شیعه چیلیکدن فارثلار علاوه اتدیکلری پاسیلاری سیلمه لییک

ایشیق سونمز جنابلاری فیس بوکدا بویله بیر یازی پایلاشیبلار

سوقو: شیعه و شیعه لیگین ایران و ایرانیت ایله هانکی اورتاقلیغی وار؟
جاواب: شیعه و شیعه لیگین ایران و ایرانیت ایله هر هانکی بیر ایلگی و ایلیشکیسی اولمامیش. شیعه و شیعه لیگی ایران و ایرانیت آنلاییشینا دوگونلمک عواملیق و عوامفریبلیک ساییلار. دئمک، شیعه مذهبی ده سنیلیکده اولان حنفی، شافعی، مالیکی، حنبلی آنلاییشلاری کیمی ایسلامیت دونیاسیندا یوروم و تعبیر آنلاییشی ساییلار. اوسته لیک شیعه لیگی ایرانیت مقوله سینه دویونلمک بیر چوخ حاللاردا فارسلیق اوچون سیاسی مقصد داشییار. بو سیاسی اویونلارا اویون وسیله سی اولماق دا هر هانکی بیر منطق ایله اؤرتوشمز و اوست اوسته دوشمز.
ایشیق سؤنمز، 27.08.2016

بو فیکیره گورا مهرداد جونز آدلی بیر دوستوموز، بویله بیر فیکیر اورتایا آتمیشلار:

Mehrdad Jons

سیزین بو یوروموزو یانلیش بیلیرم. شیعه دینی اهل سنتین شافعی و حنفی مذهبلری کیمی دییل. شیعه دینی اساس دان اسلام مذهب لرایله فرقلی اولدوغو اوچون تاریخ بویو اسلام عالم لری طرفیندن اسلام دیشی بیر عقیده کیمی تانیملانمیشدیر. قالدی کی شیعه چیلیگین ایران چیلیقلا ایلگیسی. شیعه دینی ایراندا اورتایا چیخمامیش آما ایران بوگونکو شیعه نین بئشیگی اولموش و علامه مجلسی کیمی یوزلرجه بویوک ایرانلی ملا بو مذهبی شکیلندیرمیشلر و نهایت خیمنی ده ولایت مطلق فقیه نظریه سینی بو دینه سوخموشدور و بئنزری اولمایان تام ایرانا مخصوص بیر دین اورتایا چیخمیش دئمک بو گونکو شیعه تام ایران چیلیغین بیر رمزی 

من: انصافعلی هدایت اولاراق بو حاقدا فیکیرله ریم وار و 17 جه له سه ده گوناذ تی وی ده بو حاقدا دانیشمیشام. اونلارجادا، اوزون یا قیسسا یازیلاریم وار. بونون اوچون فیکیرلریمی قیس بوکدا بویله یازدیم آمما بوردا ا،ونلارا بیر آز علاوه ادیب یا اونلاردان بئله کسه بیله رم:

من، بو مسئله ده مهرداد جنابلارینا چوخ یاخینام.

بیر باشقا مسئله ده بودور کی بیز آزربایجانلی تورکلرین فارسلارلا بیر باغیمیز وار،  اودا "شیعه چیلیک" دیر.

یوز ایلدن چوخ دور کی بو شیعه چیلیکده فارسلارین منافعی خیدمتینده دیر.

بیز، بو باغلیلیقی کوکوندن قیرمالی و آتمالییق!

من، دئمیرم کی شیعه لیگی بوشلایاق، بلکه ایستیرم کی فارسلار علاوه ادن خورافه لری و پاسلاری، شیعه چیلیکدن آتیب و بیر سالیم شیعه مذهبین ساخلایاق کی یئنه ده بیزه، قودرت و جسارت وئرسین تا ائوز میللی دوولت-میللتیمیزی بیر داها یاراداق! نئجه کی صفویلردن قاباقدان تا یوز ایل اووه له دک بیزه بو گوجو و ایسته گی عمه له گتیرمک گوجون و ایراده سین وئرمیش دیر!

