بیر سورو: ریضا پالانی نیه فارس دیلین دوولتین رسمی دیلی ایله دی؟

حوسین خمسه پور آدلی بیر دوستوموز، فیس بوکدا مندن سوروشوب:

Hushang Khamsepour

بیر سوالیم وار اوستاد رضاپالانی درس اوخومانی فارسی دیلنده نیه اجباری ائدیر ؟
۱-فارس دیلنی رسمی اولا
۲-غیر فارس دیللری بینین آپار ماقچین
۳-بیر قوم و بیر میلت فارس یارادماقیچین
۴-غیر فارس دیلچی لری آسمیلاسیون اله ماقیچین
۵-مکانلارین آدینی دئشماغچین فارسی آد قویالار مثلا همان تیکان تپه فارسی آدی تکاب

منیم جاوابیم:

حوسین قارداشیم، سیز، ائوزوز جاوابلاری یازمیسیز.

من ده، بو سوال حاقدا، گئچن ایل "گوناذ تی وی" ده 30 ساحات دان چوخ برنامه آپارمیشام.

چوخلو دلیللر وار کی دوولتین رسمی دیلین فارسی اتسین لر.

خولاصه یازسام:

 1- ریضا پالانی دونه نه دک، قاجار و تورکلرین آند ایچمیش نوکری و سربازی دیر کی گرکن ده، جانین قاجار و تورکلر اوچون فدا اتمه گه آند ایچمیش دی.

ایندی کی ایش اوستونه گتیریلیب، ایستیر ده سین کی تورکلر پیس دیلر. پیس اولدوقلاری اوچون، آندیمی سیندیردیم و کودتا ایله دیم. بنون اوچون ده، اولده تورک لرین و قاجارلارین ائوزله رینه و سونرادا دیلله رینه حمله اتمه لی دیر.

 2- تورک دیلین و تورکلردن قالان هر ساحه ده آپاریلان ایصلاحلارا داوام وئرسئیدی، بو، او آنلام دا اولاردی کی قاجارلارین و تورکلرین سیاستلری دوزو دور. اونون اوچون ده ریضا پالانی تورکلرین آپاردیقی ایصلاحلارین ترسه سین آپارمالی دیر تا گوسته ره کی تورکلر دوز یولدا دئییلمیش لر.

اونون اوچون ده، مملکت لرین هامی سین و او جومله دن فارسیستانی بیر درین اوچورذوما آپاردی و ده ریه اوچوردو. ایله کی 100 ایلدیر دره یه دوشنلر ائوزلرینه گلمئییب لر و ائوزلرینه گلرنلر ده ماجرایه اینانمیرلار. دره یه سالیلمیشلیقلارینین دردی و شرمنده لیگی اوقه در آغیردیر کی هئش کیمین دئمه و دینمه جوراتی و جسارتی یوخ دور و اولمادی.

 3- ریضا پالانی ممالیکی محروثه میللت لری و حتتا فارثلار واسیطه سی ایله ایش اوسته گلمه میش دیر کی میللت لرین یا فارث قومونون منافعین و ایستک لرین ایرلی آپارسین.

اونو، اینگیلیس لر ائوز آماجلاری اوچون میللت له ره و حتتا فارثلارا تحمیل اتمیش دی.

بونون اوچون ده او مجبورودو، اینگیلیس لیلرین امرین لرین یئرینه گتیرسین و اونلارین سیاستلری اساسیندا یول یئری سین و یول آپارسین.

 4- اینگیلیس لر و خوصوصیله محسیحییت دونیاسی، "تورک" اولان میللت لردن درین و چوخ آغیر ضررلر گورموشدورلر.

تورکلر، اوروپانین یاریسین ایشغال اتمیش لردیر. اینگیلیس لر و مسیحی لر، هر یئرده و هر آددا اولور اولسون، تورک میللتلری و تورک حکومتله ری ایله موخالیفی دیرلر و تورکلرین توپراقلارین و سیاسی ایستیقلاللارین، باتی نین ضررینه گورودورلر. حتتا مومکونودو گلن ایللرده اینگیلیسی ده ایشغال اتسین لر.

