بیر آنا اولدو بو گون! بیر اوغول تک باشینا دونیا قدر غم داشیر

بیر آنا اولدو

بو گون!

بیر اوغول،

تک باشینا

دونیا قدر غم داشیر

آنا وای

دئییر

گول قئراغیندا

چوخ تاسسوفلر اولسونکی اشیتدوخ، آزربایجان فیکیر و موباریزه پهلوانی، تورک شاعیری و یازاری؛ محمدرضا لوایی جنابلارینین آناسی، ایناندیغی آللهینین رحمتینه قوووشوب دور.

نه قه در بویوک آنا ایمیش کی محمدرضا لوایی کیمی بیر ائولادی دوغوب، امیشدیریب، بویا باشا یئتیشدیریب و آزربایجان اوغورونا و یولونا، فدایی تربیت ادیب.

هر آنادا بویله لایقت اولماز. نئجه کی هر ائولاد، بویله لیاقته صاحیب اولماز.

آنا وار آنا!

بلکه آنالارین بیر چوخو، تئوریک اولاراق بیلمییه لر کی سیاست نه دیر؟ شعر نه در؟ وطن نه دیر؟ میللت نه دیر؟ ایستیقلال نه دیر؟ اینسانلیق نه دیر؟ قانون نه دیر؟ دموکراسی نه دیر؟ دین نه دیر؟ دین سیزلیک نه دیر؟ لائیک اولماق نه دیر؟ دوولت نه دیر؟ و ... ؟؟؟

آمما آنالار، صاف، گوزل و ساده روحلاریندا بونلاری درین درین، ایچ ایچینه دوشونورلر. ایچ لرینده بویلانان و سینه لریندن، شیرین و جان وئریجی سودلریله، او نازیک خیاللار، آخار و اوشاقلارین جانین امیزدیررلر. اوشاقلارین جان ساخسیلارین، او ایکی جوهر لیله الوان ادیرلر! آنالار.

آنالار، اوشاقلارا شئعر اوخورلار. ایله شعر لری که اونلارین شاعیرلری، ائوزلری دیرلر. ایله شعرلر و حیکایه لر کی هوش کیتابدا یازیلماز، تاریخ ده ثبت اولماز، کیمسه اونلاری ازبرله مز و هامی فیکیر ادر، او سوزلر ساده بیر آنانین ساده سوزلردیر کی یئل کیمی گلیب، یئل کیمی گئدر.

حقیقتده بویله دئییل. هر آنا، ائوز ایچینده کی آرزولار، هدفلر، ایستکلر، نییت لر، عشق لر، غم لر، کدرلر، غوربت لر، تکلیک لر، اینسانلیق لار، چتینلیک لر، گولمه لیلر، آغلامالیلار و ... یاشارلار. 

اوشاقلارینا سود وئرن زامان یا بوش زامانلاریندا، آنالاریمیزین ذهین لری، خیاللاریندا بیر یئنی و ایسته دیکلری کیمین، بیر دونیا یارادار.

آنالاریمیز هر نه یی ایسترلرسه، او ذهین دونیاسیندا یارادارلار. بلکه آنالاریمیزین بیر چوخونون ساوادسیز اولدوقلاری اوچون، او دونیانی هئش کیم لرله پایلاشمازلار. بلکه اوتانارلار، ایچ فیکیرلرین و خیاللارین غریبه لره آچیب، دئسین لر. بلکه "اینسانلار مسخره ادیب، گولرلر"، دییه، فیکیرلرین گیزله درلر. بویله ایسه، آنالاریمیزین ذهینسل دونیالاری اولمه گه محکوم دورمو؟

بلکه هئش کیمسه، آنالاریمیزی اونمسه مز و اونا اورگ قولاغین وئرمز آمما آنالاریمیز، ذهینده کی فیکیر و خیال دونیالارین بوراخمازلار. او دونیانی یارادمامیش، اوتورمزلر. اونلارین ائوزلرینه بئله اومودلاری قالماسادا، بالالارینا او خییال دونیاسیندا اومودلاری وار.

آنالار، او فیکیر و دونیانی، سودلری ایله، ناغیللاری ایله، شعرلری، بایاتی لاری، گولمه لری، دوعالاری، لای لای لاری ایله، آغلاماقلاری ایله، غم لری و قوصصه لری ایله، قارقیشلاری، خیاللاری ایله و ...، سود امر بالالارینا یئدیررلر. اوشاقلاری بو خیال دونیاسی ایله بسلرلر. اوشاقلاری، یئنی بیر دونیا قورماق اوچون تربیت ادرلر.

بونلان بیله، هر آنانین ائوزونه مخصوص دونیاسی و آرمانشهری وار و ایستر کی ائولادی یا ائولادلاری او آرامان شهریده یاشاسین.

