بیر "قرار و مشورت سوراسی" قورولسون. طبیعی کی هر شهرین میللی فعاللاری، بیر بیرلرین تانئرلار. بیر عیدده یه شک و شوبهه لری وار آمما اونلارلا بئله ایشله مه گه مجبور دورلار. بونون اوچون ده، یوموشاق (سافت) اولمالی دیرلار.
هر شهرده بیر "... شهر مشورت و قرار شورای" یارانمالی دیر. بو شورانئن، 11 (اون بیر) دن چوخ عوضوو اولمامالی دیر تا راحاتجاسئنا قرار آلسئنلار. بو مشورت و قرار شورالارئنئن هر موضودا ان سون قرارئ، یوزده اللی بیر ایله (100/51) واجیب سایئلمالی. سس وئرمئیین لر بئله، اونون ایجراسئنا، "گوزوم-باشیم اوسته" دئمه لی و توتولموش قراری ،او شهرده ایجرا اتمه لی و او قرارئن ضیددینه هئش بیر جومله دانئشمامالی دئرلار. بو قرار باشقا شهرلره، یئتیریلر. بو شورا عضولری دیگر شهرلرله علاقه ده اولمالی و عین زاماندا اونلاردان بیری یا ایکیسی، خاریجی قول ایله علاقه دار اولمالی دیر.
خاریجی "سرت" یا "هارد" قول، بین المیلل سویه ده و آزربایجانین اونملی قرارلارئن وئرمک آدینا تاسیس اولمالی دئر. بو قول، ایستیقلال، فدرال، کونفدرال، خاریجی دوولت لر و قووه لر ایله امکداشلیق و بویله موضولارلا اویقون ایستیراتیرتتئژیلری یوروتمهگه آماجلانیر. ایچ قول، دوولت و رئژیم طرفیندن ایتتیهاملانماسین، بو قول داها سرت اولمالی دیر. یوخسا ایچ قولون، داها سرت و هارد اولماسئنا هئش بیر موشکول اولمامالی دیر. بلکه حتتی ایچ قول، اینقیلاب و ایستیقلال قراری وئریب و اونو ایجرایا آپارابیلر.
ایچ قول هر شهرده، تانینمیش و داها چوخ گووه نیله بیلیر کیشیلر و خانیملاردان قورولمالی دئر.
خاریجی قول ایسه، هر سیاسی حیزبیدن (ایستیقلالچی، فئدرالچئ، آغئرلئغئنا و عوضوونون آز-چوخ لوغونا باخمایاراق) بیر نوماینده ایله قورولمالی دیر. آمما چون بیر تعداد اینسانلاریمیز، حیزب عوضوو دئییللر آمما حکرت ده، درین یئر و روللارئ وار، اونلارئندا بو شورادا اولماسی گرکیر کی ایچه ریده بونا "آغساققاللار" اسمی وئریلمیش.
بونلاردان علاوه، آزربایجانین خاریجی قولوندا بیر چوخ اینسان حاقلاری فعاللاری و جمعیتتلری وار. اونلارئندا بو "سیاسی قرار شورا"دا اولماقلاری گرکیر تا هم بشر حاقلاری تامام قرارلاردا گوز اونونده توتولسون، همده آز بیر احتیماللا، بیر عیدده فیکیر و دوشونجه لی آمما تاثیرلی اینسانلار بو شورادان اشیکده قالماسینلار.
بو فیکرین ایجراسی اوچون هر شهرده و هر مملکت ده، اوچ تا بئش (3-5) آزربایجانلی خانیم و آغنئن بیر یئره توپلانماسی و او شهر یا مملکت ده کی تانینمیش حیزبلری، جمعیتتلری وبشر حاقلاری اورگوتلری و تانینمیش میللی دوشونجه صاحیبلرین، لیسته یه آلماقلاری و اونلاری عوضولوگه دعوت اتمک لری کافی گورونور. بو دعوتلر یازیلی اولمالی دیر. جاوابلاردا بیر آز موددت ایچینده، یازئلی شکیلده وئریمه لی دیر تا هر عمل، مکتوبلانسین و دانیشیق اساسیندا، اولماسین. دعوت اولان اینسانلار، باشقالاریندا به شورایا موعرریفی اده بیلرلر.
