دیل، آغیل دیر، آغیلین ائولچوسو، آغلئن گئتدیگی یول-یونتم و گله‌جک دیر
بو پوروقرام، "گونئی آزربایجاندان باخیش"ین دوخسان اینجی پوروقرامی اولاراق، سایین اوغوز تورک جنابلارینین مودوراتورلوقو ایله باشلادی.
اوغوز بئین “قوردت و دیل” حاقدا دوشونجه‌لری، منه (انصافعلی هدایت ) چوخ جالیب گلدی و اونو تاپیب، اوخومانی اوزومه بورج بیلدیم.
دیل نه دیر؟ آنا دیلی نه دیر؟
من (انصافعلی هدایت) آنا دیلیندن، هر کسین آناسینین دیلین اولدوغونو دوشونوردوم. اوزون زامانلاردا بئله دوشونوردوم. آمما بئینیمده، رو حاقدا بیر چوخ سورو وار ایدی.
بیر گون آنلادیم و دوشوندوم کی "آنا دیلی"، تکجه “نه‌نه” دیلی دئییل، بلکه وطن دیلی، میللت دیلی، رسمی دیل، دوولت دیلی، تعلیم دیلی، توپلوم دیلی، قانون و حوقوق دیلی، ایش دیلی و گلیر قایناقی دیلی دیر.
.آنا دیلی، تمدّون و مدنیّتین اُزو ایمیش
سونوندا بئله بیلگییه و اینانجا چاتدیم کی بیر میللی دیلی و تمدّونو، ائو حبسینه آلار یا زیندانا سالارسینیز، تک اُ دیل اُلمز، بلکه بیر میللت، بیر دوولت، بیر وارلیق، بیر دونیا باخئشی-گوروشو، بیر تمدّون، بیر چوخ یاشام فلسفه‌لرین ده اُلدوررسینیز.
آنا دیل؛ ائو دیلی دئییل. وارلیق دیر کی بیر میللتی و توپلومو هم یاشار، همده یاشادار.
آنا و میللی دیل؛ بیر میللتین، بیر تاریخین، بیر وارلیقین هم دونیا گوروشو دور، همده توپلومون گله‌جک‌ده‌کی گلیشمه‌سینی و هانکی یولدا یوروشونو بلی ادن اصیل عونصور دور.
منه بئله گلیر کی آنا دیل و میللی دیل؛ عربجه ده "عقل" دئییلن تورکجه‌ده ایسه "آغئل" دئییلن وارلیقین ائوزو دور. دیل، آغیلین ائولچوسو، هابئله دیل، آغلئن گئتدیگی یول-یونتم دیر.
هر دیل، گئچمیشدن گلیر آمّا توپلومون اینکیشافین، گلیشمه سویّه‌سین و گله‌جه‌گین گوسته‌رن ایشیق دیر.
بو صوحبت‌لردن سونرا، سایین اوغور بی تورک جنابلاری "دیل قوردت دیر و قودرت دیل دیر" آدلی یازدیقی مقاله‌یه ایشاره ادیبن، بو حاقدا چوخ گوزل و ده‌یرلی بیلگی‌لری پایلاشدی.
سونرا، قونو، میللی حرکتده “دورقونلوق” و "حرکته" گئچدی. بو حاقدا، ایکی اوچ میثال ووراراق، میللی حرکتین ایچینده و درینلیکلرینده گئدن جریانلارا ایشاره ادیب، فئکیر آل وئرینده بولوندوق.
پورقرامین ان سونونجو بولومو، ایراندا گئدن سئچگی‌لر مهندیسلی‌گی ائوزرینده، سوز چارپئشماسینا گئچدی.
بورادا، ایختیلافلی و فرقیلی گورونن سئجاق موباحیثه‌لر یورودولدو.
هر ایکی ایشتیراکچینین باخیشیندا، کاندیدلر و اونلارین تبلیغاتچئلاری، تورک و آزربایجانا خیانت ایچینده دیرلر. خوصوصیله کی اون مین میلیارد تومن پوللاری ایله ایران-فارس ایشغالی سومورگه‌سینین داها درینلشمه‌سینه سبب اولورلار.
اونلارین پولو، ایران-فارس ایستعمارینین گوجلنمه‌سینه سبب اولور، دییه سوزلر سوروب گئتدی.
انصافعلی هدایت
29. 02. 2024
https://youtu.be/ahVrtTcJWK4?si=HbXlOmRmUvQB6G76
No comments:
Post a Comment