گونئی آزربایجان میللی فعاللار اوچون ژورنالیسم 31 الف- تئوری- رهبر یاراتماق
گونئی آزربایجان میللی فعاللار اوچون ژورنالیسم 31
الف- تئوری- رهبر یاراتماق
الف- تئوری- رهبر یاراتماق
بو درسین موضوعسو "رهبر یاراتماق" دیر. معگر رهبر یاراتماق، همده میدیادا و ژورنالیست لرین اللریله مومکون دور؟
قدیم زامانلاردا، رهبرلر، تاریخین یوروشونده، آنادان دوغولارکن، "آتا-آنا" و "قان" سببیله، رهبر دوغولار دیر. بیر خان و شاهئن اوغلونون چاراسی یوخییدی ایللا کی "خان" و "شاه" یا رهبر اولسون.
بو سیستیم بعضی حالدا، او جومله دن ایجتیماعی اینقیلابلاردان دولایی، دئییشه بیلرمیش آمما بو استثنالارا چوخ آز راسلاشماق مومکون دور.
بو "دزگاه" (دستگاه)، گئچمیش دئورانلارا عایید بیر ایجتیماعی "حتمییت" (قاچئلمامازلئق) ایمیش.
لاکن بو عصریده، همن ایجتیماعی یونتم یئرینده اولاراق، میدیا و ژورنالیسمین ده بویوک یئری وار. اولابیلر، بیر آدام قاندان دولایئ رهبر دوغسون آمما "شهرلشمک"، بو ایمکانی او عاییله یه و آداما وئرمک شانسین آلئب. اونون یئرینه، سیاسی جیزبلر و میدیالاری اوتوردوب.
میدیالاردا چالئشان اینسانلار، آیئق اولمازلارسا، سیاستچی لر و زیرنگ حوققابازلار، اونلارئن قاباغئنا بیر سوموک (کمیک) آتئب، ژورنالیست لری و میدیالارئن باشئن قاتارلار. یادا، باشلارئنا بیر توربا آسئب، ایچین، ایسته دیگ لری "یالان-دوغرو" خبرلر ایله دولدورارلار.
ژورنالیست لر و یازارلار، سئوینرلرکی "جیددی" بیر موضوع تاپئبلار آمما اصلینده، سیاستچی لر و حوققابازلار، توبالارئنا توکدوگو خبرلری "گوشیرلر" یا (نوشخار) ادیر.
بودا سبب اولور تا سیاستچی لر و حوققابازلار، آرخادا ایسته دیکلری اصلی ایشی، ایجتیماعنئن خبرسیزلیگینده و ژورنالیست لرین گوشه دیکلری و خلسه ده اولدوقلارئ حالدا، آپارسئنلار.
ایکینجی سی بودور؛ میدیا، همده بو چاغدا، دوغرو وطن پرست و میللتچی اینسانلاری آختارئب تاپمالئ دئر. اونلارئ خالقا یئتیرمه لی دیر. بئله لیک له، خالق اونلارئن فیکیر و دوشونجه سیله تانئش اولور.
بو مئیداندا، هر کیم وطنه و میللته داها دوغرو فیکیر و ایمکان یارادئرسا، او، خالقئن سسین آلئر و هر گون خالقئن سایقئسئن قازاناراق، پیلله لری بیر بیر یوخارئ چئخئر تا توپلومون سیاسی رهبرین دوغسون.
بو، میدیانئن ایشی دیر. نیه کی اگر بیر اینسان (خانیم یا خان) دونیانئن ان ده گرلی فیکیرلری و دوشونجه لرینه مالیک اولورسا آمما میدیا اورتاقلئقیله خالقا تانئنمازسا، "یوخ" حوکمونده اولوب، سیاستده یئر آلابیلمز.
میدیا و یازارلار مئیدانا گلیر ایسه، فیکیر و ایمکان یارادان آداملاری تانئدئرسا، اونلارا سیاست و رهبرلیک قاپئسئ آچئلار.
بئله لیکله، میدیا، هم رهبری دوغار، همده گومر.