هر مملکتدخ قورولان شورالاردان، بیر نفرین حوضورو ایله، بیر مرکزی و بین المیلل شورا اورتایا خیخار تا آزربایجانین میللی منافعین مودافیعه اتسین. نئجه کی ایچری قولون شهرلریندن، اوستان و اوستانلاردان، "تورک مشورت و قرار شورای" حیات تاپار.
بئله لیک ایله، آزربایجان، گئچیجی و "اینقیلاب مشورت و سیاسی قرار شورا"لارینا مالیک اولار. بو شورالار،هر سوییه ده، ایش باشلار و او شهرین یا مملکتین ایمکان و دورومونا باخاراق، ایشلری ایره لی آپارار.
بلکه بو فیکیر بیر چیی (خام) فیکیر اولابیلر آمما بونو اوخویان دوستلار، بو فیکیرین اساسئنا زوم و توججوه اتسین لر. لوطفن، قیمتلی واختلاریزی، منی و فیکیریمی تنقید اتمک ایله زای اتمئیین و آماجا دوغرو آددیملاسین.
آزربایجانئن اودوب-اودوزماسی، بیزه و شورالارئمیزا باغلی دیر. بیرلیک بو شورالارلا یارانیر.
بلکه بو شورالار، جمعییتیمیزین یوزده یوزونون (100/100) فیکیر و ایستگین نوماینده لیک اتمز آمما یوزده اللیسین کی نوماتیندهلیک ادر. بس اگر بیزیم گئچیجی یا مووققت شورالاریمیز آزربایجان خالقینین یارئسین بئله نوماینده لیک اتسه و اونلاری حرکته گتیریرسه، بیز بو گوندن، یوزلر قات اونده اولارئق!
بو شورا بو گون یارانماز ایسه، هم گئج دیر، همده اودوزان فقط آزربایجان خالقی، خیزبلری و بشر حاقلاری و دوشونجه صاحیبلری دیرلر.
انصافعلی هدایت
نیه کی ایندیلیکده ایراندا جیددی بیر حرکت گئدیر. بو حرکت میللی دیر و خالقا باغلئدیر یا اجنبی لرین بو ایشده اللری وار، اونم داشئمئر. او کی اونملی دیر، بو دور کی ایرندا بیر حرکت وار. بو حرکت هارا گئدیر؟ نه ایستیر؟ اینقیلاب دیر؟ رژیم دن گئچمه دیر؟ یئنی بیر سیاسی رژیم قورما چاباشی دئر؟ و ... هر نه دیر ایسه، بیر شئی گئدیر.
اونملی بو دور کی آزربایجان نه ایستیر؟ ایستک لرینه نئجه ال تاپاجاق؟ بو حادیثه دن هانکی میللی منفعت لری الده اده جک؟ موذاکیره اده جک می؟ یوخسا تک باشئنا گئده جک می؟ موذاکیره ادیرسه، ایرانئن گله جهگینده نئجه شیراکت اده جک؟ موستقیل و تک جانینا یورور ایسه، نئجه بو جریاندا سالیم باش چیغارداجاق؟ یارانان حرکتی، کیم لر آزربایجان منافعی اوچون یوللاندئراجاقلار؟
بو جور سورولار چوخ دور. ایللر دیر، تاریخی فورصت لری الدن وئرمیشیک و بیر سیستیم یاراتمامیشیق کی ائوز آرامئزدا ایش بیرلیک یارانسین و ایشلییه بیلک و هر جور بیر رژیم و سیاسی گئچیشه، حاضیرلئغئمئز ائلسون!