هر آنا فیکیرینده دونیا قورار و او دونیایا اصلی اویونچولار و رهبرلر سئچر. بو رهبرلر، اونون ائوز بالالاریندان عیبارت دیرلر. قالیب کی آنا نئجه بیر اوتوپیا اوچون، رهبر تربیت اتمه گه مشغول اولسون. بو شهر، اونون گئچمیشیندان، احتیاج دویدوقلاریندان، ایستکلریندن و ... شکیلله نر.

مع العسف، بعضی آنالارین ائولادلاری یا ائولادی، اوغرو اولور، بعضی سینین کی ده ایری. بیر عیده آنالارین بالالاری قتال، اشکنجه چی، زندانچی، اعدامچی، قاچاقچی، جینایتکار، اینسان حاقلارینا اینانمایان، خانیم لارا حاقسیزلیق ادن اولور. 

بیر نئچه لری نین ائولادی یا ائولادلاری میللتین و شرفین حورمتین بیلمه زلر. میللتین، وطنین، ناموسون، توپراقین و خالقین بیگانه لره و ائوزله له ره ساتار یا  غریبه لر اوچون اوز خالقینا خیانت ادر و حتتا اونلاری دوشمانلار منفعتینه قتله یئتیرر. 

وطنی و وطن ائولادین، دوشمان آیاقلارینا سالار. 

بعضی آنالارین بالالاری ائوز منفعتلرین دن باشقا هئش نه یی دوشونمزلر. اونلارین دونیاسیندا هر شئی، پول و ثروتدن عیبارت دیر. اینسانلیق، دوشونجه، میللت، وطن، آزادلیق، دموکراسی، دین و شرف کیمی آنلاملار، اونلاردا اولماز.

آمما بعضی آنالارین خیاللاری هم قهرمان و رهبر ایستر، هم ده قوربالیق. بو آنالار، ائوز سودلرینده، اوشاقلارینا وطنپرورلیک، میللت و خالقنا سئوگل و خورمت، خالقینا ایری باخانا عوصیان، عدایت، عشق، صفا، صمیمییت، آزادلیق و ... وررلر.

بو آنالار ائولادلارین داها چوخ سئورلر. آمما ائوز اولادلارین هو رهبر هو ده ایستک لری اوچون قوربان اولماغا حاضیر ادرلر. بو آنالار، داییما ایکی حیس اورتاسیندا گئت گل ده اولارلار. "هم ائولادیم خوشبخت اولسون هم ده خوشبختلیک یولوندا قوربانلیقا حاضیر اولسون".

هئچ آنا ائولادین دان اوزاق قالماغی ایسته مز. اوزاقلیغا دوزه بیلمز آمما محمدرضا لوایی نین آناسی او آنالاردان دیر کی دیلین دیشلری آراسیندا قویدو و اوغلونون وطنسیزلیک، دردینه دوزمه گه صبر اتدی. اوغلونون غوربتده قالماسینا راضی اولدو! نیه؟ چون او آنانین خیالیندا بیر یئنی دونیا وارمیش. او دونیادان دانیشماسادا، او دونیانی یاراتماق اوچون، اوشاقلاریندان محمدرضانی سئچیب و بیر هدف و ایستک اوچون تربیت وئریب.

محمدرضا لوایی، آناسین، آناسی هدفلری اوچون ائوز اورگینده و جانین دا دیری ساخلامالی و آناسی نین هدفی و ایسته دیگی دونیاسی اوچون داها چوخ چابا گورستمه لی دیر. غیری بو حالدا، او آنانین ایستک لرینه و آرزئ دونیاسینا حیانت اولار. او آنانین ایللر بالاسیندان دولایی چکدیگی چتینلیکلر، هده ره گدر.

بوردا داها بیر سورو وار: نیه آنالار بالالارینا آد قویاندا، مین لر آدین ایچیندن بیر ادی سئچیرلر. اگر آتالار بیر آد سئچه لر کی آنا اونو اوشاقینا لاییق گورمورلر، اوشاق ایکی آدلی اولار.

نیه سنین آدین محمدرضا و منیم آدیم انصافعلی دیر. تصادف و مود اوپون بو آدلاری سنه و منه قویمایب لار. آنالاریمیز بو آدلارین ایچینده، بیر دونیا دوشونجه و معنا آختاریرمیشلار. آرمانشهرلرین بو آدلارداکی وعنالاردا گوروموش لر. بیر بو آدلارین درین معنالارین و آنالاریمیزین درین آرمانشهعرلرین آختاریب تاپیب، و آنالاریمیز اوچون، اونلارین خیال دونیالارین حقیقه ته پئورمک مسئولییه تیمیز وار. یوخ مو دور؟