نادر قاضی پورا جسارت، تورکله ره توهین دیر. او، تورکلرین وکیلی دیر!
حورمتلی قاضی پور جنابلاری، من بو
فاشیست خبرنیگاری محکوم ادیرم و خبرنیگاری ده موتخصصیص اولاراق اعلام ادیرم کی او
بیر خبرنیگار کیمی یوخ بلکه تورکلرین بیر موخالیفی کیمی و حتتا بیر تورک ضیددی
کیمی سیزله دانیشیردی. نیه کی خبرنیگار چوخ حورمت له سوالین سوروشار، و جاوابین
گوزلر. بحثه گیرمز ایللا کی بیر میزگرد اولا و اعلامن اده کی من خبرنیگارلیق
اتمیرم بلکه سیز ایله بحث و جدل آپاراجاغام. موناظیره اده جاغام. بونو دئمه دی کی.
سیزی بهانه اتدی تا تورکله ره توهین و تحقیر اتسین!
منجه، گله جکده، بوجور فاشیست فارسلار،
تورکلره داها چوخ جسارت اده جکلر.
نیه؟
چون، قاباخلاریندا بیر "تورک
فراکسیونو"، 100 تورک میللت وکیلی له گورمورلر. سیز نوماینده لر، ایندی بیر
اولمالی و تورک میللتینین ناموسوندان، دیفاع ایتمه لیسیز.
اگر ایندی او 100 میللت وکیلی سیزدن
دیفاع اوچون آیاغا قالخسالار، حتتا دوولت بئله سیزین قاباغیزدا باش ایر آمما بو
فراکسیون دوروب تاماشاچی اولورسا، سیزین و بیز تورکلرین باشیمیز درده دوشه جک دیر.
ایندی گره کیر کی سیز موحترم تورک
نوماینده لری، آیاغا قالخیب، بیر 3 فورییتلی لاییحه مجلیسه آپاریب و میللت لره
اولان هر جوره توهین و تحقیره "اولوم حدده" بیر موجازات تعیین اده سیز
تا هئش کیمسه ده، توهین و تحقیره جسارت قالماسین!
سیزین ان لازیم ایشیز، لایحه آپارماق و
قانون تصویب اتمک دیر و ایندی بونون تام زامانی دیر!
ایندی تام زامانی دیر کی بیر ضیددی
نژادپرستی آمما اوچ فورییتلی لایحه مجلیسه آپاراسیز.
سیزه توهین، بیز تورک لره توهین دیر.
سیز، ایجازه وئرمه مه لیسیز تا بیزلره توهین و حیقارت اولسون. یوخسا بونو
باغیشلاماق اولماز! نه بیز باغیشلاریق، نه ده تورک میللتیمیزین تاریخی باغیشلار،
نه ده آلله باغیشلار.
بیرده، سیزده بو قدر وطن پرورلیک و
میللت سئوگیسی اولا اولا، بیزی فارسلار تانیتدیرماق ایسته دیکلری کیمی تانیتمایین
لوطفن. اوتانمایین! بیز تورک اوغلو تورکوخ! سیزده تورک میللت وکیلی سیز! آذری آدلی
بیر میللت یوخ دور کی سیز اونون وکیلی اولاسیز.
یاشاسین تورک اوغلو تورک نادر قاضی پور
جنابلاری
یاشاسین جسارتلی رزمنده میز!
Comments
Post a Comment