ایسلامین جوره به جوره و رنگلی مذهب لری وار. بو مذهب لر، هر بیر ایسلام  اولکه سینده، او میللت و توپراغا عایید بیر رنگه صاحیب اولوب دور.

دوز دور کی سوزده "دین، خالقین خیدمتینده اولمالی" دئمک، دینچی لرین باخیشیندان پیس آلینیر و کوتو دوشونوله بیلیر آمما حیقت بودور کی دین، بیر جامعه نین بیر پارا بولوملری و احتیاجلارینا جاواب وئریر و خالقی بیر فیکیر و اینانج اوستهبیرلشدیرمک آماجی ایله یارادیلیب و خالقا و توپراقلارا خیدمت ادیرمیش

هر دینین هدفی ده بویوموش: خیدمت. 

بیر باخشیلا، آلله ائوزو اینسانا خادیم دیر. اینسانی خلق ادیر و اونون احتیاجلارین تامین ادیر و حقیقت ده اینسانا "سئرویس" و خیدمت وئریر. بو خیدمتلرین بیر سیراسی فیکیر و عبادت تعلیمی دیر و بیر سیراسی ایسه مادی و دونیوی فردی یا جمعی و هابئله حیسمی ایحتییاجلارا خیدمت تامین ادیر. آلله، بیر ایشچی کیمی ایشلیر و دایانمیر.

تاریخه باخیر کن، گورونور، او زامان کی بیر دین کوهنه لرمیش و داها او خیدمتی وئره بیلمزمیش، تازا بیر دین اورتایا چیغارمیش تا او میللتین منافعین و بیرلیگین تامین اتسین. 

یعنی دین لر بشر جامعه سینده بیر احتیاجلارا خیدمت اوچون اورتایا چیخارمیش. او خیدمتی وئره بیمه سه، یورولسا یا قوجالسا یا آدم اوغوللاری اونو تحریف ادیب و خورافه لرله دئییشدیررسه، آلله یئنی بیر دین گونه ررمیش تا تازا و جاوان بیر قان کیمی جامعه و اینسانلیقین دامارلاریندا جریان ادیب، اونو حرکه ته گتیرسین.

بو گوزلوکله، دینه و شیعه لیگه باخارساق، گوره ریک کی بیر زامانلار، شیعه لیک یولو (ایسلام یوللاریندان بیریسی = مذهبی) بیز آزربایجان تورکلرینین خیدمتینده اولوب، بیزلری بیرلشدیریب و بیر قودرتلی گوج حالینا گتیرمیش و بیر دونیا قودرتی و عوثمانلی کیمی دئو دئولتلرین قارشیسیندا دورماق گوجو وئرمیش و قودره ته چئویرمیش دیر.

آمما بو گونکو حالیمیزا باخارساق، نه گوروروک؟

بیر زامان شیعه چیلیک بیزی بیر دونیا چارچیوه سینده بیر گوجه چئویرمیش ایسه، نه دن، بیز ایندی،  فارسلارا قول اولوب، اونلارین قوللوغوندا قالیروق و بو قوللوغوموزا، بیر توپلوم اولاراق دا فخر ادیریک؟

چون، بیزیم توپلومو و خالقی بیر قودرته و گوجه چئویرن دین و اینانج، یا قوجالیب، یا خورافه لر ایله دولوب، ترسینه و ائوز ضیددینه دئییشیلیب و اصیل تاثیرین الدن وئریب. داها بو دین، بیزیم منافعیمیز اوچون ایشله میر و بیزیم میلله ته منفعت وئرمیر. بیزه خیدمت اتمیر بلکه بیزی داها درین موستملیکه و موستعمیره اولماق اوچون سوروگلور.

بونون اوچون، بو توپلومدا یا مذهب دئییشدیرمک لازیم دیر یادا دینی ایصلاح اتمک لازیم دیر تا بیزیم دین اینانجیمیز، بیز تورکله ره خیدمت وئرسین.

من، توپلومداکی شیعه لیگین ایصلاحینا ایصرارلی یام.