یعنی هر بیر رهبرین اولوموده، گوجلو یازارلار و میدیانئن الینده دیر.
انصافعلی هدایت
تورنتو - کانادا
اون ایکی اپریل 2018
hedayat222@yahoo.com
قدیم زامانلاردا، رهبرلر، تاریخین یوروشونده، آنادان دوغولارکن، "آتا-آنا" و "قان" سببیله، رهبر دوغولار دیر. بیر خان و شاهئن اوغلونون چاراسی یوخییدی ایللا کی "خان" و "شاه" یا رهبر اولسون.
بو سیستیم بعضی حالدا، او جومله دن ایجتیماعی اینقیلابلاردان دولایی، دئییشه بیلرمیش آمما بو استثنالارا چوخ آز راسلاشماق مومکون دور.
بو "دزگاه" (دستگاه)، گئچمیش دئورانلارا عایید بیر ایجتیماعی "حتمییت" (قاچئلمامازلئق) ایمیش.
لاکن بو عصریده، همن ایجتیماعی یونتم یئرینده اولاراق، میدیا و ژورنالیسمین ده بویوک یئری وار. اولابیلر، بیر آدام قاندان دولایئ رهبر دوغسون آمما "شهرلشمک"، بو ایمکانی او عاییله یه و آداما وئرمک شانسین آلئب. اونون یئرینه، سیاسی جیزبلر و میدیالاری اوتوردوب.
میدیالاردا چالئشان اینسانلار، آیئق اولمازلارسا، سیاستچی لر و زیرنگ حوققابازلار، اونلارئن قاباغئنا بیر سوموک (کمیک) آتئب، ژورنالیست لری و میدیالارئن باشئن قاتارلار. یادا، باشلارئنا بیر توربا آسئب، ایچین، ایسته دیگ لری "یالان-دوغرو" خبرلر ایله دولدورارلار.
ژورنالیست لر و یازارلار، سئوینرلرکی "جیددی" بیر موضوع تاپئبلار آمما اصلینده، سیاستچی لر و حوققابازلار، توبالارئنا توکدوگو خبرلری "گوشیرلر" یا (نوشخار) ادیر.
بودا سبب اولور تا سیاستچی لر و حوققابازلار، آرخادا ایسته دیکلری اصلی ایشی، ایجتیماعنئن خبرسیزلیگینده و ژورنالیست لرین گوشه دیکلری و خلسه ده اولدوقلارئ حالدا، آپارسئنلار.
ایکینجی سی بودور؛ میدیا، همده بو چاغدا، دوغرو وطن پرست و میللتچی اینسانلاری آختارئب تاپمالئ دئر. اونلارئ خالقا یئتیرمه لی دیر. بئله لیک له، خالق اونلارئن فیکیر و دوشونجه سیله تانئش اولور.
بو مئیداندا، هر کیم وطنه و میللته داها دوغرو فیکیر و ایمکان یارادئرسا، او، خالقئن سسین آلئر و هر گون خالقئن سایقئسئن قازاناراق، پیلله لری بیر بیر یوخارئ چئخئر تا توپلومون سیاسی رهبرین دوغسون.
بو، میدیانئن ایشی دیر. نیه کی اگر بیر اینسان (خانیم یا خان) دونیانئن ان ده گرلی فیکیرلری و دوشونجه لرینه مالیک اولورسا آمما میدیا اورتاقلئقیله خالقا تانئنمازسا، "یوخ" حوکمونده اولوب، سیاستده یئر آلابیلمز.
میدیا و یازارلار مئیدانا گلیر ایسه، فیکیر و ایمکان یارادان آداملاری تانئدئرسا، اونلارا سیاست و رهبرلیک قاپئسئ آچئلار.
بئله لیکله، میدیا، هم رهبری دوغار، همده گومر.
یعنی هر بیر رهبرین اولوموده، گوجلو یازارلار و میدیانئن الینده دیر.
انصافعلی هدایت
تورنتو - کانادا
اون ایکی اپریل 2018
hedayat222@yahoo.com
Comments
Post a Comment