هرکس آزربایجانین موشکوللرین یازسین
هرکس آزربایجانین موشکوللرین یازسین
یازدی:
سلام. وقتیز خیر اولسون! بیر فیکریم وار. تاثیر وسونوج لارینا فکر ایدیرم. ادنا بو کی بیر کمپین یولا سالینا بو عنوان دا "نامه به رئیس جمهور". هر کس اوز منطقه‌سینده اولان مشکلات و ایستک‌لرینی مجازی فضا دا پایلاشا. فکر ایلیرم، ایران چرچیوه سینده قانونی مشکلی ده اولمیا اما نتیجه سی تورک میلتینه پیس اولماز. سیزین فیکریز ندی؟
یازدیم:
چوخ گوزل فیکیر دیر آمما بو شرطله کی، موشکوللرین ان باشیندا بونلار یازیلسین:
۱.تورکلرین میللی و موستقیل دولتی یوخ دور.
۲. تورک دیلینده مدرسه میز یوخ دور.
۳. میللی و ادبی دیلده ایگیرمی دور ساحاتلیق رادیو و تیلویزیونوموز یوخ دور.
۴. آزربایجانلیلارین بیر میللی بانکلاری یوخ دور.
۵. ادبی و اورتاق تورک دیلینده مطبوعاتیمیز یوخ دور.
۶. میللی-سیاسی پارتیلریمیز یوخ دور کی بیزیم بولگه‌لریمیزین موشکوللری اوچون کمپین یاراتسین.
۷. دیلیمیزین و میللتیمیزین "ملی دیل و کولتور قورومو" یوخ دور.
۸. ایران مجلیسینده کیلر، بیز تورکلرین نوماینده‌سی دئییل. بیزیم مهندیسلیق اولمامیش سئچگیه و نوماینده‌لره احتیاجیمیز وار.
۹. اورمو گولو، بیزیم اوچون چوخ اونملی و تورکلرین اولوم-قالیم ساواشی دیر. اونو دولدورماق لازیم دیر.
۱۰. بیزیم وطنیمیزین معدنلرین آزربایجانلی ثروتلیلر و آزربایجانلی الی ایله چیخاریلمالی دیر.
۱۱. بیزیم یئر آلتی قایناقلاریمیز اوز وطنیمیزه ایشله‌نیلمه‌لی و جوربه‌جور محصولا چئویریلیب، ساتیلمالی دیر.
۱۲. بیزیم اینسانلاریمیزا، اوز وطنیمیزده ایش اولمالی‌دیر کب باشقا یئره کوچمه‌مه‌سین‌لر.
۱۳. بیزیم وطنین، ایللر بویو تالان اولماسینین جوبرانی اوچون، ایصفهانا قویولان سرمایه‌لرین، نئچه قاتین بیزیم وطنه ده یاتیرمالی دیر.
۱۴. بیزیم وطنین فارس بولگه‌لریندن داها چوخ تاریخی، طبیعی و اینسانی و ... چکیجی گوزللیکلری وار. ازربایجانین توریسم ایشلری، ایرانین توم بولگه‌لرینین ان باشیندا گلمه‌لی دیر.
۱۵. بیز قونشو تورک، قارداش دوولت و میللتلرله، سرحدسیز گل گئت و آل وئر ایستیریک.
۱۶. تورکلر یاشایان یئرلرده اولان دانیشگاهلاردا، بیزیم وطنیمیز و میللتیمیز له ایلگیلی علمی آراشدیرمالار آپاریلمالی دیر.
و ... هر کس، عاغلینا گلن مسئله‌لری علاوه ادیب یایابیلیر. حتی بو کمپین پولادوشورسه و تشتک وورولورسا، بیر یئرده توپلانابیلیر. اونلارین اوزرینده آراشدیرمالار آپارماق اولابیلیر.
سایقیلارلا
انصافعلی هدایت
Comments
Post a Comment