ایندی ایسه اطرافیمیز دئییشیر و بیز بو دئییشیمین اورتاسئندایئق آمما حالا مسئله نین اونمین دوشونموروک!
ایندیکی دورومدا، ایران رئژیمی و سیاسی سیستیمی، ان ضعییف دورومدا دیر. بو دورومدا، آزربایجان نه ایستیر؟ بو ایستک لری نئجه حیاتا گئچیرجک دیر؟ ایش بیلریک اده جک می اتمیه جکمی؟ میللی منافعی نئجه تامین اده جک؟ یوخسا دوروب، گوزلییه جک تا فارس اونا حاق و سهم وئرسین؟
آزربایجان ایسترسه ایستیقلال، ایسترسه فدرال، ایسترسه خودموختارلیق، ایسترسه کنفدرال، ایسترسه آنا دیلی حاققی، ایسترسه بیر ایالت اولماق، ایسترسه نئچه ایالت له ره بولونمک و... قارشئسئندا دیر.
لاکئن، قارا بختلیک بودور کی، بو دورمکلری توتماغا و یئمهگه ایمکانیمیز یوخ کیمی گورونور. ایشین سونون دا، آزربایجانین باشی بورکسوز قالاجاق کیمی گورونور. مشروطه کیمی گورونور. ایللا کی آزربایجان دوشونجه صاحیبلری و سیاستچی لری، ائوز شخصی و حیزبی منفعتلریندن بیر آز گئچیب، آزربایجانین و تورک خالقئمئزین گله جگین دوشونسون لر.
ههله لیک، ایراندا گئدن حرکتلرده تاثیریمیزی بوراخماق، اوندا رول اویناماق، یئر و سهم آلماق دوشونجه سی بیزده حاکیم دئییل. یعنی سیاسی باخئشیمیز، صئفئر (0) دیر. هئش بیلینمیر کی آزربایجانین سسی کیم یدر؟ سس واریسه، هاردان گلیر؟ آزربایجان نه یا نه لر ایستیر؟ هر کیم، بیر گوشه ده، (تانئنان، تانئنمایان) آزربایجان آدینا سوز اورتایا آتیر. چوخ زامان گورونور کی میللی منافعی و اوزون زامانلی دوشونولمور. نیه بو آداملار، قیسسا زامانلی منفعت لری دوشونور؟ یوخسا هامئ ایران و ایططیلاعاتا باغلئ دیر؟
هئش کیمی ایتتیهاملاماق اولماز و دوز ده دئییل. ایتتیهاملاماق گرکیر ایسه، آزربایجانین حیزبلری و حیزبلرینین لیدرلری اتتیهاملانمالی دیرلار.اونلار، بیر بویوک ایددیعا اوچون، مئیدانا گلمیش لر. بو عظیم ایددیعانین، واجیب اولان و گورونمه لی یول و یونتملری وار و اولمالی دیر. اگرده یوخیسه، یارادیلمالی دیر و بو او پارتیلرین ان واجیب ایشلری دیر. بونلار گلجگی (کی بو گون دور) گئچمیش ده گورمهلی دیرلر و بو گون اوچون، حاضیرلیق آپارمالی دیرلر.
ایندی زامان گلیب چاتیب. ایتتیهاملاما و داوا واختی دئییل. آلده اولان آمما آز فورصتلری الدن وئرمهمک گرکیر.
منجه، تبعیدده پارلیمان یاراتماق دان داها اوزاق دایئق. داها قئسسا بیر زاماندا، کیچیک بیچیمده "سیاسی قرار مرکزی" یارادیلمالی دیر تا آزربایجانا بیر یئردن امیر گلسین و خالق و سیاسی و فعال دوشونجه صاحیب لری، اورانی آزربایجانین یئنی سیاسی قیبلاسی کیمی تقدیم ادیب و قبول اتسین لر. یوخسا، اودوزمامئزا، شک اتمئیین!
