آذربایجان گوزلی -- محمدحسین شهریار
انصافعلی هدایت
بو شعری وبلاکلاردا یازیب و دفعه لرجه یایئبلار. او آداملار ایستر ایسته مز، بو شعری اونلار غلط له یازمیشلار. اوزلریدن بو شعره کلمه لر علاوه اتمیشلر و ان آزی، بیر بیتی ده یازمامیشلار و بعضی بیت لری ده دالی قاباخ یازمئیشلار. یازانلار بلکه استاد شهریارین ال یازئسینا استیناد اده رک کلمه لری آذربایجانین ادبی تورکجه سنده یازماغا چالئش میشلار
آمما من (بو لینکی ده کی) اوستادین اوز سسینه دایاناراق، اوستاد شهریارین اوز ایستیفاده اتدیگی کلمه لری نئجه ادا ادیر، اویله یازدیم. شهریارین سسیندن بللی اولدو کی اوستاد شهریار چالئشیر بعضی کلمه لری استانبول دئییشینده ادا اتسین لر. من ده عینی سایاق دا یازدیم
http://youtu.be/VIWbRjXj4eQ
چوخلار اینجیک دی کی سن اونلارا ناز ایله میسن
من ده اینجیک کی منیم نازیمی آز ایله میسن
ائتمیســــن نازی بو ویـــرانه گؤگولده سلطــان
ائـــــوین آبــــاد کی درویشــــــه نیـــاز ایله میسن !
هر باخیشدا چالیـسـان کیپریگی میضـراب کیمی
بیر قولاق وئر بو سینیخ قلبی نه ساز ایله میسن ؟!
باشدان آچ یایلیغی افشان ائله سـوسن سونبـول ...
سن بیـــزیم بایراممیزسان قیشی یاز ایله میسن !
سن گون اول قوی غمی میز داغدا قار اولسون اریسین
منیم آنجــــاق ایشیمی ســـوز و گداز ایله میسن !
کاکلی باشـــــدا بــــوروب باغلامیسـان تاج کیمی
او قیزیل ســاچدان اونا گوللی قوتاز ایله میسن !
من بو معنـــــاده غــــزل یازمـــالی حالیـم یوخودی ...
سن جوجوق تک قوجـانی فیرفیره باز ایله میسن !
سینه بیــــر دشت مغــــاندیر، قوزی یان یانه یاتیب !
منیـــــم آغـــــلار گـــــؤزومی اوردا آراز ایله میسن !
منی بــــو ســـــؤزیله آتـــدون آرالانــــــدون بیلیرم ...
آرانی بیــــــر پـارا نامـــــــردیله ســـاز ایله میسن !
دستماز ایله دوغون چشمــه مسیحا قانی دور !
بیلمیرم هـــــانسی کلیســـــاده نماز ایله میسن ؟
من عشیران اوخوسام، پنجه عراق اوسته گزه ر
گوزه لیم تورک اولالی ترک حجاز ایله میسن
تازا شاعر، بو ده نیز هرنه باکارسان دیبی یوک
چوخ اوزاتسان بو غازین، اورده گی قاز ایله میسن
بسکی زلف و خط و خالین قوپالاغین گوتدون
زلفعلی نین ده باشین آزقالا داز ایله میسن
گل ! منیم ایسته دیگیم کعبه ییخیلماز، اوجالار
باشدا دا کژ گئده سن ، دیبده تراز ایله میسن
بو گوزللیک کی جهاندا سنه وئرمیش تاریم
هر قدر ناز اده سن ایله کی آز ایله میسن
خط و خالوندن آلیب مشقیمی قرآن یازارام
بو حقیقت له منی، اهل مجاز ایله میسن
آی دان اولدوز، بنی سن یاخشی تانیرسان که سحر
افقی خلوت ائدیب راز و نیاز ایله میسن
شهریارون داغولوب، داغدا داشا دالدالانوب
ئوزون انصاف ایله، محمودی ایاز ایله میسن
No comments:
Post a Comment