آزربایجان اویرنجی حرکاتی سورولاری جاوابلیر - بیزاینجی بولوم
آزربایجان اویرنجی حرکاتی سورولاری جاوابلیر - بیزاینجی بولوم
دوشونجه باغی اوتاقینین ایش قورالی
عزیز و حورمتلی گونئی آزربایجان سیاسی تشکیلاتلار منصوبلاری
سالاملار و سایقیلار
گونئی آزربایجان «دوشونجه باغی» اوتاقینا خوش گلمیسینیز
دوشونجه باغی-نین ایش قوراللاری:
الیف - انصافعلی هدایت، طرفسیز اولاراق، بو اوتاقی ایداره اده‌جک
ب - سیزلردن سورولاری انصافعلی هدایت سوراجاق
ت - سیزلر، انصافعلی هدایت-دن سورو سورامازسینیز
ث - اگر وطنداشلاردان، قونو حاقدا، سورقولار گلیرسه، آدی بلی اولان وطنداشلار سورو سورابیلر و هدایت او سورولاری سیزلره یونلتیر
پ - هر کس، تشکیلاتیندا اولان یئر یا منصوبیتی و سوی آدی ایله خیطاب اولاجاق
ح - هر سیاسی تشکیلاتین واختی، او تشکیلاتین سورولارا جاواب وئردیگی قدر دیر. مومکون دور اوتورم بیر ساحات یادا بئش ساحات سورسون
خ - اگر سورولار و جاوابلار بیر گونده (دورد ساحاتدا) بیتمزسه، آرا دوشمه‌دن و آردی کسیلمه‌دن، ایکینجی یا اوچ اونجو گونلرده ده داوام اده‌بیلیر
ج - سورولارین جاوابی اولدوقجا خولاصه و موستقیم اولمالی دیر. بونون تشخیصی انصافعلی هدایت-ه باغلی دیر
چ - اگر پارتی منصوبلاری، سوالا، جاواب وئرمک‌دن قاچینیرسا یا جاوابدا حاشیه‌یه گئدیرسه، انصافعلی هدایت قوناقین صوحبتین کسیب، سورونو یئنی دن سوراجاق
ش - سورولارین جاوابی قانع ادیجی اولدو یا اولمادی، انصافعلی هدایت-ین تشخیصینه باغلی اولاجاق. قوناقلارین سونکو جاواب حاقی وار
س - سورودا و جاوابلاردا، هئش بیر شخصه و تشکیلاتا ادبسیزلیک، آجی سوز، پیس صیفتلر وئرلیلمییه‌جک
ص - اگر جاوابلاردا، هر بیر بیرئیه یا تشکیلاتا توهین، ایفتیرا، تحقیر و منفی صیفت دیله گلیرسه، او فرد و تشکیلاتا جاواب حاقی وئریله جک
ض - همن بیرئی یا تشکیلاتین حاقی وار، عاینی زماندا، سوز آلیب جاواب وئرسین یا گلن اوتوروملاردا حضور تاپیب، جاوابلاسین
ط - توهین، ایفتیرا، تحقیر، کوتو صیفتلرین تشخیصی، آدی چکیلن فردلر و تشکیلاتلاردان علاوه، انصافعلی هدایت ایله دیر
ظ - اگر ”دوشونجه باغی“نین قوناقی بیر شخصین آدین چکیب، اونو یا او باغلی اولان تشکیلاتی تنقد ادرسه یا اونلارا بیر صیفت باغلارسا یا اونلاری سورقو آلتینا آلیرسا، و ... انصافعلی هدایت، او بیرئیی یا تشکیلاتی، همن جلسه یا سونکو ایجلاسدا جاواب اوچون دعوت اده‌جک
ع - «دوشونجه باغی» اوتاقی، ادب ارکان، معریفت، سایقی و حورمت اوزره قورولاجاق
غ - اگر قوناقلار، هر بیرئیین و تشکیلاتین آدین گتیرمک زوروندا قالیرسالار، سایقیلی و حورمتلی سوزلر ایله او بیرئیی و تشکیلاتین آدین سسلندیره جک‌لر
ف - اوتاق باشلاناندان سونونا دک، هر قوناقین منفی و سایقیسیز سوزلری، بیر منفی نومره حساب اولوب، اعلان اولاجاق