 بونون اوچون عوثمانلی نی و سونرادا قاجاری آرادان آپاردیلار تا تورکلرین بیرده اوروپا و مسیحییت دونیاسینا بیر خطر اولماسین، اورتادان قالدیرسینلار.

موففق ده اولدولار. عوثمانلینین توپراقلاریندان، اونلار دوولت چیخاردیلار و بو تازا آمما ضعیف دوولت لری و میللتلری استعمار اتدیلر.

 قاجارین و بیزیم تورکلرین، هم توپراقلارین و هم دوولتیمیزی داغیتدیلار. ایله کی بیز 
دوولت سیز و موستعمیره شکلینه دوشدوخ.

 5. فارثلار، عربلرین حمله سیندن بری، ساسانیلرین شریندن قورتولموش میللتلری بیرده اوزلرینه موستعمیره اتمک اوچون 1300 ایلدیر چابا آپاریردیرلار. 1300 ایلدیر کی فارثلار، دوولتسیز و موستعمیره شکلینده ازیلیب، قالمیشدیرلار.

هر یوللا اولور اولسون آمما سیاست حاکیمییه تینی اله گئچیرسینلر، ایستردیرلر آمما سیاسی حاکیمییت، بیر تجروبه لی تورک میللتی قاباغیندا کافی اولماز دیر. بونون اوچون، گرکیر دیر کی تورکلرین کیملیک لرین آرادان آپارسینلار تا تورکلر، بیرده فارثلارین ایمپیراتورلوغونا تهلوکه اولابیلمه سین لر.

بونون اوچون، اوول ده گرکیر دیر کی تورکله ره، فارث دیلی تحمیل اولا. دیلله عاینی زاماندا، فارثلارین 1300 ایل اولمایان و یالان تاریخین، تورکله ره قالیب ادیب و تورکلری ائوز تاریخ لریندن خبرسیز ساخلاسین لار تا تورکلر ایچه ریلریندن بوشالسین و ایچه ریدن یئخیلسین لار و ائوز ائوزلرینه دئسین لر کی بیز نه دالی قالمیش میللتوخ کی بیر حسابی دیلیمیز و تاریخیمیز یوخ دور. بیزیم، تاریخ ده بئله کوکوموز یوخ دور. بیز بو توپراقلارا کوچموشوخ و بوردا قوناقوخ.

 بو فیکیرلر، سبب اولار کی تورکلر، اوزله رین ائو صاحیبی یوخ، قوناق بیلسین لر کی اگر ائو صاحیبین ناراحات اتسه لر، اونلاری ائودن اشیگه آتار و بونلار یئتیم لر کیمی چولده قالارلار.

 آمما ریضا پالانی نین تورکلر ضیددینه گلدیک ده، فارث دیلینین دوولت سوییه سینده رسمی اولماسی اینگیلیسلرین مورککب سیاستلرینین بیر گورونن بوجاقی دیر.

آیری گورونن بوجاقلاریدا واری دیر کی آشاغادا اونلارین بیر نئچه سین ساییرام آمما گورونمیه ن و گیزلین توتولموش سیاستلرینین، بو تئزلیکده اوستو آچیلماز.

آد دئییشدیرمک، پالتار دئییشدیرمک، خانیملاری بیر پالتار سئچیمینه مجبور بوراخماق، کیشیلرین پاپاخلارین دئییشدیرمک، تامام کیشی لری سرباز آپارماق، ایداره لرده فارسی دیلین دانیشماسی و یازیشماسی نین ایجباری اولماسی، تورک توپراقلاریندان سفیرلیک لری و کونسولوسلوقلاری طهرانا و فارثیستانا کوچورمک، خاریجی و داخیلی سرمایه و پولو تورک توپراقلاریندان قاچیرماق،  فارثیستاندا سرمایه یاتیرماق، تورک میللتیندن ایکی قات چوخ وئرگی (مالیات) آلماق، هانکی تورک فارثیستانا کوچورسه اوندان آز وئرگی آلماقلا، تورکلری وطنلریندن کوچکه گه تشویق اتمک، تورک ماحاللاریندا ایش سیزلیگین درینلشمه سی، تورکله ره توهین لر و تحقیرلر، و ... ریضا پالانی و فارثلارین گورونن  سیاستله رینین بیر پارچالاری   

دیرلر.