نیه؟

چون یئنی دینین گلمه سی و خالقیمیز طرفیدن قبول اولماسی، یوزلر بلکه ده مین لر ایل چکر. باشقا بیر طرفدن ایسه ده، بیزیم توپلومون، ایسلامچی اینانجینا اساسن، اصلن، یئنی دین گه له بیلمز. چون دین، محمد حضرتلری ایله تکمیل اولوب و "داها ینی بیر دین گلمییه جک!" قاورامینا اینانمیش بیر توپلومدا یاشیریق.

بونون اوچون، بیزیم یولوموز، شیعه لیگی تورک میللتیمیزین بیرلیگینه و قودرتلنمه سینه یونلتمه میز لازیم دیر.

ایصلاح اوچون ده لازیم دئییل چوخ چیرپیناق و ال قول چالاق. کافی دیر، فارث عالیم لری علاوه اتدیکلری خورافه لری و او عالیم لرین شخصی و گئری قالمیش فیکیرلرین، ایسلام و شیعه چیلیگین اوستوندن سیلیب آتاق. 

بو فارث خورافه لری ""پاسا" بنزیرلر کی بیر موحکم و پارلاق دمیر اوستونه اوتوروبلار. بونلاری سیلیب، اصیل ایشیق سانجان و گوجلو دمیری اورتایا چیخارماق لازیم دیر. بونلارین فیکیرلری، ایسلام اوچون نئچه قرنلیلیک پاس دیر!

میثال اوچون: "تسلیم اولماق"، "تقیه"، "فقیه یا موللا ویلایتی"، "موهوره باش قویماق"، "آداملارین معصوملوقو"، "آداملارین آلله دان گوجلو اولمالاری و شفاعت لری"، "ایماملارین، شیعه لرین گوناهلارین باغیشلاماق قودرتلری"، "زییارت اتمک"، "ایمامزاده مسئله سی"، "موللالیق و آیتولله لیقی بیر پئشه گورمک و اونلاری و اونلارین ضخصی فیکیرلرین موقددس تمه مک"، "ایماملاری معصوم یوخ بیر آللها اینانمیش و آلله اوچون چالیشقان اینسان کیمی اولگو گورمک"، "قورآن بیر کیتاب دیر کی محمد حضرتله رینین اینانجلارین اورتایا قویور کی او اینانجلاردان بیریسی ده آللهین ووجودو دور"، "بهیشت و جهننم بو دونیادا یارادیلمالی بیر اوتوپیا و آرزی دیر"، "آلله جللاد و رحیم سیز و شقی و ایشکنجه چی بیر کیمسه دئییل"، "آلله بیر قانونلار یارادیب و او قانونلاری سیندیرماز"، "دوعانین بیر اثری وارسا، سنین ایچینده اولمالی دیر و سنین دوشونجه ندن آسیلی دیر"، "ایسلامدا اصیل اولان عمل و ایشله مک و اونون نتیجه سی دیر" و ... کیمی پاسلاری سیلیب، آتماق لازیم دیر!

بو فارث خورافه لری و پاسلاری، آدمین شیعه اوغلونون سیاسی، دینی، ایقتصادی و ... حیاتی ساحه لرینده، گئنیش اولاراق یایئلمیش دیر.

بو خورافه لری آتیب، قورانی یئنی دن و مودئرن شکیلده آنلاماغا چالیشماق لازیم دیر. بو یولدا، حتتا بعضی آیت لر کی ایسلاما و قورآنا عایید دیر آمما بیزیم و مودئرن دونیا اوصوللاری ایله ترسه دیر، اونلاری گورمه دن گئچمک اولار. نئجه کی یوزلر ایل دیر "قول" آل وئری آیت لری کیمی آیت لری گوزدن قئراغا قویولوب.

عرض ایله دیگیم کیمی، دین آلله طرفیندن یا محمد افندیمیز طرفیندن گلیبسه، بیر آماجی واریمش: اینسانلیق ایجتیماسین بیرلشدیرسین و همن توپلومو، دوشمن لری قارشیسیندا،  گوجلندیرسین. بیز آزربایجان تورکلرینین ده بونا احتیاجیمیز وار

آما سورارسانیز کی دینین ائوزو لازیم دیر یا یوخ؟ بو فرقیلی بحث دیر کی منیم هدفیم دئییل.