آزربایجان میللی فعاللار اوچون ژورنالیسم 7
الف- تئوری -سورقولاما
سورقولاما تکجه ضییالئلئق و تجروبه علم لری عالیملیک نیشانه سی دئییل بلکه ژورنالیستلیگین آان اونملی آیرئنتئسی دیر!
هر خبر و اینفورماسییا یا ایططیلاعات، بیر سئرا منافع و سورقولاردان گئچیب، سانسور اولوب و بیزیم الیمیزه چاتار. اگر قرار دیر همنی کی بیزیم الیمیزه گلیب چاتان خبری یازاق و یایاق، نیه ژورنالیست اولوروق؟ کوپی-پئیست ادن لر بونو داها گوزل باشارئرلار.
ژورنالیستلر ایله کوپی-پیست ادن لرین فرقلری بوردا دیر کی ژورنالیست لر هر حادیثه، خبر و انفورماسییا یا معلوماتی سورقولارلار.
هله کی سورقولار، اصلا بیر بیرلرینه بنزرلی اولمامالی دیر. اگر بیر حادیثه نی یا معلومانی 10000 ژورنالیست یازیر و اونلار 9999 سورقونو سوروبلار و بئله گورونور کی داها فرقیلی سورقو سورماغا یئر یوخ دور، ژورنالیست گرک او خبری یا معلوماتی یایماق دا ال ساخلاسین.
نیه کی، اگراونون باخئش آچئسئنئن، او بیری ژورنالیستلر ایله فرقی اولماسا، نیه اونو یازیر؟
او هر شئیه، یئنی آچئدان بیر نئجه سورقو یاراتمالی و هر بیر معلوماتا و خبره یئنی بیر باخئش و پئنجره آچمالی دیر.
نیه کی ژورنالیست، جامعه ده یاشایان اینسانلارئن ذهنین آچماقلا حوکوملو دور و بو ضییالئلئقئن ان اونملی ایشی دیر. بئله لیکله گورونور کی ژورنالیستلیک "ضییالئلئق دیر!
بیر دوغرو و دوزگون ژورنالیستین ایشی، خالقا فیکیر و باخئش و عینی حالدا، ضیالئلئق توحفه اتمه لی دیر!
بو بحثه ویدئودا دیققلتی اولمانئزئ خواهیش ادیرم!
انصافعلی هدایت
تورنتو - کانادا
16 ژانویه 2018
hedayat222@yahoo.com
No comments:
Post a Comment