منیم اونریم بیر "سیاسی قرار شورا" سیستیمی دیر. من بو شورانی ایکی سویه ده گورورم:
1. خاریجی قول یا تبعید شوراسی
2. ایچ قوللار و عمل-مشورت شوراسی
بو ایکی قولو بو جهت دن واجیب گورورم کی ایچه ری قول، ائوز ائوزه موجود رژیم یا گلن رژیم ایله دورمالی و عئضئلری تانئناجاق. اونلاری تهلوکیه سالماماق گرکیر آمما اونلاردا گرک لازیم شهامتلری اولسون و "آزربایجان ایچ قرار شوراسی" آدینا دانیشیب و ایش لری ایرلی آپارسین لار. یعنی، بیر آز یوموشاق و داها پولوتیک اولابیلرلر کی بونا "سافت لیدرلیک" دئمک اولور.
خاریج و تبعید قولو داها "هارد" و "سرت" اولابیلمک مجبورییتینده دیر. چون، ایران و رژیم ضیدلی قرارلار وئرمک دوروموندا دیر. داها جیددی آدلیملار آتماغا مجبور دور. سیاسی اویونلارلا بیرلیم اتمک و اونلاردان آیرئلماق و یئنی سیاسی قرارلارا یورومک مجبورییتینده دیر.
ایج قولدا، ان اونملیسی، ایران بویوتوندا بیر "بویوک مشورت و قرار شوراسی" یارانماسی دیر آمما عینی حالدا بو شورا، شهرلر و کیچیک شورالارین یارانماسی ایله موخالیف دئییل. گرک هر شهرده (کیچیک یا بویوک شهرلر فرق اتمز) بیر "قرار و مشورت سوراسی" قورولسون. طبیعی کی هر شهرین میللی فعاللاری، بیر بیرلرین تانئرلار. بیر عیدده یه شک و شوبهه لری وار آمما اونلارلا بئله ایشله مه گه مجبور دورلار. بونون اوچون ده، یوموشاق (سافت) اولمالی دیرلار.
هر شهرده بیر "... شهر مشورت و قرار شورای" یارانمالی دیر. بو شورانئن، 11 (اون بیر) دن چوخ عوضوو اولمامالی دیر تا راحاتجاسئنا قرار آلسئنلار. بو مشورت و قرار شورالارئنئن هر موضودا ان سون قرارئ، یوزده اللی بیر ایله (100/51) واجیب سایئلمالی. سس وئرمئیین لر بئله، اونون ایجراسئنا، "گوزوم-باشیم اوسته" دئمه لی و توتولموش قراری ،او شهرده ایجرا اتمه لی و او قرارئن ضیددینه هئش بیر جومله دانئشمامالی دئرلار. بو قرار باشقا شهرلره، یئتیریلر. بو شورا عضولری دیگر شهرلرله علاقه ده اولمالی و عین زاماندا اونلاردان بیری یا ایکیسی، خاریجی قول ایله علاقه دار اولمالی دیر.
خاریجی "سرت" یا "هارد" قول، بین المیلل سویه ده و آزربایجانین اونملی قرارلارئن وئرمک آدینا تاسیس اولمالی دئر. بو قول، ایستیقلال، فدرال، کونفدرال، خاریجی دوولت لر و قووه لر ایله امکداشلیق و بویله موضولارلا اویقون ایستیراتیرتتئژیلری یوروتمهگه آماجلانیر. ایچ قول، دوولت و رئژیم طرفیندن ایتتیهاملانماسین، بو قول داها سرت اولمالی دیر. یوخسا ایچ قولون، داها سرت و هارد اولماسئنا هئش بیر موشکول اولمامالی دیر. بلکه حتتی ایچ قول، اینقیلاب و ایستیقلال قراری وئریب و اونو ایجرایا آپارابیلر.
ایچ قول هر شهرده، تانینمیش و داها چوخ گووه نیله بیلیر کیشیلر و خانیملاردان قورولمالی دئر.
