میللی فعاللار اوچون ژورنالیسم 11 ب- عملی ژورنالیسم - خبر یازاق

آزربایجان میللی فعاللار اوچون ژورنالیسم 11 

ب. عملی ژورنالیسم - خبر یازاق



بو درسدهT دورد خبرین لینکین تقدیم اتمیشم. اونلارین اوستونده دانئشیب، خبر یازماغی اورگنیروخ. 

بیر اینجی خبری "اوغوز تی وی" سیته سیندن آلمئشام. "سئل تبریزی باسدی". 

بو خبره دیققت اتسه نیز، خبرین "اصلی عونصولریندن" بیر چوخو یوخ دور. کیم؟ هانکی زامان؟ هاردا؟ نیه؟ نمه نه؟ نجور؟ کیمی سورولارین بیر چوخونا جاواب وئریلمئییب دیر. ادیت یا ایصلاح اوچون ده بیر نئچه نوکته یه، بارماق باسماق اولار.

ایکینجی لینک، "مهر خبر آژانس"ئندان گوتورولوب. بو بویوک و بیر نئچه ایللیک خبر آژانسئنئن تیتری"عامل نشریه توهین کننده به طرفداران تراکتورسازی دستگیر شد" چوخ ایرادلئ دیر. خبرین ایچی تبلیغاتلا دولو دور و خبرین اصلیندن و ائوزوندن بیر اثر یوخ دور. خبرده، سورولارئن هئش بیرینه جاواب وئرمئییب دیر.

اوچونجو خبری "آی خبر" سیته سیندن سئچمیشم. خبر "تبریزده نظامی گنجوی نین قورولتایی کئچیریله جک" باشلئغی داشئر و تورکجه ده دیر آمما بو خبر دئییل. بیر آگهی یا "رئکلام" دیر. 

او خبرلر کی (ایراندا) گله جهگه یول آچیر و گله جه کده بیر ایش اولماق سوزو وار، خبر دئییل، بلکه پروپاگاندا و آگهی دیر. 

بو جور خبرلر، جامعه نی یوموشالتماق اوچون یایئلئر و خالقین ایستگی قارشئسئندا، میللته ایچی بوش وعده وئریلیر آمما اونلارا عمل اولماز. 

بونون اوچون، او خبرلر، میللی فعاللار یا اینقیلابچی ژورنالیست لرین قلمینه گلمه مه لی دیر. 

نیه کیرئژیم، بو یوللا تبلیغات ادیر و خالقا تلقین ادیر؛ من سیزه ایشلیرم. 

خالق بیلمیر کی دوولت، ایشله میر. میللت دئییر؛ اگر یالان و ایچی بوش خبر اولسایدی، قازتلر و درگیلر یا اینقیلابچی ژورنالیست لر یازمازدیرلار.

دورد اینجی لینک، تبریزین یارئم عصریدن چوخ تاریخی اولان بیر مطبوعه دن گوتورولوب. بو مطبوعه نین، بو گونکو خبرلرینین (اوست اوسته) بوتون خبر آدیله وئردیکلری خبرلر، دئوولت "پروپاگاندا و تبلیغاتئ" دیرلار تا آزربایجان و فارسیستانئن آزربایجاندا اولان مودورلر و رئیس لرین "یاخجی" و "چالئشقان" آداملار گوسترسینلر. 

روزنامه بو خبرلرین چا اولماسی اوچون دوولتدن بیر چوخ میقداردا پول آلئب.

بو درسده هر دورد لینکی ده اولان خبرلری، خبر یازماق اوصوللاری ایله نقد ادیب، اونلارئن عیب، ایرادلارئن آچماغا و یازارلارئمئزا تانئتماغا جهد ادیرم!

ژورنالیست لریمیز، بارماق باسئلان نوقطه لره دیققت اتسه لر، خبرلری داها گوزل یازئلار و خالقئمئزا خیدمت ادر!



منی اینتیقادلارئزدان محروم قویمایئن!

انصافعلی هدایت

تورنتو - کانادا

اوتوز ژانویه 2018

hedayat222@yahoo.com