ق - هر ایجالسین سونوندا، سایقیسیز سوزلرین سایی اوزرینده، منفی نومره‌نین سایی اعلام اولاجاق. بئله لیک ایله، او فرد و تشکیلات، منفی نمره ایله تانیناجاق
ک - منفی نومره‌سی آز اولان یا اصلا منفی نومره سی اولمایان تشکیلات و اونون منصوبو، «اردملی»، «ان اردملی» و «میللی اردملی» صیفتینه لاییق گورونوب، توپلوما و همن ایجالسین و سونراکی ایجلاسلارین سونوندا تانیدیلاجاق دیر
توم تشکیلاتلاریمیزین و منصوبلارینین «میللی اردملی» اولمالارینی دیلر و هر بیریندن، ائوزلرین، میللتیمیزه، ان گوزل، ادبلی، ادبی و سیاسال سوزلر ایله و خولاصه اولاراق تانئدیلماسینی ریجا ادیرم
.بو یازی «دوشونجه باغی» نین ایش قوراللاری دیر و میللتیمیز ده سونولاجاق دیر
(اوچ گون سونرا، آشاغا بولوم سیلیندی)
سایین تشکیلات منصوبلاری، اگر بو ایش قوراللارینا آرتیرماق ایستیرسه‌نیز یا اونا تنقیدینیز وارسا یا
اونا داها بیر اصل آرتیرماق ایستیرسه نیز، لوطفن، اوچ گون ایچینده، تکلیفینیزی یازیلی اولاراق گوندرمه نیزی ریجا ادیرم.
اگر اوچ گون ایچینده یازیلی تکلیف گلمز ایسه، بو اساسنامه، همن تشکیلاتلارین طرفیندن قبول اولموش حساب اوالجاق.
سایقی لاریملا
انصافعلی هدایت
دوشونجه باغی اوتاقینین سورولاری
بو سورولار، توم گونئی آزربایجان سیاسی تشکیلاتلارین منصوبلاریندان، همده آیری آیری سورولاجاق دیر.
بو سورولاردان علاوه، سورولاردا اورتایا چیخابیلیر یادا تیکرار اولابیلیر.
تشکیلات منصوبلاری، هر عاغلا گلن-گلمه ین سورولارا، همن جاواب وئرمک مجبورییتینده دئییل لر. بلکه بعضی سورولارین جاوابین، باشقا اوتوروملارا حواله اده بیلیرلر.
تشکیلاتلانما سیستیمی
لوطفن، اوزونوزو و تشکیلاتینیزی تانیتدیرین؟
- تشکیلاتینیز هانکی تاریخده و شرطلرده و هانکی قونولارا جاواب وئرمک آماج اساسیندا قورولوب؟
- حیزب و تشکیلاتین آنلامی نه دیر؟
- حیزب و تشکیلاتین ضرورتی نه دیر؟
- حیزب و تشکیلاتین آماجی نه دیر؟
- نئجه تشکیلاتلانماق اولار؟
- سیزین تشکیلات نئجه قورولدو؟ نییه ایستیقلال؟ نییه فئدراال؟ یا نییه ... ؟
- تشکیلاتینیزین پرنسیپلری هانکی لار دیر؟
- هر بیر تشکیلاتین ان اونملی ایشلری نه لر دیر؟
- بیر تشکیلاتی قورماق اوچون اساسلار کی لازیم دیر، نه لردیر؟
- سیزین منصوب اولدوقونوز تشکیلاتین ایداره سیستیمی نئچه مرحله لی دیر؟
- سیزین تشکیلاتین مدرسه سی، اوکولو، تعلیم سیستیمی وارمی؟
- سیزین تشکیلاتین یازیلی ایدئولوژیسی وار می؟
- تشکیلاتینیز مالی اولاراق نئجه تامین اولور؟
- سیز اوزونوزو، آزربایجان پارتی و تشکیلاتلارینین بیرینین لیدئری گوروسونوز یوخسا ائوزونوزو گونئی آزربایجان لیدئری کیمی گوروسونوز؟
- لیدئرلیک حاقدا، نه لر دوشونورسونوز؟
- سیزین اونردیگینیز بایراق، پارتی بایراقی می دیر یوخسا گونئی آزربایجانین سیاسی بایراقی دیرمی؟