خاریجی قول ایسه، هر سیاسی حیزبیدن (ایستیقلالچی، فئدرالچئ، آغئرلئغئنا و عوضوونون آز-چوخ لوغونا باخمایاراق) بیر نوماینده ایله قورولمالی دیر. آمما چون بیر تعداد اینسانلاریمیز، حیزب عوضوو دئییللر آمما حکرت ده، درین یئر و روللارئ وار، اونلارئندا بو شورادا اولماسی گرکیر کی ایچه ریده بونا "آغساققاللار" اسمی وئریلمیش.
بونلاردان علاوه، آزربایجانین خاریجی قولوندا بیر چوخ اینسان حاقلاری فعاللاری و جمعیتتلری وار. اونلارئندا بو "سیاسی قرار شورا"دا اولماقلاری گرکیر تا هم بشر حاقلاری تامام قرارلاردا گوز اونونده توتولسون، همده آز بیر احتیماللا، بیر عیدده فیکیر و دوشونجه لی آمما تاثیرلی اینسانلار بو شورادان اشیکده قالماسینلار.
بو فیکرین ایجراسی اوچون هر شهرده و هر مملکت ده، اوچ تا بئش (3-5) آزربایجانلی خانیم و آغنئن بیر یئره توپلانماسی و او شهر یا مملکت ده کی تانینمیش حیزبلری، جمعیتتلری وبشر حاقلاری اورگوتلری و تانینمیش میللی دوشونجه صاحیبلرین، لیسته یه آلماقلاری و اونلاری عوضولوگه دعوت اتمک لری کافی گورونور. بو دعوتلر یازیلی اولمالی دیر. جاوابلاردا بیر آز موددت ایچینده، یازئلی شکیلده وئریمه لی دیر تا هر عمل، مکتوبلانسین و دانیشیق اساسیندا، اولماسین. دعوت اولان اینسانلار، باشقالاریندا به شورایا موعرریفی اده بیلرلر.
هر مملکتدخ قورولان شورالاردان، بیر نفرین حوضورو ایله، بیر مرکزی و بین المیلل شورا اورتایا خیخار تا آزربایجانین میللی منافعین مودافیعه اتسین. نئجه کی ایچری قولون شهرلریندن، اوستان و اوستانلاردان، "تورک مشورت و قرار شورای" حیات تاپار.
بئله لیک ایله، آزربایجان، گئچیجی و "اینقیلاب مشورت و سیاسی قرار شورا"لارینا مالیک اولار. بو شورالار،هر سوییه ده، ایش باشلار و او شهرین یا مملکتین ایمکان و دورومونا باخاراق، ایشلری ایره لی آپارار.
بلکه بو فیکیر بیر چیی (خام) فیکیر اولابیلر آمما بونو اوخویان دوستلار، بو فیکیرین اساسئنا زوم و توججوه اتسین لر. لوطفن، قیمتلی واختلاریزی، منی و فیکیریمی تنقید اتمک ایله زای اتمئیین و آماجا دوغرو آددیملاسین.
آزربایجانئن اودوب-اودوزماسی، بیزه و شورالارئمیزا باغلی دیر. بیرلیک بو شورالارلا یارانیر.
بلکه بو شورالار، جمعییتیمیزین یوزده یوزونون (100/100) فیکیر و ایستگین نوماینده لیک اتمز آمما یوزده اللیسین کی نوماتیندهلیک ادر. بس اگر بیزیم گئچیجی یا مووققت شورالاریمیز آزربایجان خالقینین یارئسین بئله نوماینده لیک اتسه و اونلاری حرکته گتیریرسه، بیز بو گوندن، یوزلر قات اونده اولارئق!
بو شورا بو گون یارانماز ایسه، هم گئج دیر، همده اودوزان فقط آزربایجان خالقی، خیزبلری و بشر حاقلاری و دوشونجه صاحیبلری دیرلر.
انصافعلی هدایت
03 ژانویه 2018
تورنتو - کانادا
hedayat222@yahoo.com
Comments
Post a Comment