- گونئی آزربایجانلیلارا و تورکلره، سیزه و سیاسته ماراقلی اولانلارا، سیزین تشکیلات، تشکیلاتین آماجلارین، ایستک لرین، پئلانلارین و ... اوخویوب، تانیماسی اوچون، هانکی کاناللاری و یوللاری آچمیسینیز؟
- هانکی واسیطه لر و یوللارلا گونئی آزربایجانلیلار ایله گونده لیک علاقه ده سینیز؟
- سیزین تشکیلاتئنیز، اوزون، هارانین، کیملرین و هانکی جوغرافیانین سیاسی تشکیلاتی بیلیر؟
- سیزین اوچون؛ 1- ایران-ایرانلیلار، 2. ایرانداکی تورکلر-آزربایجانلیلار، 3. آزربایجانلیلار، بونلاردان هانکیسی ایستیراتئژیک اونم داشیر و سیاستیزین مرکزینده دیر؟
- سیزین ان اونملی سیاسی ایستیراتئژینیز یا ان اوستون آماجینیز نه لر دیر؟
دوولتلر، دوشمن، دوست و رقیبلر
دوولتلر ایله سیزین تشکیلاتین ایلگیسی، هانکی اوصول اوزه رینه قورقولانیر؟
- دونیا اوزرینده اولان دوولت لره نئجه باخیرسینیز؟
- دوولتلرله اولابیله جک ایلگینیزی نئجه تعریف ادیرسینیز؟
- عجبا سیزین تشکیلات بیر دوولته باغلی دیر می؟
- تشکیلاتلارین هانکی بیر خاریجی دوولته باغلی اولماسینا نئجه باخیرسینیز؟
- تشکیلاتلارین و هر تورلو فعالیت ادنلرین خاریجی ائولکه لردن مالی یاردیم آلمالارینا نئجه یاخینلاشیرسینیز؟
- سیاسی اولاراق هانکی دوولتین سیاستلرینه یاخین سینیز؟
- ایدئولوژیک اولاراق هانکی دوولتین ایدئولوژیسینه یا هانکی ایدئولوژییه یاخین سینیز یا هانکی ایدئولوژینی اوزرینده قورولموسونوز؟
- حوقوقی اولاراق هانکی دوولته یاخین سینیز یا هانکی دوولتی حوقوقی اولگو سئچیرسینیز؟
- سیزین تشکیلات، تورک یا آزربایجان توپلومون ایداره اتمک آماجلا، بیر حقوق سیتیمی تعریف اتمیش می؟
- ایداره سیستیمی اولاراق هانکی دوولتین ایداره سیستیمینه یاخین سینیز؟
- هانکی دولت لره یا میللت لره یاخین اولماقی دوشونورسونوز؟
- هانکی دوولتلری دوشمن تانیرسینیز؟
- هانکی میللت لری و دوولتلری رقیب تانیرسینیز؟
- رقیب دوولت لره قارشی نئجه بیر سیاستلر و ایستیراتئژی لر دوشونورسونوز؟
- دوشمن تانیملادیقینیز دوولت لره قارشی هانکی ایستیراتئژی لر و سیاستلری گوتوره جکسینیز؟
- هانکی دوولت لری و میللت لری، دوست دوولت و میللت تانیرسینیز؟
- هانکی ائوزللیک لرله (خوصوصیات-ویژگی ها) بیر دوولتی دوشمن، او بیریسین دوست و او بیریسین ده رقیب سایئرسینیز؟
- تعریفینیز دوشمن دن، دوستدان و رقیبدن نه لردیر؟
- دوشمن تانیدیقینیز میللت لر و دوولت لرله، تشکیلاتلارلا بیر یئره گلمک ایمکانینیز وارمی دیر؟
- رقیبلرله امکداشلیقا نئجه باخیرسینیز؟
- سیز تشکیلاتدا، گونئی آزربایجانین سیاسی تشکیلاتلارین (ایستیقلالچی، فئدرالچی، ایرانچی، و ... لاری دوشمن گورورسونوز، رقیب یا دوست؟
سایقیلارلا
دوشونجه باغی
انصافعلی هدایت
Comments
